ព្រះសម្មាសម្ពុទ្ធទ្រង់បដិបត្តិតាមផ្លូវទាំង៨ ឬហៅថាអដ្ឋង្គិកមគ្គរហូតបានសម្រេចនូវសម្មាសម្ពោធិញ្ញាណជាអគ្គបុគ្គលក្នុងលោកពុំមានអ្នកណាមួយស្មើនឹងព្រះអង្គឡើយ ។ អដ្ឋង្គិកមគ្គមានសេចក្តីថា ផ្លូវឬគន្លងនៃសេចក្តីប្រតិបត្តិដោយអង្គ៨គឺ សម្មាទិដ្ឋិ សេចក្តីយល់ត្រូវ១, សម្មាសង្កប្បោ ត្រិះរិះត្រូវ១, សម្មាវាចា…
ព្រះសម្មាសម្ពុទ្ធទ្រង់បដិបត្តិតាមផ្លូវទាំង៨ ឬហៅថាអដ្ឋង្គិកមគ្គរហូតបានសម្រេចនូវសម្មាសម្ពោធិញ្ញាណជាអគ្គបុគ្គលក្នុងលោកពុំមានអ្នកណាមួយស្មើនឹងព្រះអង្គឡើយ ។
អដ្ឋង្គិកមគ្គមានសេចក្តីថា ផ្លូវឬគន្លងនៃសេចក្តីប្រតិបត្តិដោយអង្គ៨គឺ សម្មាទិដ្ឋិ សេចក្តីយល់ត្រូវ១, សម្មាសង្កប្បោ ត្រិះរិះត្រូវ១, សម្មាវាចា សម្តីត្រូវ១, សម្មាកម្មន្តា ការងារត្រូវ១, សម្មាអាជីវោ ការចិញ្ចឹមជីវិតត្រូវ១, សម្មាវាយាមោ ព្យាយាមត្រូវ១, សម្មាសតិ សេចក្តីរឭកត្រូវ១, សម្មាសមាធិ ការតម្កល់ចិត្តត្រូវ១ ។
ព្រះសម្មាសម្ពុទ្ធទ្រង់ត្រាស់ហៅអដ្ឋង្គិកមគ្គនេះថា ជាមជ្ឈិមប្បដិបទា ព្រោះជាសេចក្តីប្រតិបត្តិយ៉ាងកណ្តាល មិនតឹងពេកមិនធូរពេក ជាសេចក្តីប្រតិបត្តិដើម្បី រកសន្តិភាពក្នុងសង្គមពិភពលោក ប្រតិបត្តិទៅរកការត្រាស់ដឹង ប្រព្រឹត្តទៅដើម្បីឯកន្តបរមសុខគឺ រម្ងាប់កិលេសដើម្បីព្រះនិព្វាន ។ សាន សារិន
ចែករំលែកព័តមាននេះ