រាជធានីភ្នំពេញ ៖ ទីបំផុតលទ្ធផលនៃការធ្វើវិភាគឈាមរបស់ជនជាតិកូឡង់ម្នាក់ ដែលសង្ស័យថាមានជំងឺថ្មីនោះ បានចេញហើយ គឺគាត់មិនមានការឆ្លងជំងឺកូរ៉ូណាឡើយ ដែលពេលនេះគាត់ត្រូវបានអនុញ្ញាតឲ្យចេញពីមន្ទីរពេទ្យហើយ ។ យោងតាមការចេញផ្សាយរបស់រដ្ឋបាលចេញខេត្តព្រះសីហនុមុននេះបានឲ្យដឹងថា ករណីជនជាតិហូឡង់…
រាជធានីភ្នំពេញ ៖ ទីបំផុតលទ្ធផលនៃការធ្វើវិភាគឈាមរបស់ជនជាតិកូឡង់ម្នាក់ ដែលសង្ស័យថាមានជំងឺថ្មីនោះ បានចេញហើយ គឺគាត់មិនមានការឆ្លងជំងឺកូរ៉ូណាឡើយ ដែលពេលនេះគាត់ត្រូវបានអនុញ្ញាតឲ្យចេញពីមន្ទីរពេទ្យហើយ ។
យោងតាមការចេញផ្សាយរបស់រដ្ឋបាលចេញខេត្តព្រះសីហនុមុននេះបានឲ្យដឹងថា ករណីជនជាតិហូឡង់ ឈ្មោះ Van Der Meer ភេទប្រុស អាយុ៧០ឆ្នាំ កាន់លិខិតឆ្លងដែនលេខ NT6L4CK63 ដែលធ្វើដំណើរតាមនាវាទេសចរណ៍ NORWEGIAN JADE សញ្ជាតិ BAHAMAS បានចូលចតនៅកំពង់ផែស្វយ័តក្រុងព្រះសីហនុ កាលពីព្រឹកថ្ងៃទី១០ ខែកុម្ភៈនេះ ដោយសារលោក Van Der Meer មានអាការក្តៅខ្លួនទើបត្រូវបានបញ្ជូនមកពិនិត្យព្យាបាលនៅមន្ទីរពេទ្យបង្អែកខេត្តព្រះសីហនុ បើតាមការបញ្ជាក់របស់ក្រុមគ្រូពេទ្យថា អ្នកជំងឺមានអាការឡើងសំពាធឈាម តែកំដៅបានចុះមកធម្មតាវិញហើយ ។
ប្រភពបន្តថា ក្នុងនោះក្រុមគ្រូពេទ្យក៏បានយកសំណាករបស់អ្នកជំងឺទៅធ្វើតេស្តនៅវិទ្យាស្ថានប៉ាស្ទ័រផងដែរ ជាលទ្ធផលនៅរសៀលថ្ងៃទី១១ ខែកុម្ភៈនេះ បញ្ជាក់ថាលោក Van Der Meer មិនមានផ្ទុកវីរុសកូរ៉ូណាថ្មី (2019-nCoV)នោះទេ ពេលនះក្រុមគ្រូពេទ្យនៃមន្ទីរពេទ្យបង្អែកខេត្តព្រះសីហនុកំពុងរៀបចំបែបបទអនុញ្ញាតឱ្យលោក Van Der Meer ចាកចេញពីមន្ទីរពេទ្យហើយ ៕
ចែករំលែកព័តមាននេះ