អ្នកនាង គឹម លីហ្សា បានប្រើវិធីសាស្ត្រមិនទុក្ខសោកជាមួយជីវិតប្តីប្រពន្ធដែលរងផលប៉ះពាល់ដោយជីវិតប្រេះឆា ហើយមកទល់ពេលនេះ។ គឹម លីហ្សា បានរក្សាជំហរស្ងៀមស្ងាត់បំផុតកម្រនឹងអោយគេដឹង ហើយប្រឹងប្រែង
រាជធានីភ្នំពេញ ៖ អ្នកនាង គឹម លីហ្សា បានប្រើវិធីសាស្ត្រមិនទុក្ខសោកជាមួយជីវិតប្តីប្រពន្ធដែលរងផលប៉ះពាល់ដោយជីវិតប្រេះឆា ហើយមកទល់ពេលនេះ។ គឹម លីហ្សា បានរក្សាជំហរស្ងៀមស្ងាត់បំផុតកម្រនឹងអោយគេដឹង ហើយប្រឹងប្រែងញញឹមធ្វើមិនដឹង មិនឮ គិតតែពីរឿងរកស៊ី ដែលនាងខ្វល់ខ្វាយរាល់ថ្ងៃ។ អ្នកដែលបានដឹងរឿងនេះ ពិតជាភ្ញាក់ផ្អើលមិនតិចនោះទេ ព្រោះ គឹម លីហ្សា ក៏ត្រូវបានគេចាត់ចូលថា ជាតារាមានសំណាងល្អបានប្តីដុកទ័រនៅអូស្ត្រាលី បែរជាមកបាក់បែកទាំងតែមានដល់ទៅកូន២នាក់។
តារាសម្តែង គឹម លីហ្សា កម្របើកកកាយណាស់ ទោះជាយ៉ាងណា យោងតាមការឆ្លើយតប (Reply) របស់ គឹម លីហ្សា ទៅកាន់មិត្តភក្តិដែលចូលមកបញ្ចេញយោបល់ (Comment) ក្នុងគណនីហ្វេសប៊ុករបស់នាង លីហ្សា បានបញ្ជាក់ថា ការប្រកាសលែងប្តីរបស់នាង គឺជាការពិតមែន មិនមែនជាការលេងសើចទេ» ។ ដោយនាងបញ្ជាក់ថា «មុនការប្រកាសបែបនេះ នាងនិងប្តីបានរស់នៅបែកផ្ទះ បែកបន្ទប់ បែកគ្រែជាង១ឆ្នាំមកហើយ ដោយសារតែការមិនចុះសម្រុងគ្នា»។ គឹម លីហ្សា ថែមទាំងបង្ហើបថា «គ្រោងធ្វើពិធីជប់លៀងលែងប្តី ដើម្បីលាកម្មជួបស្នេហ៍មិនសមប្រកបទៀតផង»។
គួររំលឹកថា អតីតតារាសម្តែងរូបស្រស់សាច់សខ្ចី គឹម លីហ្សា បានរៀបការជាមួយបុរសអាណិកជនខ្មែរនៅអូស្ត្រាលី ឈ្មោះ គីវ វុឌ្ឍី ហៅស្តេវិន មានមុខរបរជាគ្រូពេទ្យ កាលពីថ្ងៃទី១៨ ខែធ្នូ ឆ្នាំ២០១៣ ដោយមានវត្តមានសិល្បករ-សិល្បការិនីជាច្រើនរយនាក់ បានអញ្ជើញចូលរួមអបអរសាទរ បន្ទាប់ពីនាងនិងស្វាមីមានទំនាក់ទំនងស្នេហាផ្អែមល្ហែមនឹងគ្នាអស់រយៈពេលជាងពីរឆ្នាំមកហើយ។
គឹម លីហ្សា ក៏បានផ្តាច់សិល្បៈ ក្រោយពេលរៀបការបានប៉ុន្មានខែ ដើម្បីចេញទៅរស់នៅអូស្ត្រាលី ។ នាងក៏ជាអតីតក្រុមចម្រៀងរៃមាសតោមាស ដ៏លេចធ្លោ ហើយក៏ក្លាយជាតារាសម្តែងដ៏ប៉ិនប្រសព្វ និងបានឡើងកូដខ្លាំង ពេលក្លាយជាតួសម្តែង។
អតីតតារាសម្តែង គឹម លីហ្សា ដែលបានរៀបការប្តីជាអាណិកជនខ្មែរនៅប្រទេសអូស្ត្រាលី និងបានចេញទៅរស់នៅក្រៅប្រទេស ជាមួយស្វាមីបានមួយរយៈក៏បានវិលមករស់នៅក្នុងប្រទេសកម្ពុជាវិញនោះ ដោយបោះបង់អាជីពសិល្បៈ ងាកមកប្រកបរបរលក់ផលិតផលអនឡាញ និងម្ជូរក្រឡុកនោះ ហើយថ្មីៗនេះ ស្រាប់តែត្អូញថា នាងរស់នៅជាមួយប្តីដូចឱបភ្លើង និងបានប្រកាសលែងប្តីដុកទ័រនោះ ក្រោយពីបានរស់នៅបែកគ្រែជាមួយប្តីជាង១ឆ្នាំមក។
ចែករំលែកព័តមាននេះ