ខេត្តត្បូងឃ្មុំ ៖ ដែកបង្កាន់ដៃទន្លេសិប្បនិមិត្តនៅជិតសាលាខេត្តក្នុងឃុំស្រឡប់ ស្រុកត្បូងឃ្មុំបានបាត់ប្រវែងជាង១០០ម៉ែត្រ កាលពីខែតុលា ២០១៨ ដោយមិនដឹងពីអត្តសញ្ញាណចោរលួចនោះទេ ។ ហើយ ត្រូវបានលោកឧត្តមសេនីយ៍ទោ…
ខេត្តត្បូងឃ្មុំ ៖ ដែកបង្កាន់ដៃទន្លេសិប្បនិមិត្តនៅជិតសាលាខេត្តក្នុងឃុំស្រឡប់ ស្រុកត្បូងឃ្មុំបានបាត់ប្រវែងជាង១០០ម៉ែត្រ កាលពីខែតុលា ២០១៨ ដោយមិនដឹងពីអត្តសញ្ញាណចោរលួចនោះទេ ។ ហើយ
ត្រូវបានលោកឧត្តមសេនីយ៍ទោ បែន រ័ត្ន ស្នងការនគរបាលខេត្តបានបញ្ជាឲ្យសមត្ថកិច្ចគ្រប់លំដាប់
ថ្នាក់ធ្វើការស្រាវជ្រាវ ដើម្បីតាមប្រមាញ់ក្រុមចោរថ្លើមធំ តើមានប្រភពចេញមកពីណា ។
តាមសមត្ថកិច្ចឲ្យដឹងនៅរសៀលថ្ងៃទី១៤ ធ្នូ ២០១៨ថា កាលពីមុនបង្កាន់ដៃទន្លេសិប្បនិមិត្តនៅជិតសា
លាខេត្តបានបាត់នៅចុងទីបន្តិច និងមិនមានអ្នកណាចាប់អារម្មណ៍នោះទេ ហើយក្រោយមកទៀតត្រូវ
បានចោរលួចបន្តទៀត នៅពេលយប់បាត់អស់ រហូតដល់ទៅជាង១០០ម៉ែត្រទើបបង្កឲ្យមានការភ្ញាក់ផ្អើលដល់សមត្ថកិច្ចចុះទៅមើល និងស្រាវជ្រាវ ។
សមត្ថកិច្ចបានប្រាប់បន្តថា ដែកបង្កាន់ដៃនោះត្រូវបានក្រុមហ៊ុនមួយដែលបានទទួលរាប់រងសាងសង់
បានកម្មង់ទិញមកពីបរទេសសុទ្ធតែដែកសំណរប៉ាហាំងមិនច្រេះនោះទេ ។ រហូតមកដល់ព្រឹកថ្ងៃទី១៤
ធ្នូ ២០១៨ ដោយមានបញ្ជាពីលោក ឡុង ហុកម៉េង ព្រះរាជអាជ្ញាអមសាលាដំបូងខេត្តឲ្យយកដែករឹបអូសបានក្នុងនោះ មានរបាបំពង់ទីប ចំនួន៨៤ដើម បង្គោលទីបចំនួន២៩ដើម មានទង្ងន់សរុបជាង១តោន នៅផ្ទះរបស់ប្រជាពលរដ្ឋម្នាក់ឈ្មោះ វន ចន្ធីហៅធី ភេទប្រុស អាយុ៤៧ឆ្នាំ មានមុខរបរទិញអេតចាយ កន្លែងនៅភូមិស្បែកគឺ ឃុំកណ្តោលជ្រុំ ស្រុកពញាក្រែក ត្រូវបានចាប់ខ្លួន នៅថ្ងៃទី១១ ធ្នូ ២០១៨។
ដោយទទួលបានការណែនាំពីលោកព្រះរាជអាជ្ញាអមសាលាដំបូងខេត្តឲ្យប្រគល់ដែកជូនមកឲ្យ
លោកធី ស្រស់ អាយុ៣២ឆ្នាំ នៅភូមិព្រះអណ្តូង ឃុំស្វាយជ្រុំ ស្រុកមេសាង ខេត្តព្រៃវែង ជាបុគ្គលិក
របស់ក្រុមហ៊ុន លី ឈួង ដោយយកទៅរក្សាទុកគ្រប់គ្រងបណ្តោះអាសន្ន និងប្រគល់ជូនស្ថាប័នមាន
សមត្ថកិច្ចវិញ ពេលមានសំណូមពរ ។
ក្នុងករណីធ្វើឲ្យខូចខាតបាត់បង់ ឫប្រែប្រួលពីសភាពដើមនៃវត្ថុតាង គឺត្រូវទទួលខុសត្រូវចំពោះមុខច្បាប់ផ្ទុយទៅវិញករណីខូចបាត់បង់បណ្តាលមកពីហេតុចៃដន្យណាមួយកើតឡើង គឺត្រូវបានរាយការណ៍ជាបន្ទាន់ កក្រសួងមានសមត្ថកិច្ច ។
លោកឧត្តមសេនីយ៍ត្រី ប្រាក់ ប៊ុនណុន ស្នងការរងនគរបាលខេត្តប្រាប់ឲ្យដឹងថា ករណីខាងលើនេះ
ចាប់បានអ្នកទទួលផលចោរកម្មម្នាក់ខាងលើហើយ ចំណែកចោរដែលលួចមកលក់នោះត្រូវបានលោកឧត្តមសេនីយ៍ទោ បែន រ័ត្ន ស្នងការនគរបាលខេត្តបញ្ជាឲ្យសមត្ថកិច្ចតាមប្រមាញ់ចាប់ខ្លួនហើយ ៕
ចែករំលែកព័តមាននេះ