ចាប់តាំងពីករុណា ពេជ្រ ជួបរឿងឪពុកមានជំងឺមកឃើញថា លោកព្យាយាមបំពេញបំណងអ្នកមានគុណរូបនេះគ្រប់វិធី ។ ក្រៅពីខិតខំស្វែងរកថវិកាជួយឪពុកសម្រាប់ព្យាបាលលោក ករុណា ពេជ្រ នៅបានបង្ហាញកាយវិការច្រើនទៀតធ្វើអោយគេរិតតែអាណិត ។…
ចាប់តាំងពីករុណា ពេជ្រ ជួបរឿងឪពុកមានជំងឺមកឃើញថា លោកព្យាយាមបំពេញបំណងអ្នកមានគុណរូបនេះគ្រប់វិធី ។ ក្រៅពីខិតខំស្វែងរកថវិកាជួយឪពុកសម្រាប់ព្យាបាលលោក ករុណា ពេជ្រ នៅបានបង្ហាញកាយវិការច្រើនទៀតធ្វើអោយគេរិតតែអាណិត ។
ចុងក្រោយលោកបានបង្ហោះនូវរូបភាពមួយគួរអោយភ្ញាក់ផ្អើល ហើយលោកផ្ទាល់ហាក់ពិបាកទទួលយក ។ តែដើម្បីសណ្តានចិត្តដល់អ្នកមានគុណលោកសុខចិត្តបំពេញជូន ។ ទឹកមុខក្រៀមក្រំ អង្គុយមុខផ្នូរឪពុកលោក ករុណា ពេជ្រ បានរៀបរាប់ថា៖«អ្នកខ្លះក៏សើចសប្បាយរីករាយនឹងទទួលយកការពិត ហើយក៏មានអ្នកខ្លះក៏ទឹកភ្នែកព្រោះ តែពិបាកនឹងទទួលយកការពិត ប៉ុន្តែទីបំផុតការពិតនៅតែជាការពិត ទោះបីការពិតពេលនេះ ខ្ញុំមិនទាន់ព្រមទទួលយកបានក៏ដោយ ហើយក៏នៅតែមិនចង់អោយវាក្លាយជាពិតក៏ដោយ ប៉ុន្តែវានៅតែដាស់អារម្មណ៍ឲ្យខ្ញុំត្រៀមចិត្តត្រៀមកាយនៅអ្វីដែលនឹងកើតឡើងនាពេលខាង មុខសំរាប់រូបខ្ញុំ» ។
លោកបន្ថែមថា៖«បណ្តាំ ៣របស់ប៉ា កាលពីជាង២ឆ្នាំមុន ដែលនិយាយផ្តាំកូនមុនប៉ាដាច់សរសៃរឈាមខួរក្បាល ២អាទិត្យ គឺកូនចាំមិនភ្លេចពេលនេះកូនធ្វើបានសម្រេចមួយហើយ ដែលជាទីកន្លែងសុខ សាន្តចុងក្រោយរបស់ប៉ា កូនបានរៀបចំតាមបណ្តាំប៉ា ហើយការកសាងមួយនេះ បើប៉ាបានដឹងបានយល់ស្តាប់បានអ្វីដែលកូនបានប្រាប់ប៉ាប៉ា ប្រាកដជារំភើបជាក់ជាមិនខាន» ។
កូនចង់នាំប៉ាទៅឃើញផ្ទាល់ភ្នែកណាស់ ប៉ុន្តែចំងាយឆ្ងាយជិត១០០គីឡូម៉ែត្រពីភ្នំពេញ ហើយម្យ៉ាងទៀតមើលទៅខ្លាចកម្លាំងប៉ាខ្សោយហត់ទប់មិនរួច តាមរយៈស្ថានភាពជំងឺរបស់ប៉ា ហើយបន្ទាប់ពីការកសាងកន្លែងមួយនេះ រួចមកកូននឹងសង្ឃឹមថា វានឹងបានចំលងអាយុប៉ាបានយូរ ហើយនៅក្បែរកូនបន្តទៀតអារម្មណ៍មួយនេះ ទៅដល់កន្លែងនេះមានតែកែវភ្នែកទាំងពីរទេ ដែលយល់ពីអារម្មណ៍ខ្ញុំមួយនេះ» ៕
ចែករំលែកព័តមាននេះ