ពិធីបុណ្យប្រពៃណីជាតិ នៃពិធីបុណ្យភ្ជុំបិណ្ឌរបស់កម្ពុជា បានមកដល់ឱកាសថ្ងៃបិណ្ឌធំ ដែលបានកំណត់តាមក្បួនច្បាប់ ហើយមានចំនួន១៤វេន និងវេនទី១៥ ជាវេនឆ្លង។ ដូចនេះ ពុទ្ធបរិស័ទជាច្រើន ដែលគោរពប្រពៃណីព្រះពុទ្ធសាសនា
រាជធានីភ្នំពេញ ៖ ពិធីបុណ្យប្រពៃណីជាតិ នៃពិធីបុណ្យភ្ជុំបិណ្ឌរបស់កម្ពុជា បានមកដល់ឱកាសថ្ងៃបិណ្ឌធំ ដែលបានកំណត់តាមក្បួនច្បាប់ ហើយមានចំនួន១៤វេន និងវេនទី១៥ ជាវេនឆ្លង។ ដូចនេះ ពុទ្ធបរិស័ទជាច្រើន ដែលគោរពប្រពៃណីព្រះពុទ្ធសាសនា មិនហ៊ានខកខានចោលនោះទេ ទោះបីមមាញឹកការងារ ឬមុខរបររកស៊ីបែបណា គឺតែងតែទៅទីអារាមជិតឆ្ងាយ ដើម្បីបានឧទ្ទិសកុសលដល់ ញាតិតិកា៧សន្ដានដែលបានចែកឋានទៅកាន់លោកខាងមុខ។
ជាមួយគ្នានេះដែរ ជននានុជនទាំងឡាយ តែងតែសម្អិតសម្អាងកាយ ស្អាតបាត ស្លៀកពាក់សមរម្យទៅតាមក្បួនខ្នាត ដើម្បីឆ្ពោះយកចង្ហាន់ ម្ហូបអាហារ និងទេយ្យទានផ្សេងៗជូនដល់ព្រះសង្ឃ ដើម្បីវេរឧទ្ទិសអ្នកចែកឋានទៅ។
យ៉ាងណាមិញ យើងងាកមកមើលឈុតសម្លៀកបំពាក់សំពត់បត់ អាវប៉ាក់ខ្មែរ ឆ្នៃទម្រង់ទាន់សម័យដែលគ្រងដោយក្រុមនារីកំពូលសម្រស់ជាស្រីស្អាត និងជាបវរកញ្ញាទៀតនោះ ពិតជាបានគយគន់ហើយទាក់ទាញណាស់។ សម្រស់បវរកញ្ញាទាំងនោះ ដែលពេលនេះ កំពុងទទួលបានការលេចធ្លោ និងល្បីឈ្មោះ រួមមាន ៖ បវរកញ្ញាចក្រវាឡ រ៉េត សារីតា និងឈុន រក្សា Miss Grand Cambodia 2020 លីវ ជីលី លឹម សុធារី និងកញ្ញាអតីតម្ចាស់មកុដ សេងរដ្ឋា។
អ្នកទាំងនោះថ្វីបើមានឈ្មោះក្នុងកម្មវិធីប្រឡងផ្សេងៗគ្នាមែន តែឱកាសផ្សព្វផ្សាយពីវប្បធម៌ ប្រពៃណីទំនៀមទំលាប់ខ្មែរ គឺរមែងតែងតែចូលរួមមិនដែលរំលង។ នេះជាការជួយទ្រទ្រង់សមជាបវរកញ្ញាគម្រូដល់អ្នកក្រោយ ព្រោះស្ត្រីខ្មែរតាំងពីដើមមកសុភាពទន់ភ្លន់ តែរឹងមាំមិនចុះចាញ់ ឧបសគ្គឡើយ។
យ៉ាងដើម្បីទប់ស្កាត់ការរីករាលដាលជំងឺកូវីដ១៩ រដ្ឋាភិបាលបានប្រកាសផ្អាកការជួបជុំ ធ្វើបុណ្យ កាន់បិណ្ឌ រហូតចប់ពិធីតាមទីអារាមនៅក្រុងភ្នំពេញ។ មូលហេតុព្រោះតាមវត្តមួយចំនួនផ្ទុះការរីករាលដាលឆ្លងជំងឺនេះជាបន្តបន្ទាប់។
ចែករំលែកព័តមាននេះ