មន្ត្រីយោធាចាប់ប្រពន្ធនិងប្រុសសហាយឱ្យប៉ូលិស
រាជធានីភ្នំពេញ ៖ ស្ត្រីម្នាក់មានប្ដីជាមន្ត្រីយោធា និងមានកូនប្រុសម្នាក់រួចទៅហើយ មិនដឹងថាធ្លាក់ក្នុងអន្លង់ស្នេហ៍បែបណា បែរជាមានស្នេហាលួចលាក់ជាមួយនឹងបុរស
រាជធានីភ្នំពេញ ៖ ស្ត្រីម្នាក់មានប្ដីជាមន្ត្រីយោធា និងមានកូនប្រុសម្នាក់រួចទៅហើយ មិនដឹងថាធ្លាក់ក្នុងអន្លង់ស្នេហ៍បែបណា បែរជាមានស្នេហាលួចលាក់ជាមួយនឹងបុរស
រាជធានីភ្នំពេញ ៖ ស្ត្រីម្នាក់មានប្ដីជាមន្ត្រីយោធា និងមានកូនប្រុសម្នាក់រួចទៅហើយ មិនដឹងថាធ្លាក់ក្នុងអន្លង់ស្នេហ៍បែបណា បែរជាមានស្នេហាលួចលាក់ជាមួយនឹងបុរសម្នាក់ដែលជាកម្មកររោងចក្រ ហើយបុរសរូបនេះក៏មានប្រពន្ធ និងកូនប្រុសម្នាក់និងស្រីម្នាក់រួចទៅហើយដែរ ។
ការទំនាក់ទំនងស្នេហ៍ខុសតម្រានេះមានរយៈពេលជាង១ឆ្នាំកន្លងមកហើយ ។ ពួកគេទាំងពីរនាក់ បានផិតក្បត់ប្ដី និងប្រពន្ធរៀងៗខ្លួន ដោយបានដឹកដៃគ្នាចូលផ្ទះសំណាក់ទ្វារនាគ រួមរ័កមេត្រីជាមួយគ្នាយ៉ាងត្រេកត្រអាលជាបន្តបន្ទាប់ ហើយលើកចុងក្រោយនេះ អ្នកទាំង ពីរបានដេកជាមួយគ្នានៅក្នុងបន្ទប់ផ្ទះជួលខាងស្រីតែម្ដង ទើបត្រូវបានបុរសជាប្ដី ដែលជាមន្ត្រីយោធានៅកងពលតូចលេខ៧០ទៅទាន់ ក៏បានចាក់សោទ្វារបន្ទប់ពីខាងក្រៅ ចាប់ខ្លួនប្រគល់ឲ្យនគរបាលប៉ុស្ដិ៍ចោមចៅចាត់ការតាមច្បាប់ ។
ហេតុការណ៍នោះបានបង្កឲ្យមានកាភ្ញាក់ផ្អើល កាលវេលាម៉ោង៩និង១០នាទីយប់ថ្ងៃទី២១ កុម្ភៈ នៅចំណុចបន្ទប់ផ្ទះជួលរបស់ស្ត្រីរូបនោះ ស្ថិតនៅក្នុងភូមិព្រៃល្វា សង្កាត់ចោមចៅ ខណ្ឌពោធិ៍សែនជ័យ ។ ស្ត្រីដែលផិតក្បត់ប្តីទៅលួចមានប្រុសសហាយនេះ ឈ្មោះ ម៉េត ចាន់ណា អាយុ២៥ឆ្នាំ ជាកម្មការិនីរោងចក្រកាត់ដេរ ស្នាក់នៅបន្ទប់ផ្ទះជួល ក្នុងភូមិកើតហេតុខាងលើ ។ រីឯប្ដីមានឈ្មោះ វី សាលាង អាយុ៣២ឆ្នាំ ជាមន្ត្រីយោធានៅកងពលតូចលេខ៧០ ហើយអ្នកទាំងពីរបានរៀបការជាមួយគ្នាច្រើនឆ្នាំមកហើយថែមទាំងមានកូនប្រុសម្នាក់អាយុ៧ឆ្នាំ ។ ដោយឡែកបុរសជាប្រុសសហាយឈ្មោះ កែវ ហៃ អាយុ២៩ឆ្នាំ ជាកម្មករ រោងចក្រកាត់ដេរស្នាក់នៅក្នុងភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ និងមានស្រុកកំណើតនៅស្រុកកំពង់ត្របែក ខេត្តព្រៃវែង ។
បុរសនេះមានប្រពន្ធឈ្មោះ ភឿង ផារឹម អាយុ២៩ឆ្នាំ ហើយក៏មាន កូនស្រីម្នាក់និងប្រុសម្នាក់នៅក្នុងបន្ទុកគ្រួសារ ។ ប្រពន្ធរបស់គេក៏ជាកម្មការិនីរោងចក្រដែរ មានស្រុកកំណើត នៅឃុំសំបូរ ស្រុកសំបូរ ខេត្តក្រចេះ ។
មន្ត្រីយោធាជាប្តីបាននិយាយថា ប្រពន្ធរបស់គាត់ លួចមានទំនាក់ទំនងស្នេហាជាមួយឈ្មោះ កែវ ហៃ អស់រយៈពេលជាង១ឆ្នាំមកហើយ មិនតែប៉ុណ្ណោះនៅពេលដែលគាត់មិននៅផ្ទះ នាងតែងតែហៅប្រុសសហាយនេះ ចូលទៅដេករួមរ័កគ្នាយ៉ាងត្រេកត្រអាល នៅក្នុងបន្ទប់ជួលរបស់ខ្លួន ប៉ុន្តែដោយសារតែស្រឡាញ់អាណិតប្រពន្ធខ្លាំងពេក គាត់បានធ្វើជាមិនដឹងមិនឮ មិនចាប់កំហុសនាងនោះទេ ។ ម្យ៉ាងទៀតដោយសារតែពួកគេទាំង២នាក់បានកុហកថា គ្រាន់តែរាប់អានគ្នាទៅវិញទៅមកប៉ុណ្ណោះ ។ ទោះជាបែបណាក្តីគាត់ក៏ធ្លាប់បានព្រមានទៅកាន់បុរសជាប្រុសសហាយនិងប្រពន្ធម្តងរួចហើយ ដោយប្រាប់ថា អ្នកទាំងអស់គ្នាគឺសុទ្ធតែជាអ្នកមានប្តី មានប្រពន្ធនិងកូន រៀងៗខ្លួនទៅហើយ យកល្អគួរតែឈប់ធ្វើរឿងផ្ដេសផ្ដាស់ទៅ និងកុំទាក់ទងគ្នាទៀតអី ។ ប៉ុន្តែពួកគេមិនស្ដាប់ឡើយ នៅតែបន្តលួចទាក់ទងគ្នាដដែល ដោយសារងុបនឹងល្បែងស្នេហ៍ប្លែកមាត់ដកចិត្តមិនរួចទៅហើយ ។ មន្ត្រីយោធាដដែលបានបន្តថា គាត់ជាប់រវល់ការងារខ្លាំងណាស់ មិនសូវបាននៅផ្ទះនោះទេ ដូច្នេះហើយទើបប្រពន្ធនិងប្រុសសហាយមានឱកាស បាននៅជាមួយគ្នា ។
ប្តីនិយាយទៀតថា នៅវេលាយប់ថ្ងៃកើតហេតុ ប្រពន្ធរបស់គាត់បានហៅប្រុសសហាយ ទៅដេករួមរ័កគ្នានៅក្នុងបន្ទប់ផ្ទះជួល ដែលគាត់និងប្រពន្ធជួលស្នាក់នៅនោះ ។ ខណៈនោះគាត់ក៏បានទៅទាន់ ហើយបានយកសោចាក់ទ្វារពីខាងក្រៅ មិនឲ្យពួកគេចាកចេញពីក្នុងបន្ទប់បាន រួចបាននាំខ្លួនទៅប្រគល់ឲ្យនគរបាលប៉ុស្ដិ៍ចោមចៅចាត់ការតាមច្បាប់ ។
នៅប៉ុស្ដិ៍ចោមចៅ ចំពោះស្ត្រីជាប់ចោទផិតប្ដីបានបដិសេធថា ពួកគេទាំងពីរនាក់នោះ មិនមែនជាសហាយស្មន់នឹងគ្នានោះទេ គឺគ្រាន់តែរាប់អានគ្នាប៉ុណ្ណោះ ហើយបានហៅបុរសនោះទៅហូបបាយជុំគ្នាធម្មតាទេ បែរជាប្ដីរបស់នាងចោទប្រកាន់ថា ជាសហាយស្មន់នឹងគ្នាបែបនេះទៅវិញ ។
ចំណែកបុរសជាប់ចោទជាសហាយស្មន់នោះបានសារភាពថា ខ្លួនបានមានទំនាក់ទំនងជាមួយនាងមានរយៈពេលជាងមួយឆ្នាំមកហើយ ដោយបានរួមរ័កគ្នាចំនួន៣ដង គឺនៅផ្ទះសំណាក់ម្ដង និងនៅក្នុងបន្ទប់ជួលរបស់នាងចំនួន២ដង ។ នគរបាលបានឲ្យដឹងថា ក្រោយពេលសួរនាំមួយជំហានរួចមក នគរបាលចោមចៅ បានបញ្ជូនអ្នកទាំងពីរនាក់នោះទៅកាន់ ផ្នែកព្រហ្មទណ្ឌនគរបាលខណ្ឌពោធិ៍សែនជ័យ ដើម្បីចាត់ការបន្ត ហើយរហូតដល់វេលារសៀលថ្ងៃទី២២ ខែកុម្ភៈ នៅមិនទាន់ដឹងថា តើត្រូវចាត់ការបែបណានៅឡើយទេ ប៉ុន្តែអ្នកទាំងពីរកំពុងត្រូវបានឃុំខ្លួននៅក្នុងផ្នែកព្រហ្មទណ្ឌដដែល ។
មតិមហាជនដែលបានដឹងឮរឿងនេះបានស្ងើចសរសសើរទឹកចិត្តមន្ត្រីយោធាជាប្តីស្ត្រីជាប់ចោទដែលចិត្តត្រជាក់ ព្រោះថាទាន់ប្រពន្ធនៅជាមួយប្រុសសហាយបែបនេះក្តី ក៏រំលត់ភ្លើងទោសៈបាន ដែលចាត់ទុកជាសំណាងធំ ដែលប្រុសសហាយលួចបេះដូងប្រពន្ធទាហានហើយ បានរួចផុតពីហិង្សា ដែលមិនអាចស្មានដល់បាន៕
ចែករំលែកព័តមាននេះ