ADផ្ទាំងផ្សព្វផ្សាយពាណិជ្ជកម្ម

Picture

​មិនដឹងតាំងពីពេលណា! លុះរើអីវ៉ាន់​​​​​ទៅ​​ផ្ទះ ទើបដឹងអស់លុយ១​កាបូប​

8 ខែ មុន
  • បន្ទាយមានជ័យ

ខេត្តបន្ទាយមានជ័យ ៖ ​អាជីវករ​ម្នាក់​ទៀត​ហើយ​ដែល​​អ្នក​លក់​គ្រឿងទេស​នៅ​ផ្សារ​ហ៊ុយ​ឡេ​ង ក្នុង​​ស្រុក​ភ្នំស្រុក​ ត្រូវ​បាន​ជន​មិន​ស្គាល់​មុខ​ធ្វើ​សកម្មភាព​លួច​យក​កាបូប​លុយ​ទៅ​បាត់​ដោយ​សុវត្ថិភាព ។ តាម​​ប្រភព​ព័ត៌មាន​ពី​នគរបាល​បាន​ឲ្យ​ដឹង​ថា ​នៅ​វេលា​ម៉ោង​៥​និង​២០​នាទី​ល្ងាច​ថ្ងៃ​ទី​៣១​ ខែមករា ឆ្នាំ​២០២១…

ខេត្តបន្ទាយមានជ័យ ៖ ​អាជីវករ​ម្នាក់​ទៀត​ហើយ​ដែល​​អ្នក​លក់​គ្រឿងទេស​នៅ​ផ្សារ​ហ៊ុយ​ឡេ​ង ក្នុង​​ស្រុក​ភ្នំស្រុក​ ត្រូវ​បាន​ជន​មិន​ស្គាល់​មុខ​ធ្វើ​សកម្មភាព​លួច​យក​កាបូប​លុយ​ទៅ​បាត់​ដោយ​សុវត្ថិភាព ។

តាម​​ប្រភព​ព័ត៌មាន​ពី​នគរបាល​បាន​ឲ្យ​ដឹង​ថា ​នៅ​វេលា​ម៉ោង​៥​និង​២០​នាទី​ល្ងាច​ថ្ងៃ​ទី​៣១​ ខែមករា ឆ្នាំ​២០២១ មាន​ស្ត្រី​ម្នាក់​ឈ្មោះ ឌុ​ល សា​លឹ​ត អាយុ​53​ឆ្នាំ រស់​នៅ​ភូមិ​ស្រះ​ឈូក​ខាងលិច ឃុំ​ស្រះ​ជីក ស្រុក​ភ្នំស្រុក ខេត្តបន្ទាយមានជ័យ ជា​អាជីវករ​លក់​គ្រឿងទេស នៅ​ផ្សារ​ហ៊ុយ​ឡេ​ង ស្ថិត​ក្នុង​ឃុំ​ស្រះ​ជីក ស្រុក​ភ្នំស្រុក ​បាន​មក​ប្តឹង​ថា ​កាលពី​វេលា​ម៉ោង​១០​និង​៣០​នាទី​ព្រឹក​ថ្ងៃ​ទី​៣១​ ខែមករា ឆ្នាំ​២០២១ គាត់​បាន​បាត់​កាបូប​លុយ ដែល​ក្នុង​កាបូប​នោះ​មាន​ ​ប្រាក់​រៀល​ចំនួន​៣,៤០០,០០​រៀល​ (​បី​លាន​បួន​សែន​រៀល​គត់​), ប្រាក់​បាត​ចំនួន​៣,០០០​បាត​(​បី​ពាន់​បាត​), ​ប័ណ្ណបើកបរ​ចំនួន​០១​សន្លឹក​, ​កាត​គ្រី​​រថយន្ត​​ចំនួន១​សន្លឹក​, ​អត្តសញ្ញាណប័ណ​សញ្ជាតិ​ខ្មែរ​ចំនួន​២​សន្លឹក ហើយ​គាត់​មិនដឹង​បាត់​កាបូប​នោះ​តាំង​ពី​ពេល​ណា​នោះ​ទេ ព្រោះ​គាត់​រវល់​លក់ដូរ​មិន​បាន​មើល​កាបូប​ប្រាក់​ដែល​ដាក់​ក្នុង​ប្រអប់​ជ័រ​​ពណ៌​ស លុះ​ពេល​ដែល​គាត់​រើ​អី​វ៉ា​ន់​ទៅ​ផ្ទះ​ទើប​ដឹង​ថា​បាត់​កាបូប​លុយ ។

​តាម​​ប្រភព​ដដែល​បាន​បញ្ជាក់​ថា ​ក្រោយ​ពី​ទទួល​បណ្តឹង​​ពីស្ត្រីរងគ្រោះ​ខាងលើភ្លាម កម្លាំង​នគរបាល​ជំនាញ​នៃ​អធិការដ្ឋាន​នគរបាល​ស្រុក បាន​ចុះ​ទៅ​ដល់​កន្លែង​កើតហេតុ ឆែក​កា​មេ​រ៉ា​សុវត្ថិភាព មើល​មិនឃើញ​មុខសញ្ញា​ជនសង្ស័យ​នោះ​ទេ ដោយសារ​បាំង​នឹង​ផ្ទាំង​ក្រណាត់​ ។ ​ម្យ៉ាងវិញទៀត​ ជន​រង​គ្រោះ​បានដឹង​ថា ​បាត់​កាបូប​លុយ​តាំងពី​វេលា​ម៉ោង​១០​និង​៣០​នាទី​ព្រឹក ទើប​មក​ប្តឹង​សមត្ថកិច្ច​នៅ​វេលា​ម៉ោង​៥​និង​៣០​នាទី​ល្ងាច ដូច្នេះ​មានការ​យឺតយ៉ាវ​ក្នុង​ការ​តាមវែកមុខ​ជនសង្ស័យ​ ។

​ទាក់ទិន​នឹង​ករណី​ចោរកម្ម​​ខាងលើ​នេះ​ កម្លាំង​នគរបាល​ជំនាញ​កំពុងធ្វើការ​ស្រាវជ្រាវ​រកមុខ​សញ្ញា ដើម្បី​នាំខ្លួនយកមក​​កសាង​សំណុំរឿង​​ចាត់ការ​តាមច្បាប់ ៕

Picture
Picture
Picture