ខេត្ដកំពង់ចាម ៖ នាងក្រមុំមិនគ្រប់ទឹក អាយុ២២ឆ្នាំម្នាក់ រស់នៅឃុំស្វាយទាប ស្រុកចំការលើ ត្រូវបានយុវជនឈាមរាវ២នាក់រស់ នៅក្នុងឃុំជាមួយគ្នាព្រួតចាប់រំលោ.ភសេពសន្ថវៈកាលពីវេលាម៉ោង៧ យប់ថ្ងៃទី៣០ មីនា ២០១០។ ទោះបីជាបែបណារយៈពេល៣ថ្ងៃក្រោយមក ជនសង្ស័យម្នាក់ត្រូវបានប៉ូលិសស្រាវជ្រាវចាប់ខ្លួនបញ្ជូនមក កាន់សាលាដំបូងខេត្ដ ។
ខេត្ដកំពង់ចាម ៖ នាងក្រមុំមិនគ្រប់ទឹក អាយុ២២ឆ្នាំម្នាក់ រស់នៅឃុំស្វាយទាប ស្រុកចំការលើ ត្រូវបានយុវជនឈាមរាវ២នាក់រស់ នៅក្នុងឃុំជាមួយគ្នាព្រួតចាប់រំលោភសេពសន្ថវៈកាលពីវេលាម៉ោង៧យប់ថ្ងៃទី៣០ មីនា ២០១០។ ទោះបីជាបែបណារយៈពេល៣ថ្ងៃក្រោយមក ជនសង្ស័យម្នាក់ត្រូវបានប៉ូលិសស្រាវជ្រាវចាប់ខ្លួនបញ្ជូនមកកាន់សាលាដំបូងខេត្ដ ។
លោកអនុសេនីយ៍ឯក អ៊ិត ដារ៉ា អធិការ ប៉ូលិសស្រុកចំការលើបានឱ្យដឹងថា ដោយឪពុកម្ដាយរបស់នារីរងគ្រោះជាប់មានធុរៈទៅរាជធានីភ្នំពេញនោះ បានឱ្យកូនស្រីនោះ នៅចាំផ្ទះជាមួយនឹងក្មួយប្រុសម្នាក់អាយុ១៧ឆ្នាំ ។ លោកអធិការបន្ដថា លុះនៅវេលា ម៉ោងខាងលើពេលនាងចុះមកដងទឹកអណ្ដូងនៅក្បែរផ្ទះ ស្រាប់តែមានជនឈាមរាវ២នាក់ ម្នាក់ឈ្មោះអឿន វុត្ថា អាយុ២២ឆ្នាំ និងម្នាក់ទៀតឈ្មោះសន ឌី អាយុ២២ឆ្នាំ បាន មកចាប់រំលោភនាងទាំងកំរោលរហូតបានសំរេចម្នាក់ ហើយឈ្មោះសន ឌី បំរុងចាប់រំលោភបន្ដទៀតតែនាងបានស្រែកឡើងធ្វើឱ្យយុវជនឈ្មោះស្រស់ អាយុ១៧ឆ្នាំ នៅលើ ផ្ទះស្ដាប់ឮក៏រត់ចុះមកមើលធ្វើឱ្យក្រុមជនឈាមរាវទាំង២នាក់នោះនាំគ្នារត់គេចទៅផ្ទះបាត់រៀងៗខ្លួន ។ ក្រោយមកនៅវេលាម៉ោង១និង៣០នាទីរសៀលថ្ងៃទី១ មេសា ស្ដ្រីជាម្ដាយរបស់នារីរងគ្រោះបានមកប្ដឹងប៉ូលិសប៉ុស្ដិ៍រដ្ឋបាលឃុំស្វាយទាបឱ្យជួយអន្ដរាគមន៍ ព្រមទាំងស្គាល់អត្ដសញាណជនសង្ស័យទាំង២នាក់នោះយ៉ាងច្បាស់ទៀតផង ។ លោកអធិការបានបន្ដទៀតថា បន្ទាប់ពីទទួលបានពាក្យបណ្ដឹង នៅវេលាម៉ោង៣និង៥នាទីរសៀលថ្ងៃទី២ មេសា ជនសង្ស័យឈ្មោះ សន ឌី ត្រូវបានសមត្ថកិច្ចនាំខ្លួនមកសាកសួរ ហើយត្រូវម្ដាយនារីរងគ្រោះប្ដឹងទារជំងឺចិត្ដ២.០០០ដុល្លារ ។
នៅចំពោះសមត្ថកិច្ច ឈ្មោះសន ឌី បានឆ្លើយសារភាពថា នៅយប់ថ្ងៃទី៣០ មីនា រូបគេ និងឈ្មោះអឿន វុត្ថា ពិតជាបាននាំគ្នាចាប់នាងឈ្មោះ“វ.ល” រំលោភមែន ដែលពេលនោះឈ្មោះអឿន វុត្ថា រំលោភបានសំរេច ឯរូបគេរៀបនឹងធ្វើសកម្មភាពរំលោភក៏ត្រូវគេមកទាន់ ហើយក៏នាំគ្នារត់ទៅផ្ទះបាត់ទៅ។ ឈ្មោះនេះបានបន្ដថា កាលពីឆ្នាំ២០០៦រូប គេធ្លាប់រួមរ័កជាមួយនាងបាន៣ដងនៅលើជង្រុកស្រូវក្រោមផ្ទះ ដោយពុំមានការបង្ខិតបង្ខំទេ ។
លោកអនុសេនីយ៍ឯក អ៊ិត ដារ៉ា អធិការ ប៉ូលិសស្រុកចំការលើបញ្ជាក់ទៀតថា ចំពោះករណីចាប់រំលោភនៅយប់ថ្ងៃទី១៥ កក្កដា ឆ្នាំ២០០៦ លើនាងរងគ្រោះបង្កដោយឈ្មោះសន ឌី សំណុំរឿងបានបញ្ជូនមកសាលាដំបូង ខេត្ដមិនទាន់នឹងចេញដីកាចាប់ខ្លួនផង បែរជាចាប់ខ្លួនក្នុងបទល្មើសជាក់ស្ដែងខាងលើនេះទៀត ហើយសមត្ថកិច្ចក៏នឹងសុំដីកាតាមចាប់ខ្លួនឈ្មោះអឿន វុត្ថា មកផ្ដន្ទាទោសតាមច្បាប់ដែរ ៕
ចែករំលែកព័តមាននេះ