រាជធានីភ្នំពេញ៖ នៅក្នុងកម្មវិធីពានរង្វាន់អចលនទ្រព្យ Property Guru Cambodia ប្រចាំឆ្នាំ២០១៨ គម្រោងអារ៉ាតា ហ្កាដិន រ៉េស៊ីដិនស៏ ទទួលបានពានរង្វាន់៣…
រាជធានីភ្នំពេញ៖ នៅក្នុងកម្មវិធីពានរង្វាន់អចលនទ្រព្យ Property Guru Cambodia ប្រចាំឆ្នាំ២០១៨ គម្រោងអារ៉ាតា ហ្កាដិន រ៉េស៊ីដិនស៏ ទទួលបានពានរង្វាន់៣ និងពានរង្វាន់ទទួលស្គាល់ជាពិសេសចំនួន២ ដែលពានរង្វាន់អចលនទ្រព្យ Property Guru Cambodia គឺជាកម្មវិធីអចលនទ្រព្យដ៏ធំមួយក្នុងប្រទេសកម្ពុជា ដែលបានប្រារព្ធកាលពីថ្ងៃទី១៦ ខែមីនា ឆ្នាំ២០១៨ នាសណ្ឋាគារ Sofitel Phnom Penh Phokeethra។
ពានរង្វាន់ទី១ ដែលគម្រោងអារ៉ាតា ហ្កាដិន រ៉េស៊ីដិនស៏ ទទួលបានគឺ «ពានរង្វាន់ស្ថាបត្យកម្មលំនៅឋានដែលល្អជាងគេ« និង ពានរង្វាន់ទទួលស្គាល់ជាពិសេសផ្នែក «គម្រោងលំនៅឋានដែលល្អជាងគេ» និង «ឌីហ្សាញស្ថាបត្យកម្មទេសភាពដែលល្អជាងគេ»។ លើសពីនេះទៅទៀត ក្រុមហ៊ុន Creed Group និង ក្រុមហ៊ុន Triple Gem Assets Co., Ltd. បានឈ្នះពានរង្វាន់ចំនួន២ «ពានរង្វាន់ទំនួលខុសត្រូវសង្គម» និង «ពានរង្វាន់គម្រោងអភិវឌ្ឍន៏ចេយិ៍រភាព»។
ដោយយោងទៅតាមវេបសាយ Realestate.com នៅក្នុងការប្រកួតនោះមានពានរង្វាន់ចំនួន ២៦ប្រភេទ ដែលរួមមាន ពានរង្វាន់ម្ចាស់អភិវឌ្ឍគម្រោង ពានរង្វាន់ផ្នែករចនា និងពានរង្វាន់អភិវឌ្ឍលំនៅស្ថាន (ខុនដូ, ផ្ទះ និងអគារពាណិជ្ជកម្ម) ដែលមានភ្ញៀវកិត្តិយស ព្រមទាំងអ្នកកាសែតអញ្ជើញចូលរួមច្រើនជាង៣៦០នាក់។
អារ៉ាតា ហ្កាដិន រ៉េស៊ីដិនស៏ គឺជាគម្រោងទី៣ក្នុងប្រទេសកម្ពុជារបស់ក្រុមហ៊ុន Creed Group ដែលមានផ្ទះសរុបប្រមាណ៥០០ខ្នង ក្នុងដំណាក់កាលទី១ ដែលមានប្រទេសផ្ទះដូចជា ផ្ទះហាង (A& B), វីឡាកូនកាត់ (A& B), វីឡាភ្លោះ, វីឡាគជ់, ឃ្វីនវីឡា និងឃីងវីឡា។ ចំណែកឯទស្សនៈគំនិតនៃស្ថាបត្យកម្មត្រូវបានបង្កើតឡើងដោយតាមបែបវប្បធម៍ជប៉ុន និងកម្ពុជា រីឯប្លង់វីឡាវិញត្រូវបានរចនាយ៉ាងផ្ចិតផ្ចង់ ដើម្បីផ្តល់ភាពងាយស្រួលសម្រាប់អ្នករស់នៅ។ គ្រប់ទស្សនៈគំនិតនៃគម្រោងទាំងអស់របស់ ក្រុមហ៊ុន Creed Group គឺផ្តោតទៅលើ គុណភាពជាចេយិ៍រភាព ព្រមទាំងផ្តល់ជូននៅជីវិតរស់នៅទាន់សម័យបែបធម្មជាតិ។
ក្រុមហ៊ុន Creed Group គឺជាក្រុមហ៊ុនអចលនទ្រព្យដែលមានបទពិសោធដ៏ចំណាស់ក្នុងវិស័យអចលនទ្រព្យក្នុងប្រទេសជប៉ុន ដោយបានបង្កើតឡើងចាប់តាំងពីឆ្នាំ២០១៦មកម្ល៉េះ។ មកដល់សព្វថ្ងៃនេះ ក្រុមហ៊ុន Creed Group បានធ្វើការបញ្ចប់គម្រោងជាងប្រមាណរាប់រយគម្រោងនៅទូទាំងពិភពលោក។
ក្រុមហ៊ុន Triple Gem Assets Co., Ltd. បានធ្វើការវិនិយោគរួមគ្នាជាមួយក្រុមហ៊ុន Creed នៅប្រទេសកម្ពុជាចាប់តាំងពីឆ្នាំ២០១៥មកម្ល៉េះ ហើយបានបង្កើតគម្រោងចំនួនបីក្នុងទីក្រុងភ្នំពេញ ដែលមានដូចជាគម្រោងខុនដូ បូដាយជូ, គម្រោងបុរីមហាសែនសុខ និងគម្រោងអារ៉ាតា ហ្កាដិន រ៉េស៊ីដិនស៏។ គម្រោងអារ៉ាតា ហ្កាដិន រ៉េស៊ីដិនស៏អាស័យដ្ឋាន៖ ភូមិបន្លាស្អិត សង្កាត់ឃ្មួញ ខណ្ឌសែនសុខ ភ្នំពេញ៕
ចែករំលែកព័តមាននេះ