នៅក្នុងសិក្ខាបទរបស់គ្រូអាចារ្យ ព្រះមានព្រះភាគត្រាស់ថា លោកគ្រូអាចារ្យគប្បីសិក្សាតាំងចិត្តយ៉ាងនេះថា អាត្មាអញត្រូវការពារសិស្សទាំងឡាយក្នុងទិសទាំងពួង ដោយការបង្ហាត់បង្រៀនវិជ្ជាការឱ្យបានច្បាស់លាស់ ។
សិក្ខាបទដែលភិក្ខុបដិបត្តិបានត្រឹមត្រូវរមែងរក្សាការពារនូវភិក្ខុនោះផង រក្សាការពារនូវព្រះពុទ្ធសាសនាផងយ៉ាងណាមិញ ការដឹកនាំឲ្យសិស្សល្អ ការបង្រៀនដោយល្អ ការបង្ហាត់បង្ហាញសិល្បសាស្ត្រត្រូវតាមសម័យកាល គឺលោកគ្រូអាចារ្យមានការតាំងចិត្តឲ្យសិស្សមានវិជ្ជាដើម្បីជាទីពឹងខ្លួនឯងបានក៏យ៉ាងនោះដែរ គឺសំដៅត្រង់ទឹកចិត្តមេត្តាករុណាព្រមដោយការផ្ដល់ចំណេះវិជ្ជាផ្សេងៗ ការពារសិស្សកុំឲ្យវង្វេងស្រវឹងនឹងចំណេះវិជ្ជាដែលខ្លួនមាន ហើយប្រព្រឹត្តនូវអំពើផ្ដេសផ្ដាសបៀតបៀនអ្នកដទៃដោយប្រការណាមួយនោះ មិនមែនជាការប្រពៃឡើយ ។
គ្រូអាចារ្យការពារសិស្សទាំងឡាយដោយការបង្ហាត់បង្រៀនវិជ្ជាការដល់សិស្សឱ្យបានចេះស្ទាត់ មានជំនាញច្បាស់លាស់ វិជ្ជាហ្នឹងហើយជាទ្រព្យគាប់ប្រសើរអាចការពារខ្លួនបានគ្រប់ទិសទាំងពួង ។ សាន សារិន
ចែករំលែកព័តមាននេះ