ប្រទេសចិន ៖ ត្រូវពាក់ម៉ាសការពារនិងមានការត្រួតពិនិត្យកម្ពៅ សិស្សវិទ្យាល័យនិងអនុវិទ្យា
ល័យចិន បានចូលរៀនវិញខ្លះជាមួយកិច្ចការពារសន្តិសុខម៉ឺងម៉ាត់បំផុត កាលពីថ្ងៃទី២៧ មេសានៅក្រុងប៉េកាំង និងក្រុងសៀងហៃ ក្រោយការឈប់សម្រាកជិត៤ខែ ព្រោះតែការឆ្លងរាលដាល
នៃវីរុសCOVID-19 ។
ចិនជាប្រទេសដំបូងគេ រងការប៉ះពាល់ខ្លាំងដោយសារវីរុសនេះ បានបិទសាលារៀនទាំងអស់ ពីដំណាច់ខែមករាមកគឹមុនបុណ្យចូលឆ្នាំតាមចន្ទគតិបន្តិច ហើយការសិក្សាចាប់តាំងពីពេលនោះមករៀនតាមអនឡាញ ។ បណ្ដាខេត្តមិនសូវមានប្រជាជនច្រើនដូចជាខេត្ត គិញហៃនិងខេត្ត GUIZHOU បានអនុញ្ញាតឲ្យចូលរៀនជាបន្តបន្ទាប់មុនគេតាំងពីខែមីនាមក ។
នៅក្រុងប៉េកាំងមានតែសិស្សវិទ្យាល័យឆ្នាំចុងក្រោយ ដែលអនុញ្ញាតឲ្យចូលរៀនចាប់ពីថ្ងៃទី២៧មេសាទៅ ដើម្បីរៀបចំការប្រឡងចូលមហាវិទ្យាល័យ ។ នៅក្រុងសៀងហៃបណ្ដាសិស្សអនុវិទ្យាល័យឆ្នាំចុងក្រោយត្រូវឲ្យចូលរៀនវិញ្ ។
សិស្សទាំងនោះពេលមកសាលាមានបុគ្គលិកចាំទទួល ដោយមានការស្លៀកពាក់ជិតហើយមុនចូលថ្នាក់ត្រូវឆ្លងកាត់ការពិនិត្យកម្ដៅចូលបន្ទប់សម្លាប់មេរោគនិងត្រូវពាក់ម៉ាសគ្រប់គ្នា ។ សិស្ស
ទាំងឡាយក្នុងថ្នាក់ត្រូវអង្គុយតាមតុដាក់នៅដាច់ឃ្លាតពីគ្នា ។
ចិនមានអ្នកឆ្លងវីរុសថ្មីតែ៣នាក់
អាជ្ញាធរសុខាភិបាលចិននិយាយកាលពីថ្ងៃទី២៦ មេសាថា មានអ្នកឆ្លងវីរុសថ្មីតែ៣នាក់នៅចិន
ដីគោកហើយពុំមានអ្នកស្លាប់ថ្មីម្នាក់ណាឡើយ ។
ក្នុងចំណោមអ្នកឆ្លងថ្មីទាំងនេះ២នាក់ជាអ្នកនាំចូលរួចអ្នកទី៣ជាអ្ន្នកឆ្លងក្នុងស្រុក ។ សរុបនៅចិនដីគោកមានអ្ន្កឆ្លងវីរុស៨២.៨៣០នាក់និងអ្នកស្លាប់សរុប៤.៦៣៣នាក់ ។
ទីក្រុងវូហានជាចំណុចស្នូលនៃការឆ្លងវីរុសនៅចិន ពេលនេះពុំុមានអ្នកឆ្លងវីរុសណាម្នាក់ស្ថិត
ក្នុងមន្ទីរពេទ្យទៀតទេ ។ នេះជាការអះអាងកាលពីថ្ងៃទី២៦ មេសា របស់អ្នកទទួលខុសត្រូវសុខាភិបាលម្នាក់ ។
លោកមីហ្វេញអ្នកនាំពាក្យរបស់គណៈគម្មាធិការសុខាភិបាលថ្លែងថា មកដល់ថ្ងៃទី២៦ មេសា ចំនួនអ្នកជំងឺឆ្លងវីរុសនៅវូហានបានធ្លាក់ដល់សូន្យ ដោយសារការខិតខំប្រឹងប្រែងរួមរបស់បណ្ដាបុគ្គលិកសុខាភិបាលក្រុងវូហាននិងបញ្ជូនមកពីកន្លែងឯទៀតៗរបស់ប្រទេស ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ