ខេត្តបន្ទាយមានជ័យ ៖ កម្លាំងនគរបាលក្រុងប៉ោយប៉ែតបង្ក្រាប់បានជនសង្ស័យចំនួន៧នាក់ ក្នុងថ្ងៃតែមួួយ ប្រតិបត្តិការនេះបានធ្វេីឡេីងនៅថ្ងៃទី២០ ខែកញ្ញា ឆ្នាំ២០១៤ ក្រោមការដឹកនាំកម្លាំងផ្ទាល់ពីលោក អ៊ុំ សុផល អធិការដ្ឋាននគរបាលក្រុងប៉ោយប៉ែត និងក្រោមការចង្អុលបង្ហាញ ពីលោកឧត្តមសេនីយ៍ត្រីអាត់ ខែម ស្នងការខេត្តបន្ទាយមានជ័យ។
លោក អ៊ុំ សុផល អធិការក្រុងប៉ោយប៉ែតបានប្រាប់ឲ្យដឹងថា ជនសង្ស័យខាងលើនេះ ត្រូវបានកម្លាំងនគរបាលរបស់លោក ស្រាវជ្រាវ ជាច្រើនថ្ងៃ មកហេីយ ទើបឈានដល់ការឃាត់ខ្លួនពីកន្លែងផ្សេងៗគ្នា នៅក្នុងក្រុងប៉ោយប៉ែត បានសម្រេចយកមកសួរនាំតែម្តង ។
លោកអធិការបានបន្តថា ជនសង្ស័យទាំង៧នាក់មាន ទី១,ឈ្មោះ ទូច ឆៃឆន្នះ ភេទប្រុស អាយុ២៩ឆ្នាំ ទី២ ,ឈ្មោះគង់ សុខេង ភេទប្រុស អាយុ៤៦ឆ្នាំ សមត្ថកិច្ចបានដកហូតបានវត្ថុតាង ម៉ូតូ ១គ្រឿង ម៉ាក់ហុងដាស្គុបពី ពណ៌ស គ្មានស្លាកលេខពីបទទទួលផលពីចោរកម្ម ។ ទី៣,ឈ្មោះយ៉ាវ ប៊ុនរត័្ន ភេទប្រុស អាយុ២៣ឆ្នាំ ទី៤ ,ឈ្មោះសូ បូទុំ ភេទប្រុស អាយុ២៦ឆ្នាំ ទី៥, ឈ្មោះ លី ប៊ុនធឿន ភេទប្រុស អាយុ២៤ ឆ្នាំ ឃាត់ខ្លួនពីបទឆក់ ។ ទី៦, ឈ្មោះ លី ម៉េងគង់ ភេទប្រុស អាយុ២១ ឃាត់ខ្លួនពីបទ ចែកចាយគ្រឿងញៀន និងទី៧ សូត្រ វរះ ភេទប្រុស អាយុ២១ឆ្នាំ ប្រើប្រាស់និងចែកចាយ គ្រឿងញៀន សមត្ថកិច្ច បានដកហូតគ្រឿងញៀនប្រភេទមេតំហ្វេតាមីន ម៉ាទឹកកកចំនួន៤ថងតូច ជនសង្ស័យទាំង៧នាក់នេះ មានមុខរបរមិនពិតប្រាកដ និង មានលំនៅដ្ឋានក្រុងប៉ោយប៉ែតតែម្តង ។
ក្រោយពីខ្លួនជនសង្ស័យខាងលើនេះបានសារភាព ចំពោះមុខសមត្ថកិច្ចថា ពួកខ្លួនពិតជាបានប្រព្រឹត្តល្មេីសច្បាប់ពិតមែន ។ សនត្ថកិច្ចបានបញ្ជាក់ឱ្យដឹងថា យោងតាមចម្លេីយសារភាព ជនសង្ស័យទាំងនេះ ត្រូវបានកម្លាំងនគរបាលរបស់លោក កសាងសំណំរឿងបញ្ជូនទៅស្នងការខេត្តបន្ទាយមានជ័យ ដើម្បីចាត់ការតាមច្បាប់នៅព្រឹកថ្ងៃទី21 កញ្ញានេះ តែម្តង ៕
ចែករំលែកព័តមាននេះ