ខេត្តក្រចេះ ៖ ការចុះអនុវត្តសាលដីការរុះរើផ្ទះឈើមួយកន្លែងនៅក្នុងសង្កាត់អូរឬស្សី ក្រុងក្រចេះ ក្នុងសំណុំរឿងទំនាស់ដីធ្លីដែលបានប្តឹងប្តល់គ្នាចម្រូងចម្រាស់មានរយៈពេលជាង២០ឆ្នាំទៅហើយនោះគឺត្រូវអាជ្ញាធរចុះអនុវត្តសម្រេចបានជាស្ថាពរបើទោះបីជាមាន ការរារាំងពីម្ចាស់លំនៅឋានដែលប៉ុនប៉ងប្រើហិង្សាយ៉ាងចាស់ដៃបែបណាក្តី ។ ភាពតានតឹងរវាងម្ចាស់លំនៅឋានជាភាគីចុងបណ្តឹងប្រដាប់ដោយដបសាំង ទឹកអាស៊ីដ កាំបិត…
ខេត្តក្រចេះ ៖ ការចុះអនុវត្តសាលដីការរុះរើផ្ទះឈើមួយកន្លែងនៅក្នុងសង្កាត់អូរឬស្សី ក្រុងក្រចេះ ក្នុងសំណុំរឿងទំនាស់ដីធ្លីដែលបានប្តឹងប្តល់គ្នាចម្រូងចម្រាស់មានរយៈពេលជាង២០ឆ្នាំទៅហើយនោះគឺត្រូវអាជ្ញាធរចុះអនុវត្តសម្រេចបានជាស្ថាពរបើទោះបីជាមាន ការរារាំងពីម្ចាស់លំនៅឋានដែលប៉ុនប៉ងប្រើហិង្សាយ៉ាងចាស់ដៃបែបណាក្តី ។
ភាពតានតឹងរវាងម្ចាស់លំនៅឋានជាភាគីចុងបណ្តឹងប្រដាប់ដោយដបសាំង ទឹកអាស៊ីដ កាំបិត និងកន្ត្រៃ កាំបិត និងពូថៅ ដែលមានរៀបចំសម្រាប់រារាំងមកលើ អាជ្ញាធរ និងក្រុមសមត្ថកិច្ចដែលបានចុះអនុវត្តសាលដីការនៅព្រឹកថ្ងៃទី២១ កុម្ភៈ នៅពេល ចុះអនុវត្តសាលដីការក៏មិនអាចធ្វើទៅបាននោះទេ ខណៈលំនៅឋានឈើមួយខ្នងដែល សង់នៅលើដីទំនាស់មានទំហំ១៥គុណ២៤មែត្រ មានទីតាំងនៅភូមិអូរឬស្សី១ សង្កាត់ អូរឬស្សី ក្រុងក្រចេះ គឺត្រូវបានអាជ្ញាធរសម្រេចធ្វើការរុះរើបានជាស្ថាពរទោះបីអ្នកចាញ់រារាំងយ៉ាងណាក៏ដោយ ។
មន្ត្រីអ្នកចុះអនុវត្តបានឲ្យដឹងថា ការប្តឹងប្តល់ក្នុងលើទំនាស់ដីមួយនេះបានកើតមាន រយៈពេលជាង២០ឆ្នាំមកហើយតែក៏នៅមិនទាន់ដាច់ស្រេចពោលគឺចាប់ផ្តើមតាំងពី ឆ្នាំ១៩៩៧មក ។ ហើយការប្តឹងប្តល់គ្នារវាងភាគីដើមបណ្តឹងឈ្មោះ សារ ជាង អាយុ៤៧ឆ្នាំ ជាដើមបណ្តឹងដែលអះអាងថា ជាម្ចាស់ដីឡូតិ៍មួយកន្លែងនេះបានប្តឹងទៅឈ្មោះ ជា សុន អាយុ៤៦ឆ្នាំ ដែលរងការចោទថា បានសុំជួលដីមួយកន្លែងនេះសម្រាប់ធ្វើពាងលក់តែមិន ព្រមប្រគល់ដីឲ្យវិញ ។ ហើយក៏មានចេតនាចង់យកដីឡូតិ៍មួយនេះធ្វើជាកម្មសិទ្ធទើប ឈានឲ្យមានការប្តឹងប្តល់គ្នាអស់រយៈពេលជាច្រើនឆ្នាំ និងឈានឲ្យមានការចេញ សាលក្រមស្ថាពរសម្រេចឲ្យភាគីដើមបណ្តឹងឈ្នះក្តីពីតុលាការកំពូល ៕
ចែករំលែកព័តមាននេះ