YG ចេញមុខបដិសេធរាល់ព័ត៌មានស្នេហា Jisoo និង Son Heung Min
កូរ៉េខាងត្បូង ៖ ទីបំផុត ក្រុមហ៊ុន YG បានចេញមុខបដិសេធទាំងស្រុងរាល់ព័ត៌មានដែលអះអាងថា តារាចម្រៀង Jisoo និង
កូរ៉េខាងត្បូង ៖ ទីបំផុត ក្រុមហ៊ុន YG បានចេញមុខបដិសេធទាំងស្រុងរាល់ព័ត៌មានដែលអះអាងថា តារាចម្រៀង Jisoo និង
កូរ៉េខាងត្បូង ៖ ទីបំផុត ក្រុមហ៊ុន YG បានចេញមុខបដិសេធទាំងស្រុងរាល់ព័ត៌មានដែលអះអាងថា តារាចម្រៀង Jisoo និងកីឡាករបាល់ទាត់ Son Heung Min មានទំនាក់ទំនងស្នេហា។ នេះបើតាមការចេញផ្សាយពីសារព័ត៌មាន koreaboo នៅថ្ងៃទី១០ ខែតុលានេះ។
ថ្មីៗនេះពាក្យចចាមអារ៉ាមស្នេហារវាងកំពូលតារាចម្រៀង Jisoo របស់ក្រុម BLACKPINK និងខ្សែប្រយុទ្ធឆ្នើមក្រុមជម្រើសជាតិកូរ៉េខាងត្បូង Son Heung Min ដែលកំពុងប្រកបអាជីពនៅក្រុមមាន់ខ្នាយមាស Tottenham Hotspur បានផ្ទុះឡើងខ្លាំងលើបណ្តាញសង្គម និងបណ្តាសារព័ត៌មានធំៗជាច្រើន។ បន្ទាប់ពីអ្នកទាំងពីរត្រូវបានគេប្រទះឃើញចាកចេញពីប្រទេសបារាំងក្នុងពេលតែមួយ បូករួមជាមួយតម្រុយជាច្រើនផ្សេងទៀតកន្លងមក។
ពាក់ព័ន្ធរឿងនេះ ក្រុមហ៊ុន YG បានចេញមកប្រកាសជាសាធារណៈដើម្បីបញ្ចប់ពាក្យចចាមអារ៉ាមរវាងអ្នកទាំងពីរយ៉ាងដូច្នេះថា៖
«យើងសូមបញ្ជាក់ថាពាក្យចចាមអារ៉ាមណាត់ជួបទាំងអស់ទាក់ទងនឹង Jisoo របស់ BLACKPINK មិនមែនជាការពិតទេ។ យើងបានដឹងអំពីពាក្យចចាមអារ៉ាមទាំងនោះ។ ដោយពិចារណាថា វាកំពុងរីកសុសសាយយ៉ាងខ្លាំងក្នុងចំណោមអ្នកគាំទ្រអន្តរជាតិផងដែរនោះ។ ដូច្នេះទើបទាមទារឱ្យមានសេចក្តីថ្លែងការណ៍ជាផ្លូវការ ដើម្បីសូមឱ្យបញ្ឈប់ការផ្សាយព័ត៌មានមិនពិតដែលមិនសមហេតុផល»។
គួររំលឹកថា Jisoo បានចូលរួមក្នុងកម្មវិធី Paris Fashion Week ក្នុងនាមជាទូតសុឆន្ទៈរបស់ក្រុមហ៊ុន Dior ខណៈ Son Heung Min ក៏ត្រូវគេប្រទះឃើញក៏មានវត្តមាននៅប្រទេសបារាំងផងដែរ។ ទោះយ៉ាងខ្សែប្រយុទ្ធរូបនេះ មិនទាន់ចេញសេចក្តីថ្លែងការណ៍ផ្លូវការណាមួយជុំវិញរឿងនេះនៅឡើយទេ៕
ចែករំលែកព័តមាននេះ