រាជធានីភ្នំពេញ ៖ កាលពីព្រឹកថ្ងៃទី១១ មិថុនា តុលាការបានប្រកាសសាលក្រមផ្តន្ទាទោសជនជាតិអូស្ត្រាលីឈ្មោះ chorch mosraly អាយុ៥៣ឆាំ្ន ដាក់ពន្ធនាគាររយៈពេល៥ឆ្នាំ ពីបទរួមភេទជាមួយអនីតិជន ក្រោមអាយុ១៥ឆ្នាំ និងអំពើអាសប្រឆាំងជាមួយអនីតិជន ។ តុលាការប្រកាសថា ការសម្រេចរបស់តុលាការបានបើកផ្លូវប្តឹងឧទ្ធរណ៍ចំពោះភាគីពាក់ព័ន្ធប្រសិនមិនទទួលយកការសម្រេចរបស់តុលាការទេ។
ក្នុងការសម្រេចនេះ តុលាការបានបញ្ជាក់ថា ពេលអនុវត្តទោសចំនួន៥ឆ្នាំរួចហើយ ជនជាប់ចោទត្រូវបណ្តេញចេញពីកម្ពុជាមិនឲ្យត្រឡប់មកវិញទេ។
ជនជាប់ចោទឈ្មោះchorch mosraly អាយុ៥៣ឆាំ្ន ត្រូវបានតុលាការក្រុងភ្នំពេញសម្រេចប្រកាសសាលក្រមផ្តន្ទាទោសដាក់ពន្ទនាគារចំនួន៥ឆ្នាំ សងជំងឺចិត្តជនរងគ្រោះ២នាក់ ក្នុងម្នាក់៥លានរៀល បន្ទាប់ពីតុលាការបានរកឃើញកំហុសរបស់គាត់ពីបទរួមភេទជាមួយអនីតិជនក្រោមអាយុ១៥ឆ្នាំ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ