ឃាត់ខ្លួនអ្នកជួញដូរ និងប្រើប្រាស់គ្រឿងញៀ.ន៧នាក់បញ្ជូនទៅតុលាការ
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀ.នសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក និងកម្លាំងប្រជាការពារភូមិ បានចុះបង្ក្រាបករណី …
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀ.នសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក និងកម្លាំងប្រជាការពារភូមិ បានចុះបង្ក្រាបករណី …
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក និងកម្លាំងប្រជាការពារភូមិ បានចុះបង្ក្រាបករណីរក្សាទុក ជួញដូរ និងប្រើប្រាស់ ដោយខុសច្បាប់នូវសារធាតុញៀន រហូតឈានដល់ធ្វើការឃាត់ខ្លួនបាន៧នាក់នៅកន្លែងផ្សេងគ្នា រួចនាំយកមកសួរនាំនៅការិយាល័យជំនាញដើម្បីចាត់ការបន្តបញ្ជូនទៅតុលាការខេត្ត៣នាក់ និង៤នាក់ទៀតបញ្ជូនទៅមណ្ឌលកែប្រែ ។
ប្រតិបត្តិការបង្ក្រាបករណីជូញដូរ និងប្រើប្រាស់គ្រឿងញៀននេះធ្វើឡើងកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី៧ ខែមករា ឆ្នាំ២០១៧ នៅក្នុងកន្លែងអ៊ិនធឺរណែត យីហោ ៧៧៧៧ ស្ថិតក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប ។
ប្រភពពីសមត្ថកិច្ចនគរបាលប្រឆាំងគ្រឿងញៀនខេត្តបានប្រាប់ថា ខណៈពេលឃាត់ខ្លួន សមត្ថកិច្ចធ្វើការដកហូតវត្ថុតាងបាន រួមមាន ម្សៅមេតំហ្វេតាមីន(ម៉ាទឹកកក)១កញ្ចប់តូច, ឧបករណ៍ប្រើប្រាស់ និងសម្ភារវេចខ្ចប់ថ្នាំញៀនមួយចំនួន, ទូរស័ព្ទដៃ១គ្រឿង, ម៉ូតូ១គ្រឿង ម៉ាកហុងដា ស៊េរីឆ្នាំ២០០៥ ពណ៌ខ្មៅ ពាក់ស្លាកលេខ 1M-4331 លេខតួម៉ាស៊ីន ND125ME8063416 ។
ក្រោយពេលឃាត់ខ្លួន ជនសង្ស័យទាំង៧នាក់ និងវត្ថុតាង ត្រូវបានកម្លាំងជំនាញ រៀបចំសំណុំរឿងបញ្ចូនទៅសាលាដំបូងខេត្តសៀមរាប៣នាក់ ចំណែក៤នាក់ទៀតបញ្ជូនទៅមណ្ឌលកែប្រែ ៕
ចែករំលែកព័តមាននេះ