ប្រធានាធិបតីអ៊ុយក្រែនកាលពីថ្ងៃទី២២ ខែកញ្ញា ឆ្នាំ២០២១ បានសន្យាពីការឆ្លើយតបវិញ យ៉ាងខ្លាំងក្លាក្រោយការប៉ុនប៉ងធ្វើឃា.តទីប្រឹក្សាទីមួយរបស់លោកមក។ គឹនៅជិតទីក្រុង
ប្រទេសអ៊ុយក្រែន ៖ ប្រធានាធិបតីអ៊ុយក្រែនកាលពីថ្ងៃទី២២ ខែកញ្ញា ឆ្នាំ២០២១ បានសន្យាពីការឆ្លើយតបវិញ យ៉ាងខ្លាំងក្លាក្រោយការប៉ុនប៉ងធ្វើឃា.តទីប្រឹក្សាទីមួយរបស់លោកមក។ គឹនៅជិតទីក្រុងគៀវ ដែលរថយន្តរបស់ទីប្រឹក្សារូបនោះ លោក SERGUII CHEFIR រងការបាញ់ប្រហារ។ ហើយមនុស្សជំនិតនោះរបស់ប្រមុខរដ្ឋគេចផុត មិនត្រូវគ្រាប់កាំភ្លើងឡើយ តែអ្នកបើករថយន្តរងរបួស។
នាវេលាម៉ោង១០ព្រឹកម៉ោងក្នុងស្រុក ថ្ងៃទី២២ កញ្ញា ពួកជនមិនស្គាល់មុខ បានបាញ់ប្រហារមកលើរថយន្ត របស់លោក SERGUII CHEFIR នៅជិតភូមិ LISNYKY ស្ថិតក្នុងតំបន់ទីក្រុងគៀវ រដ្ឋធានីអ៊ុយក្រែន។ សរុបរថយន្តរបស់លោករងការបាញ់ប្រហារដល់១៨គ្រាប់ ដោយកាំភ្លើងស្វ័យប្រវត្តិ។ នោះជាការប៉ុនប៉ង ដើម្បីបង្កអស្ថេរភាពដល់អ៊ុយក្រែន ប្រឆាំងនយោបាយរបស់ប្រធាធិបតី តែអាចមានមូលហេតុក្រៅពីនោះទៀត។
ប្រធានាធិបតីអ៊ុយក្រែនលោក VOLODYMYR ZELENSKY បានអះអាងថា បែបនោះនឹងគ្មានឥទ្ធិពលមកលើក្រុមរបស់យើង ឬដល់របត់ដែលយើងជ្រើសរើស ឆ្ពោះទៅរកការផ្លាស់ប្ដូរ ទៅរកការកសាងសេដ្ឋកិច្ច ការតស៊ូប្រឆាំងឧក្រិដ្ឋកម្មគឹបណ្ដាពួកអ្នកមានធំៗដែលមានឥទ្ធិពលឡើយ។ វានឹងគ្មានឥទ្ធិពលបែបណាមួយតែវាមានឥទ្ធិពលផ្ទុយពីនេះវិញទេ។
អាជ្ញាធរអ៊ុយក្រែនមិនបដិសេធឡើយចំពោះការចូលរួម របស់បណ្ដាភ្នាក់ងារពិសេសបរទេស ចំពោះការវាយប្រហារនេះដែលពិតណាស់ ចង់និយាយសំដៅលើរុស្ស៊ី ជាសត្រូវភូមិសាស្ត្រនយោបាយរបស់អ៊ុយក្រែន៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ