រាជធានីភ្នំពេញ៖ តារាសម្តែង និងបង្ហាញម៉ូតនាង ព្រីម លីហ្សា បានរំលឹករឿងហួសចិត្តមួយដែលនាងបានជួបក្នុងសង្គមសិល្បៈកាលពីពេលកន្លងមក ខណៈពេលដែលរឿងមួយនេះ ហាក់ធ្វើឲ្យនាងមានការឆ្អែតចិត្តយ៉ាងខ្លាំង សម្រាប់អាជីពមួយនេះ ។…
រាជធានីភ្នំពេញ៖ តារាសម្តែង និងបង្ហាញម៉ូតនាង ព្រីម លីហ្សា បានរំលឹករឿងហួសចិត្តមួយដែលនាងបានជួបក្នុងសង្គមសិល្បៈកាលពីពេលកន្លងមក ខណៈពេលដែលរឿងមួយនេះ ហាក់ធ្វើឲ្យនាងមានការឆ្អែតចិត្តយ៉ាងខ្លាំង សម្រាប់អាជីពមួយនេះ ។
រឿងដែលហួសចិត្តនោះ គឺការមិនឲ្យតម្លៃនាងពីក្រុមការងារមួយចំនួន បើទោះបីជានាងបានគោរពពេលវេលាដោយមិនមានការយឺតយ៉ាវសម្រាប់បំពេញការងារ ក្នុងពេលដែលមានអ្នកសិល្បៈខ្លះមិនគោរពពេលវេលាបានល្អ តែបែរជាទទួលបានឲ្យតម្លៃទៅវិញ ។
ព្រីម លីហ្សា បានបង្ហោះសារតាមបណ្តាញសង្គមថា តែងតែឲ្យតម្លៃការងារ និងគោរពពេលវេលាសុខចិត្តទៅមុនម៉ោង មិនចង់ឲ្យក្រុមការងាររង់ចាំយើង គេណាត់យើងម៉ោង8:00ព្រឹក ឲ្យទៅដល់កន្លែងថតយើងទៅមុនម៉ោងតាំងពីម៉ោង6:00ព្រឹក តែបែរជាមិនទទួលបានការឲ្យតម្លៃពីក្រុមការងារ ។
នាងបញ្ជាក់ថា សម្រាប់តារាមួយចំនួនតូចដែលទៅយឺតគេណាត់ម៉ោង8:00ព្រឹកទៅដល់ម៉ោង10:00 ព្រឹក បែរជាទទួលបានការឲ្យតម្លៃពីក្រុមការងារទៅវិញ ហាសហា ជួបឆ្អែតឆ្អន់ហើយនៅក្នុងវិថីសិល្បៈនោះ ។
ជាការកត់សម្គាល់ តារាសម្តែងនាង ព្រីម លីហ្សា ចាប់ផ្ដើមប្រឡូកក្នុងអាជីពសិល្បៈពេញដៃពេញជើងឡើងវិញ ចាប់តាំងពីអំឡិងចុងឆ្នាំ២០២៣ បន្ទាប់ពីបាត់មុខមួយរយៈធំ ដោយសារគ្រោះថ្នាក់បាក់ជើង ខណៈពេលចេញមុខលើកនេះ លីហ្សាផ្ដោតខ្លាំងលើការងារ Fashion រីឯការងារសម្ដែងកំពុងត្រូវបានគេទាក់ទងមកបណ្ដើៗ ។
ព្រីម លីហ្សា បានបញ្ជាក់ជំហរថា នាងនឹងពង្រឹងលើវិស័យដើរម៉ូត ឬFashion ច្រើនជាងការងារដទៃទៀត ដោយឈរលើគោជំហរថា សម្រាប់រូបនាងពាក្យថា ប្រឡូកនៅក្នុងវិស័យFashion មិនមែនត្រឹមតែជាពាក្យធ្វើឲ្យអ្នកទាំងអស់គ្នាមើលមកនាងថា ជាមនុស្សពូកែក្នុងវិស័យFashion ទេ ប៉ុន្ដែវាសុទ្ធតែជាការស្វែងយល់ និងការស្រឡាញ់ដែលនាងខំព្យាយាមធ្វើឲ្យគេឯងយល់កាន់តែច្បាស់លើវិស័យនេះ។
តារាសម្ដែង ព្រីម លីហ្សា បានបង្ហាញគំនិតជំវិញរឿងវិស័យម៉ូដនៅក្នុងប្រទេសកម្ពុជា ដែលអាចហៅថាជាវិស័យ Fashion ដែលនាងតែងតែស្លៀកសំលៀកបំពាក់ Brand សិចស៊ីបែបប្លែកភ្នែក រហូតជាប់ឈ្មោះជាតារាសម្ដែងស្រីកម្ពុជាដែលលេងខ្លួនសិចស៊ីខ្លាំងបំផុត ។
ព្រីម លីហ្សា ជាតារាសម្ដែងមួយរូបដែលលេង Style សម្លៀកបំពាក់បែប Fashion ជាពិសេសបង្ហាញទ្រូង ស្ទើរគ្រប់សន្លឹករូបភាពផងដែរនៅលើបណ្តាញសង្គម ៕
ចែករំលែកព័តមាននេះ