រាជធានីភ្នំពេញ ៖ នរណាខ្លះដែលនៅចាំការសម្តែងរបស់នាយឆើតបានទេ?ពោលកាលពីកន្លងទៅមហាជនអ្នកគាំទ្រវិស័យសិល្បៈភាពយន្តស្អប់លោកមិនតិចទេ ព្រោះតែលោកតែងតែដើរតួអង្គចិត្តអាក្រក់ និងពូកែចាប់នារីៗ ។ កន្លងទៅ លោកបាត់មុខបាត់មាត់ពីសិល្បៈយ៉ាងយូរទើបតែថ្មីៗនេះ លោកនាយឆើត តួអង្គចិត្តអាក្រក់…
រាជធានីភ្នំពេញ ៖ នរណាខ្លះដែលនៅចាំការសម្តែងរបស់នាយឆើតបានទេ?ពោលកាលពីកន្លងទៅមហាជនអ្នកគាំទ្រវិស័យសិល្បៈភាពយន្តស្អប់លោកមិនតិចទេ ព្រោះតែលោកតែងតែដើរតួអង្គចិត្តអាក្រក់ និងពូកែចាប់នារីៗ ។
កន្លងទៅ លោកបាត់មុខបាត់មាត់ពីសិល្បៈយ៉ាងយូរទើបតែថ្មីៗនេះ លោកនាយឆើត តួអង្គចិត្តអាក្រក់ ឬជាតួបងតូចធំនោះ ចេញមុខបញ្ជាក់រឿងពិតនៃការបាត់មុខពីសិល្បៈ ។ មែនទែនទៅ ការសម្តែងដូចពិត តែការពិតមិនដូចជា ការសម្តែងនោះទេ ជីវិតនាយឆើតពេលរូបលោកបានឃ្លាតឆ្ងាយពីអាជីពសិល្បៈសម្តែង ឬកំប្លែងនោះ គឺលោកឆ្លៀតពេលលក់បាយជាមួយប្រពន្ធ និងកូនៗរបស់លោកផ្ទាល់ តែនាពេលបច្ចុបប្បន្នលឺថា នាយឆើតមានបញ្ហាសុខភាព ដែលជាមូលហេតុដែលឃ្លាតឆ្ងាយពីសិល្បៈសម្រាក់នៅផ្ទះមកដល់បច្ចុប្បន្ន ។
គួរបញ្ជាក់ដែរថា នាយឆើតជាវីរៈសិល្បៈមួយរូបដែលមានល្បីល្បាយ កាលពីកន្លងទៅ ដោយលោកក៏ជាអ្នកអាយ៉ៃ ល្ខោនបាសាក់ តារាសម្តែង និងតារាកំប្លែងទៀតផង តាមរយៈទេពកោសល្យទាំងនេះហើយធ្វើអោយលោកមានឈ្មោះបោះសំឡេង និងមហាជនតែងចងចាំរូបលោកជាងគេនោះ គឺតួបងតូច បងធំ ដែលសម្តែងសមក្នុងភ្នែកមហាជន ។
តាមរយៈបទសម្ភាសន៍ជាមួយសារព័ត៌មានកោះសន្តិភាព នាយឆើត ដែលមានឈ្មោះពិតប្រាកថា ពៅ គីសាន់ ដែលបងប្អូនបានស្គាល់នោះ បច្ចុប្បន្នលោកកំពុងមានបញ្ហាជម្ងឺ ដោយជើងរបស់លោកឈឺ ដើរមិនកើត ជើងឈឺសន្លាក់ ដូចជា កាលពីកន្លងទៅ លោកធ្លាប់វះនៅត្រង់ចង្កេះទៀតផងនោះ ។ នាយឆើត ដែលបច្ចុប្បន្នរស់នៅខណ្ឌកំពូល រាជធានីភ្នំពេញបន្តទៀតថា ជើងលោកផ្នែកខាងឆ្វេង គឺចង់ស្វិត ហើយផ្នែកខាងស្តាំហើម ក្រោយពេលលោកជាប់ឌីសចង្កេះបានធ្វើការវះកាលពីកន្លង ។
នាយឆើត ដែលមានឈ្មោះបោះសំឡេងបន្តទៀតថា បច្ចុប្បន្នការងារសិល្បៈរបស់លោក គឺនៅទ្រឹង មិនមានផលិតករហៅថត ឬសម្តែងដូចមុនឡើយ ដូច្នេះលោក គឺជួយលក់បាយ ប្រពន្ធកូនពេលលោកសម្រាក់ពីសិល្បៈ តែផ្ទុយទៅវិញលោកបញ្ជាក់ថា លោកមិនបានជួយការងារភរិយាបានឡើយ ខណៈពេលជើងលោកឈឺ ដើរស្ទើរមិនរួចផងនោះ ។
លោក ពៅ គីសាន់ ហៅនាយឆើតបន្តទៀតថា ក្រោយពេលបែកពីខ្មែរក្រហម ឆ្នាំ៨០ជាងលោកសម្តែងល្ខោន ហើយលុះមកដល់ឆ្នាំ១៩៨៦ លោកចាប់ផ្តើមសម្តែងភាពយន្ត និងចូលកំប្លែងជាមួយនាយកុយ នាយក្រឹម ដែលជាប់ឈ្មោះជាឆើត ដែលគេស្គាល់មកដល់បច្ចុប្បន្ន ។ ស្ថិតក្នុងវ័យ៦២ឆ្នាំ នាយឆើត មានស្ថានភាពរាងកាយមិនដូចមុន នាយបានត្រឹមសម្រាក់នៅលើកគ្រែ ដោយរយៈពេលប្រមាណជាជាង៦ខែមកនេះ នាយមានបញ្ហាជើងដើរមិនរួចជាដើមនោះ ។
គួរបញ្ជាក់ដែរថា នាយឆើត នាយពេលបច្ចុប្បន្ន លោកមានរូបរាងកាយមិនដូចមុនឡើយ ស្របពេលការងារសិល្បៈក៏មិនមាន និងរួមរឹតដោយជំងឺទៀតផង ៕ ដោយ៖លីហួ គីមឆាយ
ចែករំលែកព័តមាននេះ