ព្យាយាម៤យ៉ាងជាប្រភពនាំឱ្យអ្នកប្រតិបត្តិផ្ទាល់មានជីវិតបរិសុទ្ធព្រោះបានកម្ចាត់បង់នូវអំពើអាក្រក់ចោលចេញអស់ហើយ ហើយព្យាយាមចម្រើនបង្កើននូវអំពើល្អឱ្យកាន់តែប្រសើរឡើង ។ សេចក្តីព្យាយាមនេះមាន៤ប្រការគឺៈ
១-ព្យាយាម ប្រយ័ត្នកុំឱ្យអំពើអាក្រក់ ឬបញ្ហានានាកើតឡើងបាន ។
២-ព្យាយាមបំផ្លាញអំពើអាក្រក់ដែលកើតឡើងហើយ ឱ្យអស់ទៅវិញ ។
៣-ព្យាយាមចម្រើននូវអំពើល្អ ដែលមិនទាន់មានឱ្យកើតមានឡើង ។
៤-ព្យាយាមរក្សាសេចក្តីល្អ ដែលកើតឡើងហើយ ឱ្យគង់វង្សរហូត ។
ព្យាយាមទាំង៤យ៉ាងនេះមានលក្ខណៈសម្គាល់ គឺព្យាយាមកុំឱ្យសេចក្តីទុក្ខ និងបញ្ហាផ្សេងៗ កើតឡើងដល់ខ្លួន ព្យាយាមកម្ចាត់នូវសេចក្តីទុក្ខដែលខ្លួនកំពុងជួបប្រទះឱ្យអស់ទៅ ព្យាយាមរកសេចក្តីសុខស្រួលឱ្យបានច្រើនជាទីបំផុតដល់ខ្លួនឯង និងព្យាយាមថែរក្សា គ្រប់គ្រងកុំឱ្យសេចក្តីសុខនោះបាត់បង់ទៅវិញ ។ សាន សារិន
ចែករំលែកព័តមាននេះ