បន្ទាយមានជ័យ ៖ ព្រែកសឿ និងព្រែកចំណោមនៅរដូវទឹកស្រកធ្លាក់ខ្យល់ប្រជានេសាទរកត្រីពីបោយ និងបង់សំណាញ់បានត្រីស និងត្រីរៀលឆ្អើរលក់ និងកន្លែង នៅថ្ងៃទី១៦ ខែវិច្ឆិកា ឆ្នាំ២០២៤…
បន្ទាយមានជ័យ ៖ ព្រែកសឿ និងព្រែកចំណោមនៅរដូវទឹកស្រកធ្លាក់ខ្យល់ប្រជានេសាទរកត្រីពីបោយ និងបង់សំណាញ់បានត្រីស និងត្រីរៀលឆ្អើរលក់ និងកន្លែង នៅថ្ងៃទី១៦ ខែវិច្ឆិកា ឆ្នាំ២០២៤ នៅស្រុកមង្គលបូរី ។
ប្រជានេសាទបានប្រាប់ថា ៖ នៅព្រែសឿ និងព្រែកចំណោម នៅពេលដែលរដូវទឹកស្រក និងធា្លក់រំហើយ ប្រជាពលរដ្ឋដែលទំនេរពីធ្វើស្រែ និងចម្ការបាននាំគ្នាមកដេករកត្រីធ្វើជាប្រហុក និងឆ្អើរលក់ អាចរកចំណូលបាន១ថ្ងៃបានជិត៥ទៅ៦ម៉ឺនរៀល រហូតដល់ទឹកស្រកត្រីលេងចុះទើបឈប់រកអាចរកបានជិត១ខែ ។
ប្រជានេសាទបានបញ្ជាក់ថា ៖ រកត្រីជាលក្ខណៈគ្រួសារ មានដូចជា បង់សំណាញ់ប្រយ៉ុង ឬសំណាញ់ញឹក២ទៅ៣ហ៊ុន និងបោយត្រី តាមមុខសំណង់ទ្វាទឹក ឃើញមាន៥ទៅ៦នាក់ ដែលផ្លាស់ប្តូរគ្នាបោយត្រីមានបុរស និងស្ត្រី ដែលបោយ និងបង់សំណាញ់អាចរកបាន១ថ្ងៃ៤០ទៅ៥០គីឡូក្រាម មានប្រភេទត្រីស និងត្រីរៀលភាគច្រើន ។
ប្រជានេសាទបានបញ្ជាក់ថា ៖ ក្រោយរកត្រីបានពួកគាត់មានប្រពន្ធនិងកូនមកជាមួយ ដើម្បីធ្វើត្រីសម្រាប់ត្រីឆ្អើរយៈ១ថ្ងៃពេញ ទើបឆ្អិនហើយយកទៅហាលអោយក្រៀមទើបលក់ជាបណ្តើរៗលក់បាន១គ្រាស់ មានតម្លៃ១.៥០០រៀល ២.០០០រៀល ៣.០០០រៀល តាមត្រីតូចធំ ហើយប្រហុកត្រូវធ្វើហើយយកទៅលក់ដល់ផ្សារ បើប្រៀបការលក់ត្រីប្រហុក និងត្រីឆ្អើរលក់ស្រួលជាង ។
លោក ជា ទី មេឃុំសឿ និងលោក ចៅ ម៉ី មេឃុំចំណោមបានប្រាប់ថា ៖ នៅព្រែកសឿ និងព្រែក ចំណោមក្រៅពីការផ្តល់ទឹកសម្រាប់បង្កបង្កើនផល គឺនៅរដូវទឹកស្រក និងធា្លក់ខ្យល់ប្រជាពលរដ្ឋទំនេរពីការធ្វើស្រែ និងចម្ការបាននាំគ្នាមករកត្រីមានឆ្អើរ និងធ្វើប្រហុកលក់អាចរកចំណូលបានសម្រាប់គ្រួសារ មានរយៈពេលជិត១ខែ បើប្រៀបធៀបឆ្នាំមុនឆ្នាំនេះ ត្រីប្រជានេសាទរកបានច្រើនជាង ៕
ចែករំលែកព័តមាននេះ