អាមេរិក ៖ តាមប្រភពព័ត៌មាន CNN បានឱ្យដឹងថា ក្រុមហ៊ុនអាកាសចរណ៍ធំៗ របស់អាមេរិកបានប្រកាសថា ពួកគេមានបំណងរឹតបន្តឹងលើវិធានការណ៍តម្រូវឱ្យពាក់ម៉ាស់ពេលធ្វើដំណើរ រួមទាំងការហាមអ្នកដំណើរដែលមិនព្រមពាក់ម៉ាស មិនឱ្យឡើងលើយន្តហោះនោះទេ។…
អាមេរិក ៖ តាមប្រភពព័ត៌មាន CNN បានឱ្យដឹងថា ក្រុមហ៊ុនអាកាសចរណ៍ធំៗ របស់អាមេរិកបានប្រកាសថា ពួកគេមានបំណងរឹតបន្តឹងលើវិធានការណ៍តម្រូវឱ្យពាក់ម៉ាស់ពេលធ្វើដំណើរ រួមទាំងការហាមអ្នកដំណើរដែលមិនព្រមពាក់ម៉ាស មិនឱ្យឡើងលើយន្តហោះនោះទេ។
សេចក្តីប្រកាសនេះធ្វើឡើង បន្ថែមទៅលើការតម្រូវឱ្យអ្នកដំណើរទាំងអស់ត្រូវពាក់ខ្សែក្រវ៉ាត់សុវត្ថិភាព និងមិនត្រូវជក់បារី។ ក្រុមហ៊ុនអាកាសចរណ៍ធំៗ ចំនួន៧ រួមមាន ក្រុមហ៊ុនអាកាសចរណ៍ American ក្រុមហ៊ុនអាកាសចរណ៍ Delta ក្រុមហ៊ុនអាកាសចរណ៍ Southwest និង ក្រុមហ៊ុនអាកាសចរណ៍ United បានសន្យានឹងដាក់ចេញនូវគោលនយោបាយថ្មីដែល តម្រូវឱ្យអ្នកដំណើរពាក់ម៉ាស់ការពារ ដែលត្រូវបានអនុវត្តជាមួយនឹងការពិន័យយ៉ាងធ្ងន់ធ្ងរ ដូចជាការហាមឃាត់ការហោះហើរ ជាមួយក្រុមហ៊ុនអាកាសចរណ៍នោះ។
ក្រុមហ៊ុនធំគ្រប់គ្រងលើវិស័យហោះហើររបស់ក្រុមហ៊ុនអាកាសចរណ៍នៅអាមេរិក បានប្រាប់ថា៖ «ក្រុមហ៊ុនអាកាសចរណ៍នីមួយៗ នឹងកំណត់ពីផលវិបាកសមស្របសម្រាប់អ្នកដំណើរ ដែលត្រូវបានគេរកឃើញថា មិនគោរពតាមគោលការណ៍របស់ក្រុមហ៊ុនអាកាសចរណ៍ និងរួមទាំងការផ្អាកសិទ្ធិហោះហើរលើក្រុមហ៊ុនអាកាសចរណ៍នោះ»។
ប្រភពបាននិយាយថា ក្រុមហ៊ុនអាកាសចរណ៍ត្រូវបានគេរំពឹងថា នឹងដាក់ចេញនូវគោលនយោបាយជាក់លាក់ក៏ដូចជា នីតិវិធីអនុវត្តសម្រាប់អ្នកបើកបរយានយន្ត និង អ្នកធ្វើការលើយន្តហោះ ដើម្បីអនុវត្តតាមនៅប៉ុន្មានថ្ងៃខាងមុខនេះ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ