ក្រុមជួញដូរនិងប្រើប្រាស់គ្រឿងញៀ.ន សមត្ថកិច្ចចាប់មិនចេះអស់
ខេត្តសៀមរាប ៖ កម្លាំងនគរបាលប្រឆាំងគ្រឿងញៀ.នខេត្តបានចូលរួមសហការជាមួយកម្លាំងអធិការដ្ឋាននគរបាលស្រុកសូទ្រនិគម និងកម្លាំងនគរបាលមូលដ្ឋាន …
ខេត្តសៀមរាប ៖ កម្លាំងនគរបាលប្រឆាំងគ្រឿងញៀ.នខេត្តបានចូលរួមសហការជាមួយកម្លាំងអធិការដ្ឋាននគរបាលស្រុកសូទ្រនិគម និងកម្លាំងនគរបាលមូលដ្ឋាន …
ខេត្តសៀមរាប ៖ កម្លាំងនគរបាលប្រឆាំងគ្រឿងញៀនខេត្តបានចូលរួមសហការជាមួយកម្លាំងអធិការដ្ឋាននគរបាលស្រុកសូទ្រនិគម និងកម្លាំងនគរបាលមូលដ្ឋាន ចំណុះឱ្យក្រុងសៀមរាប ចុះបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន រយៈពេល២ថ្ងៃនៅកន្លែងផ្សេងគ្នា ក្នុងខេត្តសៀមរាប រហូតឈាន ដល់ធ្វើការឃាត់ខ្លួនបានជនសង្ស័យប្រុសស្រីចំនួន៩នាក់ រួចនាំយកមកការិយាល័យជំនាញ ដើម្បីធ្វើការសួរនាំ និង រៀបចំសំណុំរឿងបន្តទៅតុលាការខេត្ត ដើម្បីចាត់ការតាមផ្លូវច្បាប់។
ហេតុការណ៍ឃាត់ខ្លួនជនសង្ស័យទាំង៩នាក់នេះធ្វើឡើងរយៈពេល២ថ្ងៃ គឺថ្ងៃទី០១ និងទី០២ ខែធ្នូ ឆ្នាំ២០១៦ ស្ថិតនៅចំណុចក្នុងស្រុកសូទ្រនិគម និងក្នុងក្រុងសៀមរាប ខេត្តសៀមរាប ។
លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀនខេត្ត បានឲ្យដឹងថា ជនសង្ស័យប្រុស-ស្រី៩នាក់ដែលឃាត់ខ្លួនបានមាន ១-ឈ្មោះ វិន វន់ ហៅបញ្ញា ភេទប្រុស អាយុ៣៣ឆ្នាំ មុខរបរគ្មាន មានទីលំនៅភូមិគោកប្ញស្សីខាងជើង ឃុំដានរុន ស្រុកសូទ្រនិគម (ជួញដូរ), ២-ឈ្មោះ ធត យុទ្ធី ភេទប្រុស អាយុ៣១ឆ្នាំមុខរបរធ្វើស្រែ រស់នៅភូមិថ្មី ឃុំកៀនសង្កែ ស្រុកសូទ្រនិគម (ចាត់ចែង និងមានសារធាតុញៀនក្នុងខ្លួន), ៣-ឈ្មោះ ឌុក សុខា ភេទប្រុស អាយុ៣៤ឆ្នាំ មុខរបរធ្វើស្រែ ទីលំនៅភូមិរុនខាងជើង ឃុំដានរុន ស្រុកសូទ្រនិគម (ចាត់ចែង និងមានសារធាតុញៀនក្នុងខ្លួន), ៤-ឈ្មោះ ង្វៀង ធីហាន់ ហៅ អាម៉ី ភេទស្រី អាយុ២៥ឆ្នាំ ជនជាតិវៀតណាម មុខរបរម៉ាស្សា ស្នាក់នៅបន្ទប់ជួលក្នុងភូមិកសិកម្ម សង្កាត់ស្រង៉ែ ក្រុងសៀមរាប(ជួញដូរ), ៥-ឈ្មោះ ង្វៀង ធីឡាង ហៅយាយបៃ ភេទស្រី អាយុ៤៥ឆ្នាំ ជនជាតិវៀតណាម មុខរបររើសអេតចាយ ស្នាក់នៅបន្ទប់ជួល ភូមិត្រពាំងសេះ សង្កាត់គោកចក ក្រុងសៀមរាប(ចាត់ចែង), ៦-ឈ្មោះ នួន ម៉ូនីតា ភេទស្រី អាយុ២៤ឆ្នាំ មុខរបរម៉ាស្សា ស្នាក់នៅផ្ទះជួលភូមិកសិកម្ម សង្កាត់ស្រង៉ែ ក្រុងសៀមរាប(ប្រើប្រាស់ និងមានសារធាតុញៀនក្នុងខ្លួន), ៧-ឈ្មោះ យន់ វិឡា ហៅ អ៊ុក ភេទប្រុស អាយុ២៨ឆ្នាំ មុខរបរយោធា រស់នៅភូមិកសិកម្ម សង្កាត់ស្រង៉ែ ក្រុងសៀមរាប (ជួញដូរ និងមានសារធាតុញៀនក្នុងខ្លួន), ៨-ឈ្មោះ យន់ សីលី ហៅ លន ភេទប្រុស អាយុ២២ឆ្នាំ មុខរបរគ្មាន ស្នាក់នៅភូមិកសិកម្ម សង្កាត់ស្រង៉ែ ក្រុងសៀមរាប (ជួញដូរ និងមានសារធាតុញៀនក្នុងខ្លួន) និង ៩-ឈ្មោះ រស់ ចន្ថា ភេទប្រុស អាយុ២៨ឆ្នាំ មុខរបរកម្មករសំណង់ ស្នាក់នៅភូមិបន្ទាយចាស់ សង្កាត់ស្លក្រាម ក្រុងសៀមរាប (ចាត់ចែង និងមានសារធាតុញៀនក្នុងខ្លួន) ។
ក្រោយពីធ្វើការឃាត់ខ្លួន កម្លាំងជំនាញបានធ្វើការដកហូតបានវត្ថុតាងរួមមាន ម្ស៉ៅគ្រឿងប្រភេទម៉ាទឹកកកចំនួន ៣កញ្ចប់ ស្មើនឹងទម្ងន់១១,២ក្រាម, ទូរស័ព្ទដៃ៧គ្រឿង និងសម្ភារៈវេចខ្ចប់ និងឧបករណ៍ប្រើប្រាស់ថ្នាំញៀនមួយចំនួនធំ ។
បច្ចុប្បន្នជនសង្ស័យប្រុស-ស្រីទាំង៩នាក់ និងវត្ថុតាង ត្រូវបានកម្លាំងនគរបាលការិយាល័យប្រឆាំងគ្រឿងញៀនខេត្តរៀបចំសំណុំរឿងបញ្ចូនទៅសាលាដំបូងខេត្ត ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ