រាជធានីភ្នំពេញ ៖ តារាចម្រៀង និងសម្តែងនាង រតនៈ ពិសី បានធ្វើការព្រមានចាត់ការតាមផ្លូវច្បាប់ទៅលើអ្នកកាន់គណនេយ្យហ្វេសប៊ុកមួយដែលបានប្រើប្រាស់រូបរបស់នាងលាយជាមួយនឹងភាពអាសអាភាស។ តារារូបនេះ បានស្នើឲ្យម្ចាស់គណនេយ្យហ្វេសប៊ុកនោះបញ្ឈប់សកម្មភាពនេះជាបន្ទាន់ មុនពេលដែលនាងនឹងត្រូវពិចារណាលើផ្នែកច្បាប់ចំពោះបញ្ហាមួយនេះ។…
រាជធានីភ្នំពេញ ៖ តារាចម្រៀង និងសម្តែងនាង រតនៈ ពិសី បានធ្វើការព្រមានចាត់ការតាមផ្លូវច្បាប់ទៅលើអ្នកកាន់គណនេយ្យហ្វេសប៊ុកមួយដែលបានប្រើប្រាស់រូបរបស់នាងលាយជាមួយនឹងភាពអាសអាភាស។ តារារូបនេះ បានស្នើឲ្យម្ចាស់គណនេយ្យហ្វេសប៊ុកនោះបញ្ឈប់សកម្មភាពនេះជាបន្ទាន់ មុនពេលដែលនាងនឹងត្រូវពិចារណាលើផ្នែកច្បាប់ចំពោះបញ្ហាមួយនេះ។
គណនេយ្យហ្វេសប៊ុកដែលមានឈ្មោះថា Chantararoath Choeun បានប្រើប្រាស់រូបភាពរបស់តារាសម្តែងនាង រតនៈ ពិសី ធ្វើជា Profile របស់ខ្លួន និងបានដាក់រូបភាពអាសអាភាសនៅលើCover Photo ដែលបានបង្កឲ្យមានការភ្ញាក់ផ្អើលយ៉ាងខ្លាំងពីសំណាក់អ្នកលេងហ្វេសប៊ុក។
យ៉ាងណាមិញ ជុំវិញបញ្ហាខាងលើនេះ រតនៈ ពិសី បានធ្វើការព្រមានភ្លាមៗផងដែរ ក្នុងពេលដែលនាងបានប្រទះឃើញនូវបញ្ហាខាងលើនេះ ក្នុងនោះនាងបានស្នើឲ្យម្ចាស់ផេកបញ្ឈប់សកម្មភាពនេះជាបន្ទាន់។
ថ្លែងប្រាប់កោះសន្តិភាពតាមសារអេឡិចត្រូនិច រតនៈ ពិសី បានអះអាងថា ប្រសិនបើម្ចាស់គណនេយ្យហ្វេសប៊ុកនោះមិនប្ដូរទេ នាងនឹងចាត់វិធានការប្ដឹងតាមផ្លូវច្បាប់មិនលើកលែងឡើយ។ នាងបញ្ជាក់ថា «បើគាត់ស្រឡាញ់ និងចូលចិត្តខ្ញុំ ហើយយករូបខ្ញុំទៅលេងក្នុងផ្លូវល្អនោះមិនអីឡើយ តែបើគាត់យករូបខ្ញុំទៅលេង ហើយដាក់រូបអាសអាភាសអត់សីលធម៌ចឹង ខ្ញុំមិនពេញចិត្តឡើយ»៕ (កែសម្រួលដោយ ៖ បុប្ផា)
ចែករំលែកព័តមាននេះ