ខេត្តកណ្តាល៖ យុវជនដែលជាជាងពិដានម្នាក់បានធ្លាក់ពីពើអន្ទារស្លាប់ពេលបញ្ជូនដល់មន្ទីរពេទ្យ ខណៈដែលកំពុងធ្វើពិដានស្រាប់តែងងឹតមុខធ្លាក់ពីលើអន្ទារមកដី កាលពីវេលាម៉ោង០៣និង២០នាទីរសៀល ថ្ងៃទី០១ ខែមេសា នៅចំណុចផ្ទះរបស់ឈ្មោះពិន លាង ស្ថិតក្នុងភូមិសន្លុង ឃុំសន្លុង ស្រុកខ្សាច់កណ្តាល ។
ជនរងគ្រោះឈ្មោះរ៉េត អូន ភេទប្រុស អាយុ២៤ឆ្នាំ មុខរបរជាងពិដាន មានទីលំនៅភូមិបុស្ស ឃុំដំរីផុង ស្រុកឆ្លូង ខេត្តក្រចេះ ។
សមត្ថកិច្ចមូលដ្ឋានបានឱ្យដឹងថានៅវេលាម៉ោងខាងលើជនរងគ្រោះបានឈរនៅលើអន្ទារជាមួយឈ្មោះស៊យ តាក់ ដែលមានកំពស់៣,១០ម៉ែត្រ ស្រាប់តែជនរងគ្រោះបានងងឹតមុខ ក៏ធ្លាក់ពីលើអន្ទារធ្លាក់មកលើថ្ម ភ្លាមនោះឈ្មោះស៊យ តាក់ ឈ្មោះសួន សុជាតិ រួមទាំងម្ចាស់ផ្ទះបានយកជនរងគ្រោះទៅមន្ទីរពេទ្យតែពេលមកដល់ជនរងគ្រោះបានដាច់ខ្យល់ស្លាប់បាត់ទៅហើយ ។
ចំណែកសពរងគ្រោះត្រូវបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ