រាជធានីភ្នំពេញ ៖ សេចក្តីរាយករណ៍បឋមឱ្យដឹងថា ខណៈកំពុងអគ្គិភ័យលេបត្របាក់ផ្ទះចំនួន២ខ្នង ដែលមួយខ្នងភ្លើងឆេះអស់ទាំងស្រុង និងមួយខ្នងទៀតភ្លើងតែឆេះត្របាញ់ដោយក្នុងផ្ទះមានចតរថយន្តម៉ាក
ឡិសស៊ីសមួយគ្រឿងផងដែរ កើតឡើងនារសៀលថ្ងៃទី១១ ធ្នូ នេះ ស្ថិតនៅបណ្តោយមហាវិថីបណ្ឌិតម៉ុង
ប្ញទ្ធី ក្នុងសង្កាត់ទួលសង្កែ២ ខណ្ឌប្ញស្សីកែវ ។
ទោះបីជាយ៉ាងណា មូលហេតុគេនៅមិនទាន់ដឹងនោះទេ ខណៈដែលមានរថយន្តពន្លត់អគ្គិភ័យមួយគ្រឿងបាននិងចុះបាញ់ទប់ស្កាត់ហើយ ។ ផ្ទះឆេះមួយខ្នងដែលមានចតរថយន្តឡិសស៊ីសខាងក្នុងនោះ ត្រូវបានភ្លើងឆេះទាំងរថយន្តនោះ និងរាលដាលដល់គំនរអំបោះដែលគេស្តុកទុកក្នុងផ្ទះទៀត ។
ប្រភពជំហានដំបូងថា ផ្ទះដែលត្រូវភ្លើងឆេះនោះ គឺជាផ្ទះកាត់ដេរ ។ បច្ចុប្បន្ន អាជ្ញាធរកំពុងចុះអន្តរាគមន៍យ៉ាងសស្រាក់សស្រាំ ។
គិតមកត្រឹមវេលាម៉ោង០២ និង២៥នាទីរសៀលថ្ងៃដដែល ភ្លើងបានរលត់ទៅវិញអស់ទាំងស្រុង ខណៈបានប្រើរថយន្តបាញ់ពន្លត់សរុបអស់ចំនួន៥គ្រឿង ។ ទាក់ទិនករណីឆេះនេះ ត្រូវបាននគរបាលអះអាងថា គឺបណ្តាលមកទុស្សេខ្សែភ្លើង ដែលឆេះចេញផ្ទះឈើមួយកន្លែង មានម្ចាស់ឈ្មោះវ៉ាន់ រិទ្ធី រួចភ្លើងបានឆេះរាលដាលដល់ផ្ទះមួយទៀតដែលជាឃ្លាំងស្តុកអំបោះ និងមានរថយន្តឡិចស៊ីសខាងលើចតក្នុងផ្ទះនោះ ។
ចែករំលែកព័តមាននេះ