រាជធានីភ្នំពេញ ៖ ប៉ុន្មានថ្ងៃនេះ នៅតាមខេត្តមួយចំនួន កំពុងតែជួបគ្រោះទឹកជំនន់ជាបន្តបន្ទាប់ រហូតធ្វើអោយខូតខាតទ្រព្យសម្បត្តិ និងផ្ទះសម្បែងជាច្រើនផងដែរ ដោយនៅក្នុងផ្ទះភរិយារបស់តារាចម្រៀងប្រុសដ៏មានឈ្មោះបោះសម្លេងមួយរូបនៅក្នុងផលិតកម្មសាន់ដេ លោក កែវ…
រាជធានីភ្នំពេញ ៖ ប៉ុន្មានថ្ងៃនេះ នៅតាមខេត្តមួយចំនួន កំពុងតែជួបគ្រោះទឹកជំនន់ជាបន្តបន្ទាប់ រហូតធ្វើអោយខូតខាតទ្រព្យសម្បត្តិ និងផ្ទះសម្បែងជាច្រើនផងដែរ ដោយនៅក្នុងផ្ទះភរិយារបស់តារាចម្រៀងប្រុសដ៏មានឈ្មោះបោះសម្លេងមួយរូបនៅក្នុងផលិតកម្មសាន់ដេ លោក កែវ វាសនា បាត់ជួបទុក្ខរងគ្រោះទឹកជំនន់លិចផ្ទះនៅឯខេត្តផងដែរ ។
ភរិយារបស់តារាប្រុសរូបនេះ ក៏បានបង្ហាញពីទិដ្ឋភាពផ្ទះរបស់នាង នៅឯស្រុកកំណើត ដែលសព្វថ្ងៃនេះឪពុករបស់នាង ដែលកំពុងតែរស់នៅកំពុងរងគ្រោះនៅទឹកលិចខូចអស់សម្ភារៈមានតម្លៃដូចជា សាឡុង ឈើប្រណិត រហូតធ្វើអោយភរិយាលោក កែវ វាសនា លាន់មាត់លើកឡើងថា «ចប់ហើយ ផ្ទះខ្ញុំនៅស្រុកលិចអស់ហើយ ឈុតសាឡុង ក្រញូងសើមខ្ទេចអស់ហើយ ប៉ាស្រឡាញ់គ្រឿងអ៊ីចឹងៗផង ឱ្យធ្វើផ្ទះថ្មីយូរហើយអត់ព្រមទេ ទាល់លិចអ៊ីចឹងបានព្រមធ្វើផ្ទះថ្មី ប៉ាខ្ញុំចរិតបុរាណណាស់» ។
ជាមួយនឹងគ្នានោះដែរ ក៏មានមិត្តភក្តិនៅក្នុងបណ្តាញសង្គមជាច្រើនបានចូលរួមសោកស្តាយ និងបានបង្ហាញពីទិដ្ឋភាពផ្ទះរបស់ខ្លួន ដែលបានលិចដូចគ្នានៅឯតាមខេត្ត និងបានបាត់បង់សម្ភារៈមួយចំនួនផងដែរ ។
គួរបញ្ចាក់ផងដែរថា ផ្ទះភរិយា របស់លោក កែវ វាសនា ដែលសព្វថ្ងៃនេះ ប៉ាម៉ាក់ក្មេករបស់លោកកំពុងតែរស់នៅនេះ ស្ថិតនៅខេត្តបន្ទាយមានជ័យ និងបានអះអាងថា រាល់ឆ្នាំមិនដែលលិចដល់ថ្នាក់នឹងនោះទេ ៕
ចែករំលែកព័តមាននេះ