លាភ យស សសើរ សុខ ជាសម្បុកនៃកិលេស
អ្វីៗដែលញុំាងចិត្តឱ្យចម្រើនដោយការលោភលន់ ត្រេកត្រអាល ដុតរោលចិត្តឱ្យដល់នូវសេចក្តីសៅហ្មង នោះហើយហៅថាសម្បុកនៃកិលេស ។ ព្រះមានព្រះភាគត្រាស់ថាលោកធម៌គឺ លាភ យស សសើរ សុខ…
អ្វីៗដែលញុំាងចិត្តឱ្យចម្រើនដោយការលោភលន់ ត្រេកត្រអាល ដុតរោលចិត្តឱ្យដល់នូវសេចក្តីសៅហ្មង នោះហើយហៅថាសម្បុកនៃកិលេស ។
ព្រះមានព្រះភាគត្រាស់ថាលោកធម៌គឺ លាភ យស សសើរ សុខ ជាសម្បុកនៃកិលេសដោយការប្រមាទធ្វេស កិលេសចម្រើនមិនដឹងខ្លួន មិនស្គាល់កិលេស មិនឃើញសត្រូវក្នុងចិត្ត តាមការពិតចិត្តពេញដោយតម្រេក ការប្រកាន់ហួងហែងរហូតដល់ហ៊ានឈ្លោះទាស់ទែងដោយប្រការផ្សេងៗ សូម្បីតែទីវត្តអារាមក៏អាងយ៉ាងយកជារបស់ខ្លួនដែរ នេះក៏ព្រោះតែសម្បុកកិលេសហ្នឹងឯង ។
ហេតុនេះដើម្បីកុំឲ្យសត្រូវគឺកិលេសស៊កសៀតចូលមកក្នុងចិត្តតាំងពីតូចតាចល្អិតល្អោចរហូតរីកធំប៉ុនភ្មំក៏នៅតែសម្គាល់ថាខ្លួនអញជាអ្នកបរិសុទ្ធនោះ ព្រះពុទ្ធលោកឱ្យអាស្រ័យនឹងសេចក្ដីមិនប្រមាទ ហើយត្រូវយកគុណធម៌មកដាក់ទុកក្នុងចិត្តជានិច្ច ។ សាន សារិន
ចែករំលែកព័តមាននេះ