ជនសង្ស័យ១០នាក់ ក្នុងនោះម្នាក់បញ្ជូនទៅមណ្ឌលកែប្រែ
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀ.នខេត្ត សហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្លក្រាម
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត សហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្លក្រាម និងសង្កាត់សាលាកំរើក ចំណុះឱ្យអធិការដ្ឋាននគរបាលក្រុងសៀមរាប បានចុះបង្ក្រាបករណី ចាត់ចែងឱ្យប្រើប្រាស់ដោយខុសច្បាប់នូវសារធាតុញៀនក្នុងរយៈពេល២ថ្ងៃ ឃាត់ខ្លួនបានជនសង្ស័យចំនួន១០នាក់ រួចយកមកសួរនាំនៅការិយាល័យជំនាញ ដើម្បីរៀបចំកសាងសំណុំ បញ្ជូនទៅតុលាការខេត្តចាត់ការតាមផ្លូវច្បាប់។ ក្នុងប្រតិបត្តិការរយៈពេល២ថ្ងៃនេះគឺធ្វើឡើងនៅថ្ងៃទី៣០ និង៣១ ខែសីហា ឆ្នាំ២០១៧ ស្ថិតនៅភូមិចុងកៅស៊ូ ភូមិវត្តដំណាក់ និងភូមិតាវៀន ក្នុងក្រុង/ខេត្តសៀមរាប។
តាមប្រភពពីសមត្ថកិច្ចនគរបាលប្រឆាំងគ្រឿងញៀនខេត្តបានប្រាប់ថា ជនសង្ស័យ១០នាក់ ដែលសមត្ថកិច្ចយើងឃាត់ខ្លួនបាននោះមាន៖ ទី១/ឈ្មោះ ស៊ាត ស្រួច ភេទប្រុស អាយុ២២ឆ្នាំ មុខរបរជាងកាត់កញ្ចក់ រស់នៅភូមិគោកធ្លក ឃុំកណ្តែក ស្រុកប្រាសាទបាគង ខេត្តសៀមរាប (ចាត់ចែង មានសារធាតុញៀនក្នុងខ្លួន)។ ទី០២/ឈ្មោះ ហុង សុវណ្ណា ហៅសល់ ភេទប្រុស អាយុ១៨ឆ្នាំ មុខរបរជាងកាត់កញ្ចក់ មានទីលំនៅភូមិពង្រ ឃុំកន្ទ្រាំង ស្រុកប្រាសាទបាគង ខេត្តសៀមរាប(ចាត់ចែង មានសារធាតុញៀនក្នុងខ្លួន)។ ទី០៣/ឈ្មោះ អ៊ុក ភក្តី ភេទប្រុស អាយុ៣០ឆ្នាំ មុខរបរជាងកាត់កញ្ចក់ ទីលំនៅភូមិចំបក់ប្រាំង ឃុំពាមរ ស្រុកពាមរ ខេត្តព្រៃវែង សព្វថ្ងៃស្នាក់នៅ ភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប (ចាត់ចែងមានសារធាតុញៀនក្នុងខ្លួន)។ ទី០៤/ឈ្មោះ ពេជ្រ រាជ ភេទប្រុស អាយុ២១ឆ្នាំ មុខរបរ ជាងកាត់កញ្ចក់ ទីលំនៅភូមិគោកធ្លក ឃុំកណ្តែក ស្រុកប្រាសាទបាគង ខេត្តសៀមរាប(ប្រើប្រាស់ មានសារធាតុញៀនក្នុងខ្លួន)។ ទី០៥/ឈ្មោះ ស្លាត ធីនី ហៅលិ ភេទប្រុស អាយុ១៦ឆ្នាំ មុខរបរជាងកាត់កញ្ចក់ ទីលំនៅភូមិពង្រ ឃុំកន្ទ្រាំង ស្រុកប្រាសាទបាគង ខេត្តសៀមរាប (ចាត់ចែង មានសារធាតុញៀនក្នុងខ្លួន)។
ទី០៦/ឈ្មោះ មាន សាមុត ភេទប្រុស អាយុ២៣ឆ្នាំ មុខរបរជាងកាត់កញ្ចក់ ទីលំនៅភូមិស្រិត ឃុំកន្ទ្រាំង ស្រុកប្រាសាទបាគង ខេត្តសៀមរាប (ចាត់ចែង មានសារធាតុញៀនក្នុងខ្លួន)។ ទី០៧/ឈ្មោះ ល លិត ភេទប្រុស អាយុ១៥ឆ្នាំ មុខរបរគ្មាន ទីលំនៅភូមិពង្រ ឃុំកន្ទ្រាំង ស្រុកប្រាសាទបាគង ខេត្តសៀមរាប(ចាត់ចែង មានសារធាតុញៀនក្នុងខ្លួន)។ ទី០៨/ឈ្មោះ ញិល ឆាន់ណា ភេទប្រុស អាយុ១៨ឆ្នាំ មុខរបរជាងកាត់កញ្ចក់ ទីលំនៅភូមិពង្រ ឃុំកន្ទ្រាំង ស្រុកប្រាសាទបាគង ខេត្តសៀមរាប (ចាត់ចែង មានសារធាតុញៀនក្នុងខ្លួន)។ ទី០៩/ឈ្មោះ ទេព សិលា ភេទប្រុស អាយុ២៣ឆ្នាំ មុខរបរគ្មាន ទីលំនៅភូមិវត្តដំណាក់ សង្កាត់សាលាកំរើក ក្រុង/ខេត្តសៀមរាប(ប្រើប្រាស់ មានសារធាតុញៀនក្នុងខ្លួន)។
និងទី១០/ឈ្មោះ ប៉ូ វីរៈពង្ស ហៅលាភ ភេទប្រុស អាយុ២០ឆ្នាំ មុខរបរជាងឈើ មានទីលំនៅភូមិតាវៀន សង្កាត់សាលាកំរើក ក្រុង/ខេត្តសៀមរាប(ចាត់ចែង មានសារធាតុញៀនក្នុងខ្លួន)។ បន្ទាប់ពីសមត្ថកិច្ចជំនាញឃាត់ខ្លួនបានក្នុងនោះ ដកហូតបានវត្ថុតាងរួមមាន៖ ទូរស័ព្ទដៃចំនួន០២គ្រឿង។ បច្ចុប្បន្នជនសង្ស័យទាំង១០នាក់ ក្នុងនោះបញ្ចូនទៅសាលាដំបូងខេត្តចំនួន៩នាក់ និងបញ្ជូនទៅមណ្ឌលកែប្រែចំនួន១នាក់ នៅថ្ងៃទី៣១ ខែសីហា ឆ្នាំ២០១៧ ដើម្បីចាត់ការតាមនីតិវិធី៕
ចែករំលែកព័តមាននេះ