ស្រុកព្រៃនប់ ៖ រមណីយដ្ឋានទឹកធ្លាក់ព្រះអង្គផ្ទុំភ្នំតារាល (ហៅទឹកធ្លាក់អូតាប៉ាង) គឺជារមណីយដ្ឋានធម្មជាតិនិងកែច្នៃមួយកន្លែង ស្ថិតនៅក្នុងឃុំអូឧកញ៉ាហេង ស្រុកព្រៃនប់ ខេត្តព្រះសីហនុ ។ បើតាមកំណត់បង្ហាញរបស់មន្ទីរទេសចរណ៍ខេត្តព្រះសីហនុឲ្យដឹងថា…
ស្រុកព្រៃនប់ ៖ រមណីយដ្ឋានទឹកធ្លាក់ព្រះអង្គផ្ទុំភ្នំតារាល (ហៅទឹកធ្លាក់អូតាប៉ាង) គឺជារមណីយដ្ឋានធម្មជាតិនិងកែច្នៃមួយកន្លែង ស្ថិតនៅក្នុងឃុំអូឧកញ៉ាហេង ស្រុកព្រៃនប់ ខេត្តព្រះសីហនុ ។
បើតាមកំណត់បង្ហាញរបស់មន្ទីរទេសចរណ៍ខេត្តព្រះសីហនុឲ្យដឹងថា រមណីយដ្ឋាននេះ បង្កើតឡើងដោយវិស័យឯកជនដោយរៀបចំជាល្បាក់ទឹកធ្លាក់ និងមានចម្លាក់ដាប់ចេញពីផ្ទាំងថ្មនៅនឹងកន្លែងផ្ទាល់ដោយជាងចម្លាក់ និងរូបមួយចំនួនទៀតនាំយកមករៀបចំដាក់បន្ថែម មានទម្រង់ស្រដៀងទៅនឹងចម្លាក់នៅតាមប្រាសាទបុរាណ ។
រមណីយដ្ឋានទឹកធ្លាក់ព្រះអង្គផ្ទុំភ្នំតារាល មានទីតាំងស្ថិតនៅភូមិអូរតាប៉ាង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ មានចម្ងាយប្រមាណ៣៤គីឡូម៉ែត្រពីក្រុងព្រះសីហនុ ដោយធ្វើដំណើរតាមផ្លូវជាតិលេខ៤ ចន្លោះបង្គោលទី១៩១ និង១៩២ ហើយពេលមកដល់ភូមិសាស្ត្រខាងលើ បត់ចូលតាមផ្លូវលំប្រមាណ៥គីឡូម៉ែត្រ នឹងទៅដល់ទីតាំងនោះ ឬមួយចំណុចផ្លូវសម្ដេចសង្ឃបំបែកពីផ្លូវជាតិលេខ៤ ទៅស្ទឹងហាវ ចន្លោះគីឡូម៉ែត្រលេខ ១៨- ១៩បទឆ្វេងចូលទៅប្រមាណជា៤ ឬ៥គីឡូម៉ែត្រនិងដល់ចំណុចលេងកម្សាន្ត ដោយឆ្លងកាត់ក្លោងទ្វាររចនាបថរូបចម្លាក់ប្រាសាទនិងទីធ្លាទឹកលេងកំសាន្តផងដែរ ។
ចែករំលែកព័តមាននេះ