ភ្ញាក់ផ្អើល! ក្រោយលេចឮថា អៀង ចេនឡា សារភាពជំពប់ស្នេហ៍លើស្រីពីន
- ភ្នំពេញ
ជាដំណឹងដ៏ភ្ញាក់ផ្អើលមួយ នៅពេលដែលស្ងាត់ៗតារាសម្តែងលោក អៀង ចេឡា បានសារភាពលួចស្រឡាញ់តារាសម្តែង និងកំប្លែងស្រីពីន ខណៈពេលអ្នកទាំងពីរបាន
ជាដំណឹងដ៏ភ្ញាក់ផ្អើលមួយ នៅពេលដែលស្ងាត់ៗតារាសម្តែងលោក អៀង ចេឡា បានសារភាពលួចស្រឡាញ់តារាសម្តែង និងកំប្លែងស្រីពីន ខណៈពេលអ្នកទាំងពីរបាន
រាជធានីភ្នំពេញ ៖ ជាដំណឹងដ៏ភ្ញាក់ផ្អើលមួយ នៅពេលដែលស្ងាត់ៗតារាសម្តែងលោក អៀង ចេនឡា បានសារភាពលួចស្រឡាញ់តារាសម្តែង និងកំប្លែងស្រីពីន ខណៈពេលអ្នកទាំងពីរបានចាប់ដៃគូជាមួយគ្នានៅក្នុងកម្មវិធីមួយនៅស្ថានីយទូរទស្សន៍ ctv8 ។
អ្វីដែលគេកាន់តែចាប់អារម្មណ៍ទៀតនោះ គឺគេក៏បានឃើញលោកអៀង ចេនឡា ក៏បានប្តូររូបCover Facebook របស់ខ្លួន ដោយដាក់រូបលោក និងស្រីពីន ក្នុងឈុតរៀបការដែលលោកបានសម្តែងរួមគ្នានៅក្នុងរឿងកំប្លែងមួយ ដែលដឹកនាំដោយនាយក្រឹម។
មហាជន ជាពិសេសបណ្តាអ្នកលេងហ្វេសប៊ុក បានសម្តែងការភ្ញាក់ផ្អើល ហើយក្នុងពេលនោះ អ្នកខ្លះបានចូលទៅខំមិនដោយដាក់ជាចម្ងល់ថា តើជាគូរនឹងគ្នាឬយ៉ាងណា?។ ទោះជាយ៉ាងណា លោក អៀង ចេនឡា មិនបានឆ្លើយជាវិជ្ជមានណាមួយចំពោះការសាកសួរខាងលើនេះ ប៉ុន្តែលោកក៏មិនបានបដិសេធចំពោះរឿងនេះដែរ។
ពាក់ព័ន្ធបញ្ហាខាងលើនេះ លោក អៀង ចេនឡា បានអះអាងប្រាប់កោះសន្តិភាពតាមសារអេឡិចត្រូនិចថា លោកមានការចូលចិត្តរូបភាពមួយនេះណាស់ ទើបលោកយករូបនេះមកដាក់នៅលើ Cover ហ្វេសប៊ុករបស់លោកតែម្តង។ លោកបញ្ជាក់ថា ចំពោះការដាក់រូបនេះឡើង លោកមិនខ្លាចនូវការយល់ឃើញពីមហាជនដែលសំដៅទៅលើរឿងស្នេហានោះឡើយ ពោលគឺរឿងនេះ ជារឿងធម្មតាសម្រាប់លោកជាអ្នកសិល្បៈ។
ទោះជាយ៉ាងណា បើតាមលោក អៀង ចេនឡា ថា សម្រាប់លោកនោះ លោកចង់អោយរឿងនេះក្លាយជាការពិតដែរ ប៉ុន្តែប្រាកដជាមិនអាច ព្រោះលោកមិនមែនជាអ្នកមានឡើយ។ លោក អៀង ចេនឡា បន្ថែមថា ចំពោះរឿងខាងលើនេះ កន្លងមក លោកធ្លាប់សាកចិត្តស្រីពីនដែរ ប៉ុន្តែអ្វីៗហាក់គ្មានសង្ឃឹមឡើយ។ យ៉ាងណាលោកបញ្ជាក់ថា លោកនឹងនៅតែបន្តព្យាយាមចំពោះរឿងនេះដដែល លុះត្រាណា ស្រីពីន មានគូហើយទើបលោកឈប់។
បើតាមរយៈតារាសម្តែង និងកំប្លែងស្រីពីន វិញ ក៏បានអះអាងប្រាប់កោះសន្តិភាពដែរថា មិនអាចនោះទេ និយាយទៅអារម្មណ៍២នាក់យើង គឺមិនមានជារឿងស្នេហានោះទេ ព្រោះទាំង២នាក់យើងស្គាល់គ្នាយូរដែរ ។ នាងក៏បានបញ្ជាក់ថា រវាង២នាក់យើងគឺមិនអាចនោះទេ៕
ចែករំលែកព័តមាននេះ