ខេត្តបន្ទាយមានជ័យ ៖ ជនសង្ស័យម្នាក់លួចម៉ូតូវ៉េវទៅបញ្ចាំ៤.០០០បាត ស៊ីចាយជាមួយមិត្តអស់លុយត្រូវសមត្ថកិច្ចឃាត់ខ្លួនបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី០៨ ខែកញ្ញា ឆ្នាំ២០២០។ ជនសង្ស័យមានឈ្មោះ ណា ដារ៉ា ហៅអាតឿ ភេទប្រុស អាយុ៣១ឆ្នាំ រស់នៅភូមិក្បាលស្ពានមួយ សង្កាត់.ក្រុងប៉ោយប៉ែត។ លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា៖
ក្រោយពេលដែលទទួលពាក្យបណ្តឹងឈ្មោះ ជួន សារិត ភេទប្រុស អាយុ២៩ឆ្នាំ រស់នៅភូមិវល្លិ៍ ឃុំគោករមៀត ស្រុកថ្មពួក ដែលបានបាត់ម៉ូតូ១គ្រឿងម៉ាកហុងដាវ៉េវ ពណ៌ខៀវ លាយទឹកប្រាក់ ដែលបាត់កាលពីថ្ងៃទី០៣ ខែកញ្ញា ឆ្នាំ២០២០នៅបរិវេណកាស៊ីណូស្ថិតភូមិក្បាលស្ពានមួយ សង្កាត់.ក្រុងប៉ោយប៉ែត។ លោកបានបញ្ជាក់ថា ក្រោយពេលដែលទទួលពាក្យបណ្តឹងពីជនរងគ្រោះហើយកម្លាំងជំនាញបានសហការជាមួយសន្តិសុខកាស៊ីណូធ្វើការឆែកកាមេរ៉ាសុវត្ថិភាពឃើញសកម្មភាពចោលួយម៉ូតូ ហើយកម្លាំងដាក់ការស្រាវជ្រាវកំណត់មុខសញ្ញាឃាត់ខ្លួនសង្ស័យឈ្មោះ ណា ដារ៉ា ហៅអាតឿ នៅថ្ងៃទី០៧ ខែកញ្ញា ឆ្នាំ២០២០ស្ថិតភូមិក្បាលស្ពានមួយ សង្កាត់.ក្រុងប៉ោយប៉ែត។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ក្រោយពេលឃាត់ខ្លួនជនសង្ស័យហើយនាំយកសាកសួរតាមចម្លើយសារភាពខ្លួនពិតជាធ្វើសកម្មភាពលួចម៉ូតូម៉ាក់វ៉េវពិតមែន ហើយយកទៅបញ្ចាំក្នុងតំលៃ៤.០០០បាត ហើយយកលុយនេះទៅផឹកស៊ីជាមួយមិត្តភក្តិអស់ហើយត្រូវសមត្ថកិច្ចឃាត់ខ្លួន និងនាំយកម៉ូតូកន្លែងបញ្ចាំយកមកប្រគល់ជូនម្ចាស់វិញ ដោយឡែកចំអ្នកទទួលបញ្ចាំផលចោរកម្មត្រូវបានរួចខ្លួន៕ ដោយ ៖ ប៊ុន ធឿន
ចែករំលែកព័តមាននេះ