រាជធានីភ្នំពេញ ៖ ពិធីការិនី យុគ ចិន្តា រងគ្រោះដោយត្រូវជនខិលខូចប្រើឈ្មោះនាងលើទំព័រហ្វេសប៊ុក ឃោសនាលក់ផលិតផលរក្សាសម្រស់ ដែលនាំចូលពីបរទេស ។ អ្នកនាងយុគ ចិន្តា បានអំពាវនាវដល់មហាជនទូទៅកុំឱ្យចាញ់បោកជនខិលខូចនោះ ព្រមទាំងព្រមានទៅជនខិលខូចឱ្យឈប់ប្រើប្រាស់ឈ្មោះរបស់នាង ។
រាជធានីភ្នំពេញ ៖ ពិធីការិនី យុគ ចិន្តា រងគ្រោះដោយត្រូវជនខិលខូចប្រើឈ្មោះនាងលើទំព័រហ្វេសប៊ុក ឃោសនាលក់ផលិតផលរក្សាសម្រស់ ដែលនាំចូលពីបរទេស ។ អ្នកនាងយុគ ចិន្តា បានអំពាវនាវដល់មហាជនទូទៅកុំឱ្យចាញ់បោកជនខិលខូចនោះ ព្រមទាំងព្រមានទៅជនខិលខូចឱ្យឈប់ប្រើប្រាស់ឈ្មោះរបស់នាង ។
កាលពីពេល ថ្មីៗនេះ អ្នកនាងយុគ ចិន្តា បានចេញមុខតាមកញ្ចក់ទូរទស្សន៍ផ្សាយបន្តផ្ទាល់ អះអាងថា នាងអត់បានប្រើប្រាស់ហ្វេសប៊ុកធ្វើជំនួញអ្វីឡើយ តែមានជនខិលខូចបន្លំប្រើឈ្មោះនាង ។ បញ្ជាក់ប្រាប់មហាជនទូទៅជាលក្ខណៈបើកចំហ អ្នកនាងយុគ ចិន្តា និយាយថា អ្នកលួចយកឈ្មោះនាងទៅប្រើប្រាស់លើហ្វេសប៊ុក បានផ្ទុះឡើងទៀតហើយ បន្ទាប់ពីទើបតែស្ងប់ស្ងាត់មួយរយៈ ។ លើហ្វេសប៊ុក គេប្រើឈ្មោះនាងឃោសនាលក់ផលិតផលរក្សាសម្រស់ពីប្រទេសនេះ ពីប្រទេសនោះ ។ លើសពីនេះនៅមានមុខជំនួញមួយចំនួនទៀតដែលគេប្រកាសលក់តាមហ្វេសប៊ុកដោយប្រើឈ្មោះនាង ។ នាងគ្មានមុខរបរ ឬគ្មានថែមការលក់ផលិតផលអ្វីក្រៅពីមុខរបរដែលមហាជនធ្លាប់ដឹងទេ ។
អ្នកនាងយុគ ចិន្តា ព្រមានថា អ្នកដែលសប្បាយយកឈ្មោះនាងទៅប្រើ គួរតែប្រញាប់បោះបង់គំនិតអាក្រក់នោះចោល កុំដើរទៅបោកគេទៀត ព្រោះរូបនៅលើហ្វេសប៊ុក ជារូបរបស់នាង ដែលជាបុគ្គលរងគ្រោះ ។ ប្រសិនបើនៅតែល្មើសដោយមិនញញើតនោះ នាងនឹងប្រើប្រាស់មធ្យោបាយតបទៅវិញ ដោយត្រៀមចាត់វិធានការតាមផ្លូវច្បាប់ ។ នាងនឹងវែកមុខដើម្បីកុំឱ្យទំនេរពេក យកឈ្មោះគេប្រើប្រាស់ក្នុងផ្លូវអាក្រក់ ទាំងគេមិនបានប្រព្រឹត្ត ។ នាងមានគម្រោងឱ្យប៉ូលិសស្រាវជ្រាវ ប្រសិនបើជនខិលខូចនៅតែមិនដកថយ ហើយនៅតែបោកគេតទៅទៀតនោះ ។
អ្នកនាងយុគ ចិន្តា សំណូមពរដល់អ្នកនិយមលេងហ្វេសប៊ុក គួរលេងក្នុងលក្ខណៈត្រឹមត្រូវ ជួយជាគំនិត ផ្តល់ជារូបភាព ល្អៗសម្រាប់គិតពិចារណា មិនត្រូវប្រើឱ្យកើតរឿងរ៉ាវឡើយ ។ ខណៈនោះដែរ លោកអុិត សេដ្ឋា បានលើកឡើងថា នៅតែមានគេយកឈ្មោះលោកបោកមហាជនថា ត្រូវប្រាក់រង្វាន់ពីកម្មវិធីនេះ ពីកម្មវិធីនោះ ។ លោករំពឹងថា សមត្ថកិច្ចនឹងចាត់វិធានការយ៉ាងតឹងរ៉ឹង រឿងជនខិលខូចយកឈ្មោះគេទៅបោកប្រាស់អ្នកដទៃ ។
មួយរយៈចុងក្រោយនេះ មានករណីបោកប្រាស់តាមទូរស័ព្ទ និងហ្វេសប៊ុក ។ ជាក់ស្តែងនៅទូរទស្សន៍មួយចំនួនបានបញ្ជាក់ប្រាប់អ្នកទស្សនា ឱ្យចេះការពារខ្លួន ព្រោះមានគេចាញ់បោកច្រើនមកហើយ ដោយជនខិលខូចយកឈ្មោះទូរទស្សន៍ទៅបោកប្រាស់តាមរូបភាព ផ្សេងៗ ៕
ចែករំលែកព័តមាននេះ