រាជធានីភ្នំពេញ ៖ គ្រាប់ផ្លោង៣គ្រាប់ ត្រូវបានបុរសម្នាក់ប្រទះឃើញនៅក្នុងការដ្ឋានសំណង់ផែស្ងួតមួយកន្លែង ហើយបានរើសយកទៅលក់ឱ្យអេតចាយ ប៉ុន្តែមិនមាននរណាម្នាក់ហ៊ានទិញនោះទេ ព្រោះគេដឹងនិងស្គាល់យ៉ាងច្បាស់ថា វាជាគ្រាប់ផ្លោងដែលមិនទាន់ផ្ទុះ ហើយវាងាយនឹងអាចផ្ទុុះផងដែរ ។
រាជធានីភ្នំពេញ ៖ គ្រាប់ផ្លោង៣គ្រាប់ ត្រូវបានបុរសម្នាក់ប្រទះឃើញនៅក្នុងការដ្ឋានសំណង់ផែស្ងួតមួយកន្លែង ហើយបានរើសយកទៅលក់ឱ្យអេតចាយ ប៉ុន្តែមិនមាននរណាម្នាក់ហ៊ានទិញនោះទេ ព្រោះគេដឹងនិងស្គាល់យ៉ាងច្បាស់ថា វាជាគ្រាប់ផ្លោងដែលមិនទាន់ផ្ទុះ ហើយវាងាយនឹងអាចផ្ទុុះផងដែរ ។
ប្រភពបានឱ្យដឹងថា បន្ទាប់ពីយកទៅលក់ហើយ អត់មានអ្នកទិញបែបនេះ បុរសនោះក៏យកគ្រាប់ខាងលើ យកទៅទុកចោលនៅក្បែរផ្ទះ ដោយមិនយកទៅទុកនៅកន្លែងមានសុវត្ថិភាពនោះទេ ហើយត្រូវកូនៗរបស់គាត់លីគ្រាប់នោះដើរលេងយ៉ាងសង្ហា មិនគិតពីគ្រោះថ្នាក់ឡើយ ដែលជាហេតុបង្កឱ្យមានការភ្ញាក់ផ្អើលពេញភូមិតែម្ដង និងភ្ញាក់ផ្អើលដល់សមត្ថកិច្ចប៉ូលិសចុះទៅពិនិត្យមើលភ្លាមៗដែរ កាលពីវេលាម៉ោង៦ និង៣០នាទីល្ងាចថ្ងៃទី២៣ មេសា ២០១៤ ស្ថិតនៅភូមិត្រពាំងធ្នង់ ហៅភូមិព្នៅ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
ប្រភពបានបន្តថា គ្រាប់ផ្លោងទាំង៣គ្រាប់នោះត្រូវបុរសម្នាក់ជាអតីតយោធាប្រាប់ឱ្យដឹងថា វាជាប្រភេទគ្រាប់១០៥មីល្លីម៉ែត្រ ដែលសល់តាំងពីសម័យសង្គ្រាមមកម្ល៉េះ ហើយវាបានកប់នៅក្នុងដីរាប់ឆ្នាំមកហើយ ម្យ៉ាងទៀតវាមិនមែនស្ថិតក្នុងការដ្ឋានសំណង់មួយនេះទេ គឺវាបានដោយតាមរថយន្តដឹកដីដែលគេដឹកចេញពីក្នុងការដ្ឋានជីកដីមួយកន្លែងដែលមានទីតាំងស្ថិតនៅក្នុងឃុំទួលព្រិចស្រុកអង្គស្នួល ខេត្តកណ្ដាល យកមកចាក់នៅទីនេះ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ