រាជធានីភ្នំពេញ ៖ លោកជុន ណារ៉ា តារាសម្តែងដែលសាងស្នាដៃច្រើនរឿង ជាពិសេសរឿងភាគខ្មែរ បានធ្វើឱ្យគេឯងស្រឡាំងកាំង ព្រោះតែសុខៗស្រាប់តែរៀបការយកចំណង៥ប្រការយ៉ាងព្រងើយ។ យ៉ាងណា បានប្តីរាងសង្ហារ…
រាជធានីភ្នំពេញ ៖ លោកជុន ណារ៉ា តារាសម្តែងដែលសាងស្នាដៃច្រើនរឿង ជាពិសេសរឿងភាគខ្មែរ បានធ្វើឱ្យគេឯងស្រឡាំងកាំង ព្រោះតែសុខៗស្រាប់តែរៀបការយកចំណង៥ប្រការយ៉ាងព្រងើយ។ យ៉ាងណា បានប្តីរាងសង្ហារ ប្រពន្ធមិនចង់ឱ្យលោកប្រឡូកសិល្បៈនោះទេ។ ប៉ុន្តែតារាប្រុសរូបនេះ បានទទូចសុំចិត្តភរិយាដើរតាមគន្លងដែលខ្លួនពេញចិត្ត។
ដោយសេចក្តីព្យាយាមជាមួយនិស្ស័យសិល្បៈច្រើនឆ្នាំមកហើយនោះ តារាសម្តែង ជុន ណារ៉ា ពិតជាមិនអាចធ្វើចិត្តលះបង់បាននោះទេ ដែលសុខៗផ្តាច់ចេញពីទីលានចាស់។ លោកបានសាងការភ្ញាក់ផ្អើលយ៉ាងខ្លាំង ដែលសុខៗចូលរោងការ សូម្បីតែមិត្តជិតដិតស្ទើរតែមិនជឿ ព្រោះមិនដែលបង្ហើបសោះថា លោកមាននារីនៅក្នុងបេះដូង សូម្បីបណ្តើរតាមកម្មវិធីក៏មិនឃើញនាំមកដែរ។
តារាសាងស្នាដៃរឿងច្រើនគួរសមរូបនេះ បានឆ្លើយថា លោករៀបការតាំងពីដើមឆ្នាំ២០២០ ថ្មីៗនេះទេ។ ស្នេហាយើងពិតជាលឿនដូចរន្ទះ ព្រោះស្រឡាញ់គ្នា មិនដល់១ឆ្នាំផង ក៏រៀបការតាមច្បាប់តែម្តង។
លោកថា ភរិយា ចិត្តគាត់មិនចង់ឱ្យប្រឡូកសិល្បៈទៀតទេ ដោយចង់ឱ្យងាកខ្លួនរកស៊ីមុខរបរផ្សេង។ ហេតុតែចិត្តស្រឡាញ់ ទើបចេះតែសម្រួលជាមួយគាត់។ ម្យ៉ាងបើយើងមានប្រពន្ធ ក៏ត្រូវដឹងអ្វីដែលល្អ ឬមិនល្អ ធ្វើអ្វីត្រូវចេះគិតប្រពន្ធដែរ។ ណាមួយសិល្បៈក៏អាចរកប្រាក់កម្រៃបានខ្លះដែរ យកមកផ្សំជាមួយមុខរបរខាងក្រៅ ទាន់គេត្រូវការយើងត្រូវប្រមូលឱ្យ ហើយតែម្តងទៅ។
ដូចនេះហើយលោកត្រៀមថតឡើងវិញ ហើយត្រៀមចម្រៀងថ្មីៗច្រៀងបង្ហោះតាមបណ្តាញសង្គម។ ចំណែកកូនចៅ បើមានពេលណាយកទុកជាចំណងដៃមើលថែឱ្យល្អ មិនពន្យាពេលនោះទេ។ (កែសម្រួលដោយ ៖ បុប្ផា)
ចែករំលែកព័តមាននេះ