បណ្ឌិតទាំងឡាយតែងដាស់តឿនដល់មនុស្សគ្រប់ជំនាន់កុំឱ្យលុះក្នុងសេចក្តីធ្វេសប្រហែសឱ្យសោះ និងឱ្យនិយាយតែពាក្យមានប្រយោជន៍ ពាក្យពិតត្រង់ទៅបានហើយ ព្រោះថាអ្នកធ្វេសប្រហែសមិនដែលជោគជ័យក្នុងដំណើរជីវិតឡើយ ។ ព្រោះឃើញទោសនៃការធ្វេសប្រហែសនេះឱ្យផលមិនល្អ អ្នកប្រាជ្ញលោកបានដាស់តឿនដល់មនុស្សគ្រប់ជំនាន់ថា បុរសស្ត្រីរូបណាជាអ្នកនិយាយពាក្យពិតត្រង់ ពាក្យមានប្រយោជន៍មិនធ្វេសប្រហែស មិនភ្លេចស្មារតី…
បណ្ឌិតទាំងឡាយតែងដាស់តឿនដល់មនុស្សគ្រប់ជំនាន់កុំឱ្យលុះក្នុងសេចក្តីធ្វេសប្រហែសឱ្យសោះ និងឱ្យនិយាយតែពាក្យមានប្រយោជន៍ ពាក្យពិតត្រង់ទៅបានហើយ ព្រោះថាអ្នកធ្វេសប្រហែសមិនដែលជោគជ័យក្នុងដំណើរជីវិតឡើយ ។
ព្រោះឃើញទោសនៃការធ្វេសប្រហែសនេះឱ្យផលមិនល្អ អ្នកប្រាជ្ញលោកបានដាស់តឿនដល់មនុស្សគ្រប់ជំនាន់ថា បុរសស្ត្រីរូបណាជាអ្នកនិយាយពាក្យពិតត្រង់ ពាក្យមានប្រយោជន៍មិនធ្វេសប្រហែស មិនភ្លេចស្មារតី មិនបណ្តោយឱ្យកាលវេលាកន្លងហួសទៅទទេៗ បុរសស្ត្រីនោះនឹងមិនវិនាសចាកផលប្រយោជន៍ដែលបានសម្រេចនោះឡើយ ទាំងមិនមែនមិនសម្រេចផលប្រយោជន៍ដែលមិនទាន់បានសម្រចនោះដែរ ។
ព្រោះតែទោសនៃការធ្វេសប្រហែសឱ្យផលធ្ងន់ធ្ងរយ៉ាងនេះហើយ បើបុគ្គលណានៅតែធ្វេសប្រហែស បុគ្គលនោះទុកដូចជាមនុស្សស្លាប់ គឺស្លាប់ប្រយោជន៍ក្នុងជាតិនេះផង និងប្រយោជន៍បរលោកផង ។ សាន សារិន
ចែករំលែកព័តមាននេះ