រាជធានីភ្នំពេញ ៖ កាលពីព្រលប់ថ្ងៃទី៧ ខែវិច្ឆិកា ឆ្នាំ២០២០ សិល្បករមួយចំនួនបានសម្តែងភាពភ្ញាក់ផ្អើលពេញបណ្តាញសង្គមរៀងៗខ្លួន ព្រោះតែដំណឹងអកុសលមួយ។ នោះគឺជាមរណភាពរបស់តារាចម្រៀង លី ណាកូ…
រាជធានីភ្នំពេញ ៖ កាលពីព្រលប់ថ្ងៃទី៧ ខែវិច្ឆិកា ឆ្នាំ២០២០ សិល្បករមួយចំនួនបានសម្តែងភាពភ្ញាក់ផ្អើលពេញបណ្តាញសង្គមរៀងៗខ្លួន ព្រោះតែដំណឹងអកុសលមួយ។ នោះគឺជាមរណភាពរបស់តារាចម្រៀង លី ណាកូ ដែលបានស្ងាត់ពីសិល្បៈ ប៉ុន្តែការពិតនោះ គឺមានជំងឺប្រចាំកាយរហូតអស់ជីវិតយ៉ាងសោកស្តាយបំផុត។
អារម្មណ៍អ្នកសិល្បៈគ្រប់គ្នាជាមិត្តធ្លាប់ស្គាល់នោះ គឺទទួលយកមិនបាន ហើយក៏សូមចូលរួមរំលែកទុក្ខយ៉ាងក្រៀមក្រំ ចំពោះតារាចម្រៀងលោក លី ណាកូ ដែលទើបតែទទួលដំណឹងថា បានទទួលមរណភាព ដោយសារតែជំងឺមហារីកគ្រាប់ឈាមនៅខេត្តបាត់ដំបង នាល្ងាចថ្ងៃទី៧ ខែវិច្ឆិកា ឆ្នាំ២០២០ ។
តារាសិល្បៈជាច្រើនពេលឮដំណឹងនេះហើយសែនរន្ធត់ចិត្ត ដោយសារកាលនៅមានជីវិត លី ណាកូ បានធ្លាប់ចូលរួមជាមួយគ្រួសារនាពេលកន្លងមក ហើយក៏ធ្លាប់មានអនុស្សាវរីយ៍ជាមួយប្អូនច្រើនដែរ មិនគួរណាប្អូនទៅលឿនបែបនេះសោះ។
គួរបញ្ជាក់ដែរថា លី ណាកូ ជាតារាចម្រៀងមិនទាន់ជោគជ័យខ្លាំងលើសិល្បៈប៉ុន្មាននោះទេ តែលោកនៅតែជឿជាក់លើទឹកដមសំឡេងដ៏ពីរោះរបស់លោក រហូតចាប់ផ្តើមមានគេស្គាល់បណ្តើរៗ។ ចាប់ផ្តើមមានសញ្ញាទាក់ទាញសិល្បៈបណ្តើរៗធ្វើឱ្យ ណាកូ មានសង្ឃឹមថ្មី ហើយកាន់តែជឿថា ខ្លួននឹងមានវាសនាល្បីដូចគេ។
តែអនិច្ចាសង្ខារមិនទៀង ត្រូវបានយមរាជយកទៅ ព្រោះរោគាទាំងវ័យក្មេង។ លី ណាកូ ក្រៅពីច្រៀងលោកក៏មានជំនាញខាងបើកហាងកាត់សក់ ដោយលោកជាជាងកាត់សក់មួយដែរ។ សូមចូលរួមរំលែកទុក្ខដល់សព និងក្រុមគ្រួសារទាំងមូលផងដែរ។ សូមអំពាវនាវដល់មិត្តសិល្បៈដែលរាប់អានលោក ណាកូ ជ្រាបជាដំណឹងហើយ ចាប់មគ្គផលចូលបុណ្យរៀងៗខ្លួនតាមទឹកចិត្តដល់អតីតមិត្តរួមក្រុមបែកគ្មានថ្ងៃវិលត្រឡប់វិញ។
ចែករំលែកព័តមាននេះ