ខេត្តសៀមរាប ៖ នៅថ្ងៃទី១៦ ខែមិថុនា ឆ្នាំ២០១៨ កម្លាំងការិយាល័យប្រឆាំងគ្រឿងញៀន បានសហការ ជាមួយកម្លាំងអធិការដ្ឋាននគរបាលក្រុងសៀមរាប និងកម្លាំងនគរបាលនៃអធិការដ្ឋានស្រុកវ៉ារិន បានចុះបង្ក្រាបបទរក្សាទុក…
ខេត្តសៀមរាប ៖ នៅថ្ងៃទី១៦ ខែមិថុនា ឆ្នាំ២០១៨ កម្លាំងការិយាល័យប្រឆាំងគ្រឿងញៀន បានសហការ ជាមួយកម្លាំងអធិការដ្ឋាននគរបាលក្រុងសៀមរាប និងកម្លាំងនគរបាលនៃអធិការដ្ឋានស្រុកវ៉ារិន បានចុះបង្ក្រាបបទរក្សាទុក និងជួញដូរដោយខុសច្បាប់នូវសារធាតុញៀនស្ថិតនៅក្នុងខេត្តសៀមរាប រហូតឈានដល់ធ្វើការឃាត់ខ្លួនបានជនសង្ស័យចំនួន០៨នាក់ រួចនាំយកមកសួរនៅការិយាល័យជំនាញ ដើម្បីរៀបចំបញ្ជូនទៅតុលាការខេត្តចាត់ការតាមច្បាប់។ តាមប្រភពពីសមត្ថកិច្ចនគរបាលជំនាញ បានប្រាប់ថា ជនស្ស័យទាំង៨នាក់ ក្នុងនោះមាន៖ ០១-ឈ្មោះ រៀម ប៊ុនហាក់ ភេទប្រុស អាយុ១៨ឆ្នាំ មុខរបរគ្មាន ទីលំនៅភូមិវិហារចិន សង្កាត់ស្វាយដង្គំ ក្រុងខេត្តសៀមរាប អ្នករក្សាទុក និងជួញដូរ មានសារធាតុញៀនក្នុងខ្លួន។ ០២-ឈ្មោះ ឡៃ គង់ទី ភេទប្រុស អាយុ១៩ឆ្នាំ មុខរបរគ្មាន ទីលំនៅភូមិតាវៀន សង្កាត់សាលាកំរើក ខេត្តសៀមរាប អ្នកចាត់ចែង និងប្រើប្រាស់ មានសារធាតុញៀនក្នុងខ្លួន។
០៣-ឈ្មោះ គាត បូនី ភេទប្រុស អាយុ៣៨ឆ្នាំ មុខរបរគ្មាន ទីលំនៅភូមិភ្ញាជ័យ សង្កាត់ស្វាយដង្គំ ក្រុងខេត្តសៀមរាប អ្នករក្សាទុក និងជួញដូរ មានសារធាតុញៀនក្នុងខ្លួន។ ០៤-ឈ្មោះ ភឿង សុភ័ក្រ ភេទប្រុស អាយុ៣២ឆ្នាំ មុខរបរគ្មាន ទីលំនៅភូមិតាភុល សង្កាត់ស្វាយដង្គំ ក្រុងខេត្តសៀមរាប អ្នកជួញដូរ និងប្រើប្រាស់ មានសារធាតុញៀនក្នុងខ្លួន។ ០៥-ឈ្មោះ លី ប៊ុនណាត ភេទប្រុស អាយុ២២ឆ្នាំ មុខរបរគ្មាន ទីលំនៅភូមិពួកចាស់ ឃុំពួកស្រុកពួក ខេត្តសៀមរាប អ្នកចាត់ចែង និងប្រើប្រាស់ មានសារធាតុញៀនក្នុងខ្លួន។ ០៦-ឈ្មោះ ឈុន ពិសិដ្ឋ ភេទប្រុស អាយុ១៧ឆ្នាំ មុខរបរគ្មាន ទីលំនៅភូមិវត្ត ឃុំស្រែណូយ ស្រុកវ៉ារិន ខេត្តសៀមរាប អ្នកចាត់ចែង និងប្រើប្រាស់ មានសារធាតុញៀនក្នុងខ្លួន។
០៧-ឈ្មោះ ថាច់ សំណាង ភេទប្រុស អាយុ២៥ឆ្នាំ មុខរបរគ្មាន ទីលំនៅភូមិទ្រាំង សង្កាត់ស្លក្រាម ក្រុងខេត្តសៀមរាប អ្នកចាត់ចែង និងប្រើប្រាស់ មានសារធាតុញៀនក្នុងខ្លួន និង០៨-ឈ្មោះ នី សុខេត ភេទប្រុស អាយុ៣៨ឆ្នាំ មុខរបរគ្មាន ទីលំនៅភូមិវត្ត ឃុំស្រែណូយ ស្រុកវ៉ារិន ខេត្តសៀមរាប អ្នកសម្រួល និងប្រើប្រាស់ក្នុងខ្លួន។ ក្រោយពីកម្លាំងជំនាញ ឃាត់ខ្លួន ដកហូតបានថ្នាំញៀនចំនួន០៣កញ្ចប់ ស្មើនឹងទម្ងន់១,៣ក្រាម ទាំងសម្បក និងទូរស័ព្ទដៃ ចំនួន០៧គ្រឿង និងឧបករណ៍ប្រើប្រាស់ថ្នាំញៀនមួយចំនួន។ បច្ចុប្បន្នជនសង្ស័យទាំង៨នាក់ និងវត្ថុតាង មួយចំនួន ត្រូវបានកម្លាំងជំនាញរៀបចំកសាងសំណុំរឿងបញ្ជូនទៅតុលាការនៅថ្ងៃទី១៨ ខែមិថុនា ឆ្នាំ២០១៨នេះ ដើម្បីចាត់ការទៅតាមផ្លូវច្បាប់៕
ចែករំលែកព័តមាននេះ