រាជធានីភ្នំពេញ ៖ តារាសម្តែងនាង សាឡាត់ ស្រីឡាង បានចេញមុខទម្លាយឥតលាក់លៀមពាក់ព័ន្ធបញ្ហាផ្ទាល់ខ្លួន ពីការផុងខ្លួនក្នុងបំណុល ដែលនាងកំពុងព្យាយាមដោះស្រាយបន្ទាប់ពីតារាស្រីរូបនេះស្ងប់ស្ងាត់សិល្បៈមួយរយៈ ។ តារាស្រីរូបនេះបានបញ្ជាក់ពីដើមហេតុ…
រាជធានីភ្នំពេញ ៖ តារាសម្តែងនាង សាឡាត់ ស្រីឡាង បានចេញមុខទម្លាយឥតលាក់លៀមពាក់ព័ន្ធបញ្ហាផ្ទាល់ខ្លួន ពីការផុងខ្លួនក្នុងបំណុល ដែលនាងកំពុងព្យាយាមដោះស្រាយបន្ទាប់ពីតារាស្រីរូបនេះស្ងប់ស្ងាត់សិល្បៈមួយរយៈ ។
តារាស្រីរូបនេះបានបញ្ជាក់ពីដើមហេតុ ដែលនាំអោយនាងជាប់ផុងនឹងបំណុល គឺបណ្តាលមកការរកស៊ីខាត និងបញ្ហាមួយចំនួនផ្សេងទៀត ។ តាមរយៈសំណេរបង្ហោះតាមបណ្តាញសង្គមតារារូបនេះបានលើកឡើងថា ខ្ញុំសាឡាត់ ស្រីឡាង មួយរយ:នេះ ខ្ញុំពិតជាមានបញ្ហារឿងបំណុលមែន បញ្ហាខាតរឿងបើកហាងរកស៊ី ហើយនឹងបញ្ហាផ្សេងច្រើនទៀត ។
នាងបញ្ជាក់ថា កន្លងមកនេះខ្ញុំពិតជាព្យាយាមក្នុងការរកដំណោះស្រាយក្នុងបញ្ហាទាំងអស់នឹងខ្ញុំមិនគេចវេសទេ តែខ្ញុំសូមពេលក្នុងការដោះស្រាយបញ្ហាទាំងអស់នឹងមែន (ម្ចាស់បំណុលខ្លះខ្ញុំបានដោះស្រាយជូនបានខ្លះ នឹងខ្លះទៀតគឺនៅ) ។ ខ្ញុំពិតជាសូមទោសដែលយឺតយាវ ដោយសារបញ្ហាមកជាបន្តបន្ទាប់ ។ ខ្ញុំពិតជាអរគុណដល់បងៗដែលគាត់យោលយល់នឹងទុកពេលអោយខ្ញុំដោះស្រាយ អរគុណដល់បងៗដែលផ្តល់ការងារដល់ខ្ញុំ ដើម្បីអោយបានចំណូលយកមកដោះស្រាយ ។
ជាចុងក្រោយ សូមកុំឆាប់ទុកចិត្តលើមនុស្សខុស គឺពិបាកកែណាស់ ខាតទាំងលុយ បាត់ទាំងកិត្តិយស ហើយបាក់ទាំងទឹកចិត្ត បំណុល គឺខ្ញុំទទួលហើយក៏មិនគេចវេសដែរ ។
ជាការកត់សម្គាល់ ការទម្លាយរឿងរ៉ាវជាប់បំណុលគេពីតារាសម្តែង សាឡាត់ ស្រីឡាង នាពេលនេះបានធ្វើឡើងបន្ទាប់ពីកាលពេលថ្មីៗនេះ មានគណនីនារីម្នាក់ដែលមានឈ្មោះថា លី ចាន់វត្តី បានបង្ហោះសារដាក់ចំៗទៅលើតារាស្រីរូបនេះពីការខ្ចីលុយ ហើយគេចវេសមិនព្រមសងតាមការសន្យា ។
ម្ចាស់គណនេយ្យខាងលើនេះសរសេរថា « ខ្ចីលុយយប់ថ្ងៃទី 27.07.2024 សន្យា២ថ្ងៃសង កុហកខ្ញុំថ្ងៃនេះថ្ងៃនោះរហូត ពេលនេះជិត២ខែលុយប៉ុណ្ណឹងសោះធ្វើអោយថោកខ្លួនដែរ» ។
បន្ថែមពីនេះស្រីស្អាតរូបនេះកុហកបង្វិលក្បាលខ្ញុំណាស់២ខែនេះ ខ្ញុំខូចអារម្មណ៍អីខ្លះ? ខ្ញុំខាតការងារស្អីខ្លះ? ។ ដោយសារអារម្មណ៍ធុញនឹងលេសអ្នកឯង? ដល់ការអត់ធ្មត់មានដែនកំណត់ ខ្ញុំបង្ហាញទើបអ្នកឯងមកសងខ្ញុំដូចនេះលុយ 200$ វាមិនសក្តិសមនឹងការដែលខ្ញុំវាខូច២ខែនេះទេ ហើយមិនមែនខ្ញុំមិនប្រាប់ទេ ខ្ញុំព្រមាន២ដងហើយ តែអ្នកឯងនៅបំពាន ។ នេះជាមេរៀនទៅដល់អ្នកលេស 100ជំពូក ដែលខ្ចីគេមិនចង់សងថា ខ្ញុំហ៊ាននិយាយខ្ញុំហ៊ានធ្វើ ។
យ៉ាងណា ក្រោយឃើញការបង្ហោះខាងលើនេះ តារាសម្តែង សាឡាត់ ស្រីឡាង បានក៏ចេញមុខទូទាត់ប្រាក់ចំនួន២០០ដុល្លារដោយភ្ជាប់ និងការរៀបរាប់ថា«បងប្អូនប្រាកដជាបានឃើញការផុសរបស់បងស្រី Ly Chanvatey ហើយបញ្ហាដែលកើតឡើង គឺខ្ញុំពិតជាទទួលនូវកំហុសមិនបានគេចវេសទេ ហើយបងរបស់ខ្ញុំគាត់ក៏បានជួយដោះស្រាយទូទាត់សងនូវប្រាក់ដែលបានខ្ចីពីគាត់តាំងពីម្សិលមិញ ហើយខ្ញុំក៏ព្យាយាមក្នុងការទំនាក់ទំនងទៅគាត់ដែល ខ្ញុំពិតជាសូមទោសនៅកំហុសនេះ។ នាងបញ្ជាក់ថា មួយរយ:នេះបញ្ហាមានច្រើនសម្រាប់ខ្ញុំ ដែលមិនអាចនឹងនិយាយបានខ្ញុំបានទូរទាត់រួចរាល់សង្ឃឹមថាបងស្រីនឹងបញ្ចប់រឿងត្រឹមនឹងហើយខ្ញុំពិតជាសូមទោសនៅកំហុសមួយនេះពិតមែន ៕
ចែករំលែកព័តមាននេះ