ថ្មីៗនេះមន្ទីរពេទ្យ FV បានធ្វើការវះកាត់ជោគជ័យដល់អ្នកជំងឺកម្ពុជាម្នាក់ដែលគាត់មានដុំសាច់នៅក្នុងប្រអប់ទ្រូងរុំព័ទ្ធជុំវិញដោយសរសៃឈាមដ៏គ្រោះថ្នាក់មួយនិងកម្រជួបប្រទះ ។ ដុំសាច់នេះគឺជាដុំសាច់ធំដែលព័ទ្ធជុំវិញដោយសរសៃឈាម ដូច្នេះមិនអាចធ្វើការវះកាត់ដោយប្រើវិធីសាស្ត្រចោះបានទេ គឺមានតែវិធីសាស្ត្រវះបើកប្រអប់ទ្រូងតែប៉ុណ្ណោះ ទើបអាចធានាសុវត្ថិភាពដល់អ្នកជំងឺបាន ដើម្បីចៀសវាងការមានគ្រោះថ្នាក់ និងរាល់ហានិភ័យទាំងឡាយក្នុងពេលកំពុងធ្វើការវះកាត់ ។
បងស្រី T.S អាយុ៤៥ឆ្នាំ ភេទស្រី សញ្ជាតិកម្ពុជា បានឱ្យដឹងថា ចៃដន្យថ្ងៃមួយរូបគាត់បានទៅធ្វើការពិនិត្យសុខភាពទូទៅ ទើបបានដឹងថា ខ្លួនមានដុំសាច់មួយនេះនៅខាងក្នុងប្រអប់ទ្រូង ហើយក៏បានរៀបចំបែបបទចូលគេងក្នុងមន្ទីរពេទ្យធំមួយនៅភ្នំពេញ ដើម្បីទទួលការព្យាបាល។ តែដោយករណីបងស្រីជាករណីដ៏លំបាកមួយ ហើយត្រូវការនូវជំនាញបច្ចេកទេសខ្ពស់និងបទពិសោធន៍ច្រើនសំរាប់ការព្យាបាល ទើបបងស្រី T.S សំរេចមកមន្ទីរពេទ្យ FV នៅប្រទេសវៀតណាម ដើម្បីធ្វើការព្យាបាល ។
លោកវេជ្ជ. Luong Ngoc Trung គឺជាវេជ្ជបណ្ឌិតដែលពិនិត្យ និងធ្វើការវះកាត់ផ្ទាល់ឱ្យបងស្រី T.S បានឱ្យដឹងថា ៖ «បញ្ហារបស់បងស្រី T.S គឺជាករណីមួយដ៏ពិបាក និងគ្រោះថ្នាក់ ប្រសិនបើមានការធ្វេសប្រហែសនូវចំណុចណាមួយក្នុងកំឡុងពេលវះកាត់ ព្រោះដុំសាច់នេះរុំព័ទ្ធជុំវិញដោយសរសៃឈាមធំៗ និងងាយជួបប្រទះនូវហានិភ័យដូចជា ការដាច់សរសៃឈាមទាំងនេះជាដើម។ មួយវិញទៀតដោយសារបងស្រីមានក្រុមឈាមប្រភេទអូរ៉េស៊ុសដក O Rhesus negative (-), (នេះគឺជាក្រុមឈាមដ៏កម្រ, ដែលមានអត្រាចំនួន៥%ប៉ុណ្ណោះនៃចំនួនប្រជាជន) ប្រការនេះនឹងក្លាយទៅជាផលវិបាក និងគ្រោះថ្នាក់ ប្រសិនបើក្នុងពេលវះកាត់បងស្រីត្រូវហូរឈាមច្រើន ហើយគ្មានឈាមដើម្បីធ្វើការបញ្ចូលឈាមទាន់ពេលនោះទេ។
ក៏ប៉ុន្តែជាមួយនឹងបច្ចេកទេសជំនាញដែលបានបណ្តុះបណ្តាលយ៉ាងហ្មត់ចត់ ព្រមទាំងបទពិសោធន៍ដែលមានពីមុនមកលោកវេជ្ជ. Luong Ngoc Trung ក៏ធ្វើការវះកាត់នេះបានសម្រេចយ៉ាងរលូន ដោយចំណាយរយៈពេល២ម៉ោង។ ហើយដុំសាច់នេះក្រោយពីយកទៅវិភាគ គឺលទ្ធផលចេញមកជាដុំសាច់ប្រភេទស្លូត។
អំឡុងពេលវះកាត់អ្នកជំងឺមិនមានការហូរឈាមច្រើន មិនមានមេរោគឆ្លង ហើយនិងមិនមានហានិភ័យណាមួយកើតឡើងនោះឡើយ» ។
នៅពេលត្រឡប់មកមន្ទីរពេទ្យ FV ដើម្បីជួបពិគ្រោះជាមួយវេជ្ជបណ្ឌិតឡើងវិញ បន្ទាប់ពីវះកាត់រួចបាន ២ សប្តាហ៍មក បងស្រី T.S បានឱ្យដឹងថា «នេះគឺជាការវះកាត់ដ៏ពិបាក ហើយខ្លួនគាត់ផ្ទាល់ព្រមទាំងសាច់ញាតិមានការបារម្ភយ៉ាងខ្លាំង ប៉ុន្តែវេជ្ជបណ្ឌិតនៅមន្ទីរពេទ្យ FV ពូកែណាស់ គឺធ្វើការវះកាត់បានជោគជ័យដោយល្អឥតខ្ចោះតែម្តង។ មិនត្រឹមតែប៉ុណ្ណោះ មន្ទីរពេទ្យ FV នៅមានក្រុមវេជ្ជបណ្ឌិត និងក្រុមអ្នកបកប្រែភាសារខ្មែរយ៉ាងជំនាញ ចាំជួយសម្រួលដល់ពួកគាត់ឱ្យមានភាពងាយស្រួលក្នុងការទំនាក់ទំនងគ្នាពេលកំពុងគេងសម្រាកព្យាបាលនៅមន្ទីរពេទ្យទៀតផង។ គុណភាព និងសេវាកម្មល្អណាស់នៅមន្ទីរពេទ្យ FV បរិស្ថានមន្ទីរពេទ្យល្អស្អាត និងត្រជាក់ ធ្វើឱ្យគាត់មានអារម្មណ៍ថា ស្រួលខ្លួន និងមានផាសុខភាពនូវពេលដែលគាត់សម្រាកព្យាបាលនៅទីនោះ» ។
ចែករំលែកព័តមាននេះ