តើបងប្អូនអាចបែងចែកដាច់ទេ មួយណាជារូបថត មួយណាជាស្នាដៃសូនរូប របស់បុរសម្នាក់នេះដែលគាត់មានទេពកោសល្យមិនធម្មតា ក្នុងការ «សូនមុខដូច» នោះ ។ ជាការពិត វិចិត្រករមួយរូប…
តើបងប្អូនអាចបែងចែកដាច់ទេ មួយណាជារូបថត មួយណាជាស្នាដៃសូនរូប របស់បុរសម្នាក់នេះដែលគាត់មានទេពកោសល្យមិនធម្មតា ក្នុងការ «សូនមុខដូច» នោះ ។
ជាការពិត វិចិត្រករមួយរូប កំពុងសាងទឹកដៃយ៉ាងវិចិត្រ ស្របពេលលោកបញ្ចេញរូបសូនរបស់លោក ដែលហាក់ដូចជា រូបពិតៗមើលទៅពិបាកនឹងបែងចែកណាស់ថា មួយណាជារូបពិត មួយណាជារូបដែលបុរសម្នាក់សូនចេញមក ។ តាមរយៈទឹកចិត្តដៃរបស់វិចិត្រករលោក ប៊ិន ឆារ៉ាន់ កំពុងធ្វើអោយបងប្អូនក្នុងបណ្តាញសង្គមមានការចាប់អារម្មណ៍ ក្រោយលោកបានបង្ហោះរូបព្រះសង្ឃកម្ពុជាក្រោមមួយអង្គ ដែលប្រកបដោយសិល្បៈ ចំណេះជំនាញ និងពោរពេញដោយភាពរស់រវើក ។
តស់មកស្គាល់ វិចិត្រករ លោក ប៊ិន ឆារ៉ាន់ ដែលធ្លាប់ជាជាងគំនូរតាមជញ្ជាំង ក្រោយលោកផ្លាស់ប្តូរចាប់យកអាជីពជាជាងសូនរូបមុខដូចវិញ ក៏ព្រោះតែបញ្ហាមួយនេះ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក ប៊ិន ឆារ៉ាន់ ដែលជាវិចិត្រករមានស្រុកកំណើតនៅខេត្តត្បូងឃ្មុំ លោកថា មូលហេតុដែលលោកចាប់យកអាជីពមួយ ព្រោះតែទីផ្សារនៃការធ្វើសូនមុខដូចនេះមិនសូវមានយុវជនស្រករក្រោយចាប់អារម្មណ៍ ណាមួយ ការចាប់យកអាជីពមួយនេះវាពិបាកផងនោះ ។
លោក ប៊ិន ឆារ៉ាន់ ដែលមានទីលំនៅបច្ចុប្បន្ននៅស្រុកស៊ីធរកណ្តាល ខេត្តព្រៃវែង បានឱ្យដឹងថា រូបលោកចាប់យកអាជីពការសូនមុខដូច នេះ កាលពីឆ្នាំ២០១៩ ដោយសារតែលោកទៅណាឆ្ងាយមិនកើត លោកក៏ចាប់យកអាជីពនេះតែម្តង ។
លោកបញ្ជាក់ថា លោកបានរៀនសូត្រការសូនរូបនេះ កាលពីឆ្នាំ២០០៥ លោកបានទៅរៀនពីលោកម្នាក់នៅខេត្តសៀមរាប ។ លោក ឆារ៉ាន់ ដែលជាជាងគំនូរដែលមានភាពច្នៃប្រឌិតខ្ពស់ជាមួយគំនូរលោកថា កាលពីឆ្នាំ១៩៩៨ លោក គឺជាជាង គូររូប តែក្រោយមកពុំសូវមានក្មេងៗជំនាន់ក្រោយលៃលកនឹងជំនាញមួយនេះ លោកក៏យកចំណេះជំនាញដែលលោកចេះ និងបានរៀនកាលពីកន្លងទៅយកមកអនុវត្ត ដោយគិតមកដល់បច្ចុប្បន្នប្រហែលជា៥ឆ្នាំដែលលោកបានធ្វើសូនមុខដូច ។
លោក ប៊ិន ឆារ៉ាន់ បន្តទៀតថា ការងារមួយនេះដោយសារមិនសូវមានអ្នកប្រកបដោយភាពលំបាកទាមទារនៅការផ្សិតផ្សង់ខ្លាំងផងនោះធ្វើអោយទីផ្សារការងាររបស់លោកមានភាពមមាញឹក ខណៈពេលដែលលោកមានជំនួយការដែលជាកូនៗ និងក្មួយរបស់លោកនោះ ។
ជាមួយគ្នានេះដែរថា លោកថា ក្នុងចំណោមកូនទាំង៤នាក់ គឺមានតែកូនៗ២នាក់ប៉ុណ្ណោះ ដែលមានសមត្ថភាព ទេពកោសល្យនឹងប្រហែលជាអាចបន្តវេនពីលោកនោះ ទាក់ទងនឹងគំនូរ ឬការសូនមុខដូចនេះ ។
ជាចុងក្រោយ លោក ប៊ិន ឆារ៉ាន់ សូមអោយយុវជនជំនាន់ក្រោយ ងាកមកចាប់អារម្មណ៍នឹងការងារមួយនេះ ខណៈពេលដែលលោកពិតជាមមាញឹក និងមានទីផ្សារគួរសម្យដែលប្រកបប្រមាណជា៥ឆ្នាំមកនេះ ៕ ដោយ៖លីហួ គីមឆាយ.
ចែករំលែកព័តមាននេះ