រាជធានីភ្នំពេញ ៖ ស្រីស្អាត កែវ សេងលីហួរ ដែលពេលនេះកំពុងតែមានវត្តមានប្រឡង Miss Grand Cambodia 2021 ត្រូវបានអ្នកតាមដានមើលឃើញថា នាងមានការតាំងចិត្តជាថ្មី សម្រាប់ការងាកមកវេទិកាសម្រស់។ លីហួរ ធ្លាប់ប្រកួតប្រជែង នូវបណ្តាកម្មវិធីប្រឡងមួយចំនួន រហូតមានការទទួលបាននូវ បទពិសោធន៍ជាច្រើន។ ប៉ុន្តែអ្វីដែលទទួលបាន នៅមិនទាន់ដល់គោលដៅ ទើបស្រីស្អាតរាងខ្ពស់ស្រឡូនរូបនេះ បន្តវាយលុកជាថ្មី។
កញ្ញា កែវ សេងលីហួរ ជាកញ្ញាឯកផែនដីកម្ពុជា២០១៨ ពេលនេះបានឡើងឆាកប្រកួតកម្មវិធីសម្រស់ជាថ្មីម្តងទៀត គឺ Miss Grand Cambodia 2021 ក្រោយខកខានការប្រកួតអស់ជាច្រើនឆ្នាំ។ វេទិកាមួយនេះ លីហួរ រំពឹងថានឹងទទួលបានការផ្តោតអារម្មណ៍ពីទស្សនិកជន យោងលើសម្រស់ និងទេពកោសល្យ។
ម្យ៉ាងយោងទៅលើបទពិសោធន៍ កែវ សេងលីហួរ និងយកឈ្នះបាន នៅពេលដែលនាងខំពង្រឹងសមត្ថភាពបន្ថែមទៀត ពីអ្នកបង្ហាត់បង្ហាញ។ ម្យ៉ាងបរាជ័យ កន្លងមក បានធ្វើអោយនាងបន្តភាពរឹងមាំ រឹតតែចង់ងើបឡើង ដើម្បីបង្ហាញអោយអ្នកមាក់ងាយ ឃើញថា នាងមិនមែនជានារីទន់ខ្សោយ ដែលចុះចាញ់ភាពបរាជ័យឡើយ។
ដំណឹងការចូលប្រកួតជាថ្មីរបស់នាង បានធ្វើឲ្យអ្នកគាំទ្រមានការភ្ញាក់ផ្អើលជាខ្លាំង ថែមទាំងមានក្តីរំពឹងខ្ពស់សុទ្ធសឹងជាអតីតបវរកញ្ញាដែលមានបទពិសោធន៍លើការប្រកួតខ្នាតអន្តរជាតិកន្លងមករួចហើយ។
កែវ សេងលីហួរដែលមានកែវ ភ្នែកធំៗ បបូរមាត់ទាក់ទាញ អោយដឹងថា ការសម្រេចចិត្តនេះ ចង់អោយគេមើលឃើញថា នាងនៅតែអាចឈរមកលើវេទិកាឡើងវិញបាន បើទោះជាធ្លាប់មានប្រវត្តិប្រកួត។ ម្យ៉ាងចង់ចូលរួមលើកកម្ពស់វិស័យបវរកញ្ញាដែលកំពុងមានប្រជាប្រិយភាពរបស់យើង អោយតែទាក់ទាញ។ ភាពបរាជ័យមិនមែនជារឿងដែលយើង ត្រូវអស់សង្ឃឹមនោះទេ ។ វាបានជម្រុញអោយ នាងកាន់តែចង់មកម្តងទៀត ដើម្បីល្បងមើលស្នាដៃខ្លួន។
ម្យ៉ាងចង់អោយ ក្រុមគ្រួសារមើលឃើញថា ការតស៊ូរបស់នាងលើវិស័យបវរកញ្ញា គង់តែបានសម្រេច មហាជនទទួលស្គាល់ ជាពិសេសអ្នកដែលចំអកឡកលើយ ក៏អាចនឹងភ្លឺភ្នែក នៅពេលឃើញនាងបន្តវិលមកប្រឡង។
ចែករំលែកព័តមាននេះ