សិស្ស៥៥នាក់ ក្អួតផង ហៀរទឹកភ្នែកផង ព្រោះតែក្លិនសំរាមក្បែរសាលា
- សៀមរាប
ខេត្តសៀមរាប ៖ បើតាមលោក សូរ ប្លាតុង អភិបាលស្រុកប្រាសាទបាគង បានឲ្យដឹងថា កាលពីម៉ោង៣រសៀល ថ្ងៃទី២២ ខែមករា…
ខេត្តសៀមរាប ៖ បើតាមលោក សូរ ប្លាតុង អភិបាលស្រុកប្រាសាទបាគង បានឲ្យដឹងថា កាលពីម៉ោង៣រសៀល ថ្ងៃទី២២ ខែមករា…
ខេត្តសៀមរាប ៖ បើតាមលោក សូរ ប្លាតុង អភិបាលស្រុកប្រាសាទបាគង បានឲ្យដឹងថា កាលពីម៉ោង៣រសៀល ថ្ងៃទី២២ ខែមករា ឆ្នាំ២០២០នេះ មានសិស្សថ្នាក់ទី៧ នៃសាលាវិទ្យាល័យហ៊ុនសែនស្វាយធំ ប្រុសស្រីចំនួន៥៥នាក់ ក្នុងនោះស្រី៣២នាក់ បានកើតអាការៈ ឈឺក្បាល ហៀរទឹកភ្នែក និងរកក្អួតចង្អោរ បណ្តាលឱ្យដួលសន្លប់ ដោយសារតែពុលនឹងក្លិនសំរាមដែលមានគេដុតក្បែរសាលានោះ ហេតុការណ៍នេះបានកើតឡើងនៅក្នុងភូមិជ្រៃ ឃុំកណ្តែក ស្រុកប្រាសាទបាគង។
លោកអភិបាលស្រុកប្រាសាទបាគង បានឲ្យដឹងនៅល្ងាចនេះថា បន្ទាប់ពីទទួលសេចក្តីរាយការណ៍ពីលោកគ្រូនាយកសាលាភ្លាម លោកបានដឹកនាំក្រុមការងារចុះទៅដល់ទីកន្លែងកើតហេតុ ដើម្បីជួយអន្តរាគមន៍ និងជូនក្មួយៗសិស្សានុសិស្សខាងលើទៅមណ្ឌលសុខភាព ដើម្បីពិនិត្យ និងព្យាបាល។
លោកបន្តថា បន្ទាប់ពីកើតហេតុ លោកបានចាត់តាំងក្រុមការងារពិនិត្យស្រាវជ្រាវ រួមទាំងពិនិត្យលើគុណភាពចំណីអាហារដែលមានលក់នៅបរិវេណសាលាផងដែរ ដើម្បីរកមូលហេតុដែលបណ្តាលឲ្យមានហេតុការណ៍នេះកើតឡើង ។លោកបញ្ជាក់ថា ជាលទ្ធផល គឺបណ្តាលមកពីការដុតសំរាមក្បែរសាលារៀនបានធ្វើឲ្យធុំក្លិន និងខ្វះអុកស៊ីសែន។
លោកបន្ថែមថា ដោយយោងតាមសេចក្តីណែនាំរបស់ក្រសួងបរិស្ថាន លោកក៏បានណែនាំ និងស្នើដល់គណៈគ្រប់គ្រងសាលា ក៏ដូចជាអ្នករស់នៅជិតខាងសាលារៀន ឲ្យបញ្ឈប់ការដុតសំរាមបែបនេះតទៀត ព្រោះប៉ះពាល់ដល់សុខភាពខ្លាំងណាស់។ លោកបញ្ជាក់ទៀតថា បច្ចុប្បន្ន ស្ថានភាពក្មួយៗសិស្សានុសិស្សទាំង៥៥នាក់ខាងលើ មានភាពប្រសើរជាធម្មតាឡើងវិញហើយ។ ហើយចំពោះមូលហេតុដែលធ្វើឲ្យសិស្សដួលសន្លប់នោះ គឺបណ្តាលមកពីការដុតសំរាមក្បែរសាលារៀននេះ។
សូមបញ្ជាក់ថា ដោយយោងតាមសេចក្តីណែនាំរបស់ក្រសួងបរិស្ថាន លោកអភិបាលស្រុកបានណែនាំដល់គណៈគ្រប់គ្រងសាលា ក៏ដូចជាអ្នករស់នៅជិតខាងសាលារៀន ឱ្យបញ្ឈប់ការដុតសំរាមបែបនេះតទៀត ព្រោះប៉ះពាល់ដល់សុខភាពខ្លាំងណាស់៕ (កែសម្រួលដោយ ៖ បុប្ផា)
ចែករំលែកព័តមាននេះ