រាជធានីភ្នំពេញ ៖ ក្រោមកិច្ចសហការរវាងសាកលវិទ្យាល័យ Deakin University Melbourne នៅប្រទេសអូស្ត្រាលី និងវិទ្យាស្ថានអភិវឌ្ឍវិស័យអប់រំ (EDI) នៅព្រឹកថ្ងៃទី…
រាជធានីភ្នំពេញ ៖ ក្រោមកិច្ចសហការរវាងសាកលវិទ្យាល័យ Deakin University Melbourne នៅប្រទេសអូស្ត្រាលី និងវិទ្យាស្ថានអភិវឌ្ឍវិស័យអប់រំ (EDI) នៅព្រឹកថ្ងៃទី ១៣ ខែវិច្ឆិកា ឆ្នាំ ២០២៤ នេះ លោកស្រី Danielle Shevlin តំណាងរបស់សាកលវិទ្យាល័យ Deakin បានទស្សនកិច្ចឈ្វេងយល់ពីសាលារៀនវ៉េស្ទឡាញន៍ និងសាលារៀនណត្សឡាញន៍ ព្រមទាំងធ្វើបទបង្ហាញលម្អិតអំពីព័ត៌មានសិក្សា និងឱកាសទទួលបានអាហារូបករណ៍ថ្នាក់ឧត្តមសិក្សាទៅតាមមហាវិទ្យាល័យនីមួយៗរបស់សាកលវិទ្យាល័យដល់សិស្សានុសិស្សផងដែរ ។
លោក នូ ស៊ឹមដារ៉ា ប្រធានគ្រប់គ្រងទូទៅកម្មវិធីប្រឡងអន្តរជាតិ និងប្រឹក្សាយោបល់សិក្សានៅបរទេសនៃវិទ្យាស្ថានអភិវឌ្ឍវិស័យអប់រំ បានលើកឡើងថា វិទ្យាស្ថាន(EDI) គឺបុត្រសម្ព័ន្ធរបស់បណ្តាញគ្រឹះស្ថានអប់រំ និងបណ្តុះបណ្តាល វេសឡាញ អេឌ្យខេសិន គ្រុប និងមានបទពិសោធន៍ច្រើនជាង១០ឆ្នាំមកហើយ ក្នុងការផ្តល់សេវាប្រឹក្សាយោបល់ និងរៀបចំឯកសារដល់សិស្សកម្ពុជាដែលមានបំណងបន្តការសិក្សានៅក្រៅប្រទេស ដូចជានៅអូស្ត្រាលី សហរដ្ឋអាមេរិក អង់គ្លេស និងកាណាដាជាដើម។ ហើយតាមរយៈសេវាកម្មនេះ ទើបនាថ្ងៃ យើងទទួលបានឱកាសដ៏វិសេសវិសាលដែលលោកស្រី Danielle បានមកទស្សនកិច្ចនិងធ្វើបទបង្ហាញផ្ទាល់ដល សិស្សានុសិស្សសាលារៀនវ៉េស្ទឡាញន៍ និងសាលារៀនណត្សឡាញន៍ ។
សាកលវិទ្យាល័យ Deakin University Melbourne ត្រូវបានបង្កើតឡើងតាំងពីឆ្នាំ 1974 និងទទួលបានចំណាត់ថ្នាក់ឆ្នើមជាសាកលលើសិក្សាធិការនៅឆ្នាំ២០២០។ បច្ចុប្បន្ន សាកលវិទ្យាល័យនេះមានចំនួននិស្សិតសរុបប្រមាណ 64000នាក់ ដែលជាចំនួនច្រើនជាងគេនៅប្រទេសអូស្ត្រាលី និងនិស្សិតអន្តរជាតិមកពី 130 ប្រទេសផងដែរ។
គួរបញ្ជាក់ផងដែរថា ជានិច្ចកាល បណ្តាញគ្រឹះស្ថានអប់រំ និងបណ្តុះបណ្តាល វេសឡាញ អេឌ្យូខេសិន គ្រុប តែងរៀបចំឱ្យសិស្សានុសិស្សបានជួបប្រឹក្សា និងទទួលព័ត៌មានអំពីការសិក្សាថ្នាក់ឧត្តមសិក្សាពីអ្នកតំណាងរបស់សាកលវិទ្យាល័យល្បីជាដៃគូជាតិ និងអន្តរជាតិដោយផ្ទាល់នៅក្នុងសាលា ដើម្បីឱ្យពួកគាត់បានដឹងច្បាស់ និងខិតខំសិក្សាត្រៀមខ្លួជាប្រចាំទុកជាមុន ក្នុងការដាក់ពាក្យចូលរៀននៅសាកលវិទ្យាល័យដែលពួកគាត់ចង់បន្តទៅសិក្សាក្រោយបញ្ចប់ថ្នាក់ទី ១២ ។ កន្លងមកនេះ សិស្សានុសិស្សតែងទទួលបានតេស្តសមត្ថភាពល្អប្រសើរ និងទទួលបានឱកាសអាហារូបករណ៍ជាច្រើននាក់ ដើម្បីបន្តការសិក្សានៅសាកលវិទ្យាល័យល្បីៗទាំងក្នុងនិងក្រៅប្រទេសផងដែរ ៕ អត្ថបទសហការ
ចែករំលែកព័តមាននេះ