រយៈពេល១ខែចាប់ខ្លួនមនុស្ស១១នាក់ ពាក់ព័ន្ធគ្រឿងញៀ.ន
ខេត្តស្ទឹងត្រែង ៖ មនុស្សប្រុសស្រី១១នាក់ត្រូវបានបង្ក្រាបដោយកម្លាំងនគរបាលប្រឆាំងគ្រឿងញៀ.ននិងកសាងសំណុំរឿងតាមនីតិវិធីបញ្ជូនទៅអយ្យការអមសាលាដំបូង
ខេត្តស្ទឹងត្រែង ៖ មនុស្សប្រុសស្រី១១នាក់ត្រូវបានបង្ក្រាបដោយកម្លាំងនគរបាលប្រឆាំងគ្រឿងញៀននិងកសាងសំណុំរឿងតាមនីតិវិធីបញ្ជូនទៅអយ្យការអមសាលាដំបូង ហើយត្រូវបន្តបញ្ជូនទៅពន្ធនាគារជាបន្តបន្ទាប់ក្រោយការចាប់ខ្លួនពាក់ព័ន្ធករណីចែកចាយ និងប្រើប្រាស់នូវសារធាតុ ញៀនដោយខុសច្បាប់នៅខេត្តស្ទឹងត្រែង។ យោងតាមរបាយការណ៍របស់ការិយាល័យប្រឆាំងប្រឆាំងគ្រឿងញៀន ស្នងការដ្ឋាននគរបាលខេត្តបានឲ្យដឹងថា ជនសង្ស័យសរុបចំនួន៨នាក់ រួមមានស្រី២នាក់ និងជនជាតិឡាវម្នាក់ផងនោះត្រូវបានចាប់ខ្លួនលើសុំណុំរឿង៣ករណីផ្សេងគ្នាជាបន្តបន្ទាប់ក្នុងចន្លោះរយៈពេលមួយខែគិតត្រឹមថ្ងៃទី១៥ ខែធ្នូ ឆ្នាំ២០១៦ ដល់ថ្ងៃទី១៥ ខែមករា ឆ្នាំ២០១៧។
ការអនុវត្តន៍ច្បាប់ខាងមន្ត្រីជំនាញបានដកហូតវត្ថុតាងថ្នាំញៀនប្រភេទមេតំហ្វេតាមីនម្សៅក្រាមពណ៌សថ្លា(ice)ចំនួន០,២ក្រាម និងប្រភេទមេតំហ្វេតាមីនគ្រាប់(wy)ចំនួន១០២០គ្រាប់ ទូរស័ព្ទដៃចំនួ៨គ្រឿង លោហៈធាតុជាខ្សែកមួយខ្សែ និងលោហៈធាតុជាចិញ្ចៀនចំនួន៣វង់។ ដោយឡែកនៅព្រឹកថ្ងៃទី៣១ មករា ២០១៧មន្ត្រីអនុវត្តន៍ច្បាប់នៃការិយាល័យប្រឆាំងគ្រឿងញៀនស្នងការដ្ឋាននគរបានខេត្តបន្តបង្ក្រាបដោយឃាត់ខ្លួនជនសង្ស័យ២នាក់ប្តីប្រពន្ធ ដកហូតវត្ថុតាងថ្នាំញៀនប្រភេទមេតំហ្វេតាមីនម្សៅក្រាមពណ៌សថ្លាចំនួន៤កញ្ចប់ធំ និង២កញ្ចប់តូចទម្ងន់៣,៦ក្រាម ព្រមទាំងឧបករណ៍ប្រើប្រាស់ថ្នាំញៀនមួយចំនួនទៀត។
ជនសង្ស័យជាប្តីត្រូវមន្ត្រីជំនាញប្រាប់ឲ្យដឹងថា ទើបចេញពីពន្ធនាគារបាន២ខែ ដោយជាប់ចោទចែកចាយថ្នាំញៀន។ ក្រោយចេញពីពន្ធនាគារ២ខែមកនេះផ្តើមបន្តចែកចាយថ្នាំញៀនដដែល ដោយឃាត់ជាប់រួមទាំងប្រពន្ធទៀត។ ជនសង្ស័យទាំង២នាក់ម្នាក់ឈ្មោះ ផាន់ ពិសិទ្ធ ភេទប្រុស អាយុ៣០ឆ្នាំ និងស្ត្រីជាប្រពន្ធឈ្មោះ តន ធីតា អាយុ២៨ឆ្នាំ អ្នកទាំង២រស់នៅភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង។ បច្ចុប្បន្នជនសង្ស័យខាងមន្ត្រីអនុវត្តន៍ច្បាប់ នៃការិយាល័យប្រឆាំងគ្រឿងញៀនស្នងការដ្ឋាននគរបាលខេត្តកសាងសំណុំរឿងបញ្ជូនទៅអយ្យការអមសាលាដំបូងបន្តនីតិវិធីច្បាប់នារសៀលថ្ងៃទី៣១ មករា ២០១៧នេះ៕
ចែករំលែកព័តមាននេះ