ខេត្តបាត់ដំបង៖ ឆ្កែ២ក្បាល ត្រូវជនមិនស្គាល់មុខដាក់ថ្នាំបំពុល រួចចូលលួចយកបានម៉ូតូមួយគ្រឿងទៅបាត់ ដោយសុវត្ថិភាព កាលពីវេលាម៉ោង១១យប់ថ្ងៃទី១៦ មករា ខណ:ម្ចាស់ទុកនៅខាងក្រោមផ្ទះ ដែលស្ថិតនៅភូមិប្រឡាយ១៨ ឃុំស្ដុកប្រវឹក ស្រុករុក្ខគិរី ។
ខេត្តបាត់ដំបង៖ ឆ្កែ២ក្បាល ត្រូវជនមិនស្គាល់មុខដាក់ថ្នាំបំពុល រួចចូលលួចយកបានម៉ូតូមួយគ្រឿងទៅបាត់ ដោយសុវត្ថិភាព កាលពីវេលាម៉ោង១១យប់ថ្ងៃទី១៦ មករា ខណ:ម្ចាស់ទុកនៅខាងក្រោមផ្ទះ ដែលស្ថិតនៅភូមិប្រឡាយ១៨ ឃុំស្ដុកប្រវឹក ស្រុករុក្ខគិរី ។
មន្ត្រីកងរាជអាវុធហត្ថបានឱ្យដឹងថា ម៉ូតូដែលត្រូចោរលួចនោះ ម៉ាកវ៉េវអាល់ហ្វា ពណ៌ក្រហម ស៊េរីឆ្នាំ២០១៤ តែគ្នានស្លាកលេខទេ ដែលម្ចាស់ឈ្មោះហ៊ុត មិត្ត ស្រីអាយុ៦២ឆ្នាំ ។ មន្ត្រីដដែលបន្តថា ម៉ូតូនោះ ត្រូវម្ចាស់ទុកនៅក្រោមផ្ទះ ។ រីឯម្ចាស់នាំគ្នាដេកខាងលើ លុះព្រឹកឡើងទើបដឹងថា បាត់ម៉ូតូខណ:ជនសង្ស័យបានដាក់ថ្នាំបំពុលឆ្កែងាប់២ក្បាល មុនពេលចូលលួចម៉ូតូ ។
បើតាមម្ចាស់ម៉ូតូឈ្មោះហ៊ុត មិត្ត បាននិយាយប្រាប់សមត្ថកិច្ចថា ជារៀងរាល់ថ្ងៃម៉ូតូនោះ គាត់ចាក់សោ.កទុកនៅខាងក្រោមផ្ទះ ហើយនាំគ្នាដេកនៅខាងលើ ហើយមានឆ្កែ២ក្បាលដេកក្បែរម៉ូតូ នៅក្រោមផ្ទះដែរ។ គាត់និយាយថា នៅម៉ោងប្រហែលជាង៩យប់ឮឆ្កែព្រូសដែរ តែគាត់មិនដឹងវាព្រូសធ្វើអី ហើយគាត់ក៏មិនចាប់អារម្មណ៍ដែរ ។ លុះព្រឹកឡើង ពេលគាត់ភ្ញាក់ពីដំណេកចុះមកដី ស្រាប់តែឃើញឆ្កែងាប់អស់ រីឯម៉ូតូក៏បាត់ពីក្រោមផ្ទះ ទើបដឹងថា ចោរលួច ហើយក៏រាយការណ៍ប្រាប់សមត្ថកិច្ចតែម្ដងទៅ។
មន្ត្រីកងរាជអាវុធហត្ថឱ្យដឹងដែរថា សត្វឆ្កែទាំង២ក្បាលនោះ គឺងាប់ដោយសារស៊ីចំណីដែលមានថ្នាំពុល ។ មន្ត្រីដដែលបញ្ជាក់ថា ទំនងជនមិនស្គាល់នោះ បានតាមឃ្លាំមើល និងមានគម្រោងលួចយកម៉ូតូនោះច្រើនថ្ងៃហើយ លុះមានឱកាសទើបដាក់ថ្នាំបំពុលឆ្កែ ដើម្បីចូលលួចម៉ូតូរហូតបានសម្រេចតែម្ដង។
ពេលនេះ សមត្ថកិច្ចកំពុងពិនិត្យកន្លែងកើតហេតុ និងប្រមូលភស្ដុតាងនានាដែលពាក់ព័ន្ធធ្វើកំណត់ហេតុ ដើម្បីកំណត់មុខសញ្ញាជនសង្ស័យ ។
ចែករំលែកព័តមាននេះ