រាជធានីភ្នំពេញ ៖ កញ្ញាចំរើន សុភ័ក្ត្រ តារាចម្រៀងផលិតកម្មហង្សមាស បានបង្ហោះសារថ្លែងអំណរគុណដល់លោកអធិការខណ្ឌមានជ័យ ដែលជួយស្រាវជ្រាវរកចាប់ចោរប៉ងឆ្កឹះទ្វាររថយន្តនៅខាងមុខផ្ទះនាង តែមិនបានសម្រេច ដោយត្រូវក្រុមគ្រួសាររបស់នាងដឹងទាន់ ហើយត្រូវបានក្រុមគ្រួសារយករូបភាពតាមរយៈកាមេរ៉ាសុវត្ថិភាពប្តឹងទៅសមត្ថកិច្ចនគរបាលខណ្ឌមានជ័យ…
រាជធានីភ្នំពេញ ៖ កញ្ញាចំរើន សុភ័ក្ត្រ តារាចម្រៀងផលិតកម្មហង្សមាស បានបង្ហោះសារថ្លែងអំណរគុណដល់លោកអធិការខណ្ឌមានជ័យ ដែលជួយស្រាវជ្រាវរកចាប់ចោរប៉ងឆ្កឹះទ្វាររថយន្តនៅខាងមុខផ្ទះនាង តែមិនបានសម្រេច ដោយត្រូវក្រុមគ្រួសាររបស់នាងដឹងទាន់ ហើយត្រូវបានក្រុមគ្រួសារយករូបភាពតាមរយៈកាមេរ៉ាសុវត្ថិភាពប្តឹងទៅសមត្ថកិច្ចនគរបាលខណ្ឌមានជ័យ ។
យោងតាមគណនីហ្វេសប៊ុករបស់កញ្ញា ចំរើន សុភ័ក្ត្រ បានសរសេរថា «នាងខ្ញុំចំរើន សុភ័ក្ត្រ សូមថ្លែងអំណរគុណដល់លោកពូ ម៉េងវិមានដារា ដែលជាអធិការខណ្ឌមានជ័យ ដែលបានចាប់ជនល្មើសគាស់រថយន្តនៅផ្ទះរបស់នាងខ្ញុំ បានត្រឹមតែមួយយប់ ក្នុងនាមនាងខ្ញុំជាប្រជាពលរដ្ឋ ពិតជាសប្បាយចិត្តយ៉ាងខ្លាំង ជាចុងក្រោយ សូមឲ្យគ្រប់អង្គភាពទាំងអស់ មានសុខភាពល្អកម្លាំងមាំមួនដើម្បីជាម្លប់របស់ប្រជាពលរដ្ឋបន្តរទៀត» ។
សូមបញ្ជាក់ថា ហេតុការណ៍ឆ្កឹះទ្វាររថយន្ត គឺកើតឡើងកាលពីវេលាម៉ោង៣ និង១០នាទីរំលងអធ្រាត្រឈានចូលថ្ងៃទី១៦ មីនា ស្ថិតមុខផ្ទះក្នុងភូមិព្រែកតាឡុង សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
ជនសង្ស័យឃាត់ខ្លួន ឈ្មោះហ៊ឹង ប៊ុនរតនៈ ហៅម៉ាប់ អាយុ៤០ឆ្នាំ មានទីលំនៅផ្ទះលេខ៥៧២ ផ្លូវបេតុង ភូមិត្នោតជ្រុំ២ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ (ឃាត់ខ្លួនមានផ្ទុកសារធាតុញៀន) ។ វត្ថុតាងដកហូត ដែកចុងស្រួច១, ក្បាលសោលេខ១០ចំនួន១, ក្បាលសោលេខ១២ចំនួន១, ក្បាលសោលេខ១៤ចំនួន១ ,សោបំពង់លេខ៨ចំនួន១, ដែកសម្រាប់ស៊កក្បាលសោចំនួន១ដើម , ពិលចំនួន១, ទុលឡឺវីសចំនួន១, មួកសុវត្ថិភាព ពណ៌ស ចំនួន១ និង ម៉ូតូ១គ្រឿងម៉ាកអាយខន ពណ៍បៃតង ពាក់ស្លាកលេខ ភ្នំពេញ 1CP 2348 ។
ជច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាង សំណុំរឿងចាត់តាមនីតិវិធី ។
ចែករំលែកព័តមាននេះ