តារាកំប្លែងជួរមុខ ប្រចាំទូរទស្សន៍ស៊ីធីអិន ខ្ញុង ដែលមហាជនជាច្រើនសរសើរថា មានទេពកោសល្យសម្តែង ហើយជាដៃគូកំប្លែងសមជាមួយពាក់មី។ ពេលនេះនាងស្រាប់តែធ្វើអោយគេភ្ញាក់ផ្អើល ព្រោះខំសាបព្រោះលើវិស័យសិល្បៈទំរាំបានផ្លែផ្កា ពេលនេះស្រាប់តែប្រកាស
រាជធានីភ្នំពេញ ៖ តារាកំប្លែងជួរមុខ ប្រចាំទូរទស្សន៍ស៊ីធីអិន ខ្ញុង ដែលមហាជនជាច្រើនសរសើរថា មានទេពកោសល្យសម្តែង ហើយជាដៃគូកំប្លែងសមជាមួយពាក់មី។ ពេលនេះនាងស្រាប់តែធ្វើអោយគេភ្ញាក់ផ្អើល ព្រោះខំសាបព្រោះលើវិស័យសិល្បៈទំរាំបានផ្លែផ្កា ពេលនេះស្រាប់តែប្រកាសលាឈប់លែងនឹកស្រណោះ មិនដឹងថា បណ្តាលមកពីមូលហេតុសំខាន់បែបណា ដែលបណ្តាលអោយ អ្នកនាងគិតបែបនេះ។
អ្នកនាង ស្រេង សុកាន់ដា ហៅខ្ញុង តារាកំប្លែងបាននិយាយទាំងទឹកមុខស្រពោន ដាក់ការ Live video ថា «មកម្តងនេះ នាងមិនមែនឡាយលក់របស់របរដូចមុនទេ ។ នាងមកចង់ប្រាប់ពុកម៉ែបងប្អូនថា វិថីសិល្បៈទំនងលាឈប់តែម្តងហើយ សូមបងប្អូនអ្នកគាំទ្រ ទុកនាងជាមនុស្សធម្មតាៗទៅបានហើយ»។
តារាកូន២មានវ័យ៣៧ឆ្នាំនេះបន្តថា «នាងស្ត្រេសពេក ហើយដូរអាជីពមកលក់ផ្អក ប្រហុកវិញ បងប្អូនជួយទិញផង»។ នាងសង្កត់ពាក្យធ្ងន់ៗថា «ការឈប់នេះ មានហេតុ និងផលរបស់វា ហើយនាងដឹងច្បាស់ពីការសម្រេចចិត្តមួយនេះ។ មនុស្សយើងមាន២ដែលគេចងចាំ ពេលអស់ជីវិត គឺអាណិត និងស្អប់ខ្លះស្លា.ប់ទៅគេអាណិត ខ្លះគេស្អប់។ នាងរំភើបពេលប្រកាសលា មិត្តខ្លះថាស្តាយ បានអ្នកណាធ្វើអោយសើចទៀត។ ប៉ុន្តែមកពីក្នុងផ្លូវចិត្តនាងមានការជ្រើសរើសហើយមិនប្រែប្រួល ។ ៦ឆ្នាំជិត៧ឆ្នាំ នាងហែលឆ្លងច្រើនណាស់តាំងពីជាប់កំប្លែង ធ្វើមិចនេះជាការសម្រេចចិត្ត នាងសុំនៅធម្មតាៗ គឺស្រួលចិត្តជាង»។
គួរបញ្ជាក់ថា ខ្ញុង បានដើរតួអង្គជាច្រើនលើនាទីកំប្លែងនៅស៊ីធីអិន។ អ្នកស្រុកគៀនស្វាយរូបនេះ ចាប់តាំងពីល្បីឈ្មោះមក មានការងារជាច្រើនលើផ្នែកសិល្បៈរហូតបានចូលខ្លួនមកថតភាពយន្តដុំដាក់បញ្ចាំងតាមរោងកុនអោយផលិតកម្មល្បីៗជាច្រើនរឿង។ នាងទ្រាំរស់នៅមេម៉ាយជាច្រើនឆ្នាំ ទើបតែប៉ុន្មានឆ្នាំចុងក្រោយនេះ នាងជ្រើសរើសនាយកៃដរ ជាស្វាមីថ្មីហើយ និងបានចងក្រងជាចំណងដៃកូន១ជាមួយគ្នា ខណៈមុននាងមានកូន១។ ការលាចេញនៅតែធ្វើអោយគេស្តាយទេពកោសល្យ ហើយរំពឹងថា នាងនឹងផ្តាស់ប្តូរជំហរលែងគិតឈប់វិញ។
ចែករំលែកព័តមាននេះ