បន្ទាប់ពីបញ្ចប់ការប្រកួតដ៏ស្វិតស្វាញ នៃកម្មវិធីប្រកួតបវរកញ្ញាឆ្លាតវៃ ឬ Miss Wisdom 2021 បានរកឃើញម្ចាស់មកុដជាផ្លូវការហើយ ដោយកញ្ញាឯកមកពីខេត្តបាត់ដំបង គឺជាអ្នកគ្រងមកុដដ៏អស្ចារ្យនេះ
រាជធានីភ្នំពេញ ៖ បន្ទាប់ពីបញ្ចប់ការប្រកួតដ៏ស្វិតស្វាញ នៃកម្មវិធីប្រកួតបវរកញ្ញាឆ្លាតវៃ ឬ Miss Wisdom 2021 បានរកឃើញម្ចាស់មកុដជាផ្លូវការហើយ ដោយកញ្ញាឯកមកពីខេត្តបាត់ដំបង គឺជាអ្នកគ្រងមកុដដ៏អស្ចារ្យនេះ។ នាងក៏នឹងក្លាយជាតំណាងរបស់កម្ពុជា ទៅប្រកួតនៅក្នុងប្រទេសវៀតណាមនាពេលខាងមុខផងដែរ។
កញ្ញាឯក ដែលទទួលបានចំណាត់ថ្នាក់លេខ១ ឬជាម្ចាស់មកុដនេះ គឺកញ្ញា ហុក សារិតុលា អាយុ១៩ឆ្នាំ មានកម្ពស់១.៧០ និងទម្ងន់៤៩គីឡូក្រាម។ នាងបានឈ្នះមកុដ ដោយសារតែពូកែឆ្លើយសំណួរជាភាសាអង់គ្លេស និងដោយសារតែនាងក្លាហាន និងភាពស្រស់ស្អាត។
ជ័យជម្នះរបស់នាង ក៏កើតចេញពីការប្រឹងប្រែងដ៏ស្វិតស្វាញតាំងពីដំណាក់កាលដំបូង រហូតដល់វគ្គចុងបញ្ចប់ផងដែរ។ នេះជាកម្មវិធីដែលទទួលសិទ្ធិក្រោមការរៀបចំរបស់លោក អ៊ិន សុភិន ដែលជាអ្នករៀបចំការប្រកួត Miss Grand Cambodia កាលពីឆ្នាំ២០២០ នាពេលកន្លងទៅ។ លោកក៏នឹងគ្រោងយកបេក្ខនារីជាអ្នកឈ្នះរូបនេះចេញទៅប្រកួតនៅវៀតណាមផងដែរ ប្រសិនបើនាងគោរពតាមលក្ខខណ្ឌដែលគ្មានការដោះដូរ៕
ចែករំលែកព័តមាននេះ